შინაგან საქმეთა მინისტრმა ვანო მერაბიშვილმა გორის რაიონის სოფელ ახალსოფელში პოლიციის განყოფილების შენობა გახსნა.

ახალ განყოფილებაში პოლიციის 20 თანამშრომელი იმუშავებს და რაიონის 18 სოფელ მოემსახურება.
მერაბიშვილის თქმით, ყველას უნდა ახსოვდეს, რომ აქედან 4 კილომეტრში რუსეთის ჯარის ნაწილები დგას, რომლებიც, განსხვავებით ქართველი პოლიციელებისგან, ტანკებითა და ქვემეხებით არიან შეიარაღებულები.

"ჩვენს პოლიციელებს, ჩვეულებრივი საპოლიციო იარაღები აქვთ; მათ უწევთ ცეცხლის ხაზზე ყოფნა, რისთვისაც განსაკუთრებული მადლობა მინდა ვუთხრა და ვუსურვო, რომ ყოველი მათაგანი, ყოველ საღამოს, საკუთარ ოჯახში ცოცხალი და ჯანმრთელი დაბრუნებულიყოს", - განაცხადა მინისტრმა.
დღესვე მერაბიშვილმა გორის რაიონში სოფელ აგარის პოლიციის ბლოკ-საგუშაგოც გახსნა.