საზოგადოება
ვაშლიჯვრის ესტაკადის მშენებლობისთვის 62 ხე და 200-მდე ხე-ბუჩქი მოიჭრება
გარემოზე ზემოქმედების შეფასების ანგარიშში გამოქვეყნდა ინფორმაცია, რომლის თანახმადაც, ვაშლიჯვრის ესტაკადის მშენებლობის პროცესში 62 ხე და 200-მდე ხე-ბუჩქი მოიჭრება.
როგორც ანგარიშშია აღნიშნული, სულ აღირიცხა 89 ძირი 8სმ და მეტი დიამეტრის ხე. აქედან მოსაჭრელია 62 ძირი, ხოლო გადასარგავია 27 ძირი ხე. ასევე აღრიცხულია 8 სანტიმეტრზე ნაკლები დიამეტრის 214 ძირი ხე-ბუჩქნარი. აქედან მოსაჭრელი -198, ხოლო გადასარგავი - 16 ძირი.
სარაჯიშვილისა და მარშალ გელოვანის ქუჩების გადაკვეთაზე ესტაკადის ასაშენებლად ტენდერი უკვე გამოცხადდა. ესტაკადის მშენებლობა გამარჯვებულ კომპანიასთან ხელშეკრულების გაფორმებიდან 180 დღეში უნდა დასრულდეს.
პროექტის განხორციელების შედეგად, გოძიაშვილის ქუჩა, მარშალ გელოვანს ესტაკადით შეუერთდება და ავტომობილები შუქნიშნის გარეშე იმოძრავებენ.