სამართალი

ვანო მერაბიშვილმა გასული ღამე კლინიკაში გაატარა

გასული ღამე ყოფილმა პრემიერმა ვანო მერაბიშვილმა კლინიკაში გაატარა. ჯანმრთელობის მდგომარეობის გაუარესების გამო, მსჯავრდებული გუშინ საავადმყოფოდან საპატიმროში აღარ დააბრუნეს და გამოკვლევებისთვის "მედიკლაბში" დატოვეს.

სავარაუდოდ, მერაბიშვილს ციხეში დღეს გადაიყვანენ. ორთვიან უშედეგო მკურნალობაზე ადვოკატები და ოჯახის წევრები პასუხისმგებლობას ხელისუფლებას აკისრებენ.

ვანო მერაბიშვილს დღემდე არაერთი კვლევა ჩაუტარეს, თუმცა, დიაგნოზი ამ დრომდე უცნობია.

"ვართ ისევ იმავე ნიშნულთან, რეალურად ჩვენ ამ მომენტამდე არ ვიცით, რა სჭირს და ამ მომენტამდე არ ხდება მისი სწორი მკურნალობა. ჩვენი მოთხოვნა არის რომ ის მოთავსებული იყოს მრავალპროფილურ კლინიკაში და იქ დარჩეს იმდენი ხანი, რამდენი ხანიც დასჭირდება კვლევებს, რომ ერთხელ და სამუდამოდ დადგინდეს დიაგნოზი,"-აცხადებს მერაბიშვილის ადვოკატი, გიორგი ჩივიაშვილი.