პოლიტიკა
ვანო მერაბიშვილი ნაციონალური მოძრაობის გენერალური მდივნად რჩება
ნაციონალური მოძრაობის წევრი ვანო მერაბიშვილი, რომელიც ამჟამად საპატიმრო დაწესებულებაში იმყოფება, პარტიის გენერალურ მდივნად დარჩება.
ამის შესახებ მედიას ნაციონალური მოძრაობის წევრმა აკაკი მინაშვილმა განუცხადა.
„გვეყოლება პოლიტსაბჭოს თავმჯდომარე. ვინ იქნება, ამას ძალიან მალე გაიგებთ. არავითარი თანათავმჯდომარეების საკითხი არ განიხილება. რაც შეეხება გენერალური მდივნის პოსტს, პოსტი ნარჩუნდება და ეს ადამიანი, რომელიც დღეს არის გენერალური მდივანი- დარჩება. ამ მიმართულებით ცვლილება არ მოხდება. ახალი შემართებით, ახალი ენერგიით ჩვენ დავიწყებთ იმ პრობლემების წინააღმდეგ ბრძოლას, რომელიც ქვეყანაშია და ბუნებრივია, დავიწყებთ ბრძოლას ივანიშვილის წინააღმდეგ, რომელიც არის ამ პრობლემების სათავე“-აღნიშნა მინაშვილმა.
ნაციონალური მოძრაობის ყრილობა სპორტის სასახლეში ტარდება.
ყრილობას 7 100-ზე მეტი დელეგატი, ასევე 3 ათასამდე მოწვეული სტუმარი დაესწრება.
ორგანიზატორების თქმით,პარტიის მეშვიდე ყრილობის დიდი ნაწილი პოლიტიკურ განცხადებებს დაეთმობა. გარდა ამისა, მოხდება ახალი პოლიტსაბჭოს დამტკიცება, პოლიტისაბჭოს ახალი თავმდჯომარის არჩევა, ასევე პოლიტსაბჭიოს დამტკიცების ახალი წესის მიღება.
რაც შეეხება პარტიის თავმჯდომარეს, ეს პოსტი ვაკანტური დარჩება.
პარტიის ლიდერი მიხეილ სააკაშვილი კი, თანაპარტიელებს ამერიკიდან, სკაიპით მიმართავს.
მონიკა დავლიანიძე