უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
ვასილ მაღლაფერიძის პრეზენტაციაზე საეჭვო ციფრები იყო მოყვანილი - დოდო შონავა
საზოგადოებრივი მაუწყებლის ახალი ამბების საზოგადოებრივ-პილიტიკური მიმართულების მთავარი პროდიუსერის, პროფესიული კავშირის თავმჯდომარის დოდო შონავას განცხადებით, ვასილ მაღლაფერიძის პრეზენტაციაზე, რომელიც არხის რეფორმირების სამწლიან გეგმას შეეხებოდა, საეჭვო ციფრები იყო მოყვანილი.
როგორც შონავამ მედიას განუცხადა, მაღლაფერიძემ განაცხადა, რომ არხზე 102 გადაცემას შეაჩერებს, მაშინ როდესაც პირველ და მეორე არხზე ჯამურად სულ 43 გადაცემაა.
„ეს იყო XXI საუკუნისთვის შეუფერებელი პრეზენტაცია. „ფაუერ ფოინტი“ მაინც უნდა იცოდე იმისათვის, რომ XXI საუკუნის განვითარებაზე ილაპარაკო. საეჭვოა ის ციფრები, რომელიც აქ იყო მოყვანილი. მაგალითად, მეორე არხთან დაკავშირებით ითქვა 4 მილიონ რაღაცა, როდესაც ბიუჯეტში, წლევანდელ ბიუჯეტში სულ მილიონი ლარია გამოყოფილი მთელი არხისთვის. აქ იგულისხმება პარლამენტის ტრანსლირება და სხვა. 102 გადაცემას როდესაც ასახელებენ, სულ 33 გადაცემაა პირველ არხზე, 10 გადაცემა არის მეორე არხსზე“,-აღნიშნა შონავამ.
მაუწყბელის თანამშრომელმა არხის გენერალური დირექტორის კონსულტანტს ია ანთაძესაც შეეხო და აღნიშნა,რომ იგი საზოგადოებას გულაგ-ის ზედამხედველი ქალბატონივით ესაუბრება.
შონავას თქმით, ანთაძეს არ აქვს უფლება გულგრილად ისაუბროს ადამიანების სამსახურებიდან გათავისუფლების შესახებ.
„ქალბატონი იას ავტორიტეტი არის დამსხვრეული, ნაცარტუტად ქცეული. მე მაინტერესებს, რა კომპლექსების რეალიზებასთან გვაქვს საქმე?! მე მაინტერსებს, გულაგ-ის ზედამხვედევლი ქალივით რომ გვესაუბრება და ასე გულგრილად საუბრობს მასიურ დათხოვნებზე, ვინ მისცა მას ამის უფლება?!“,-განაცხადა დოდო შონავამ.
მისი თქმით, მაუწყებელს სჭირდებ რეფორმები, მაგრამ ისინი ეტაპობრივად უნდა განხორციელდეს.
„ჩვენ არ ვამბობთ, რომ რეფორმა არ გვჭირდება, ჩვენ არ ვამბოთ, რომ ჩვენ ტექნიკური გადაიარაღება არ გვჭირდება, ჩვენ არ ვამბობთ, რომ ოპტიმიზაცია არ გვჭირდება, ოღონდ ჩვენ გვჭირდება ეტაპობრივი მოდერნიზაცია, სამართლიანი მოდერნიზაცია და ის მენეჯმენტი, რომელიც კვალიფიციური იქნება“,-განაცხადა დოდო შონავამ.
მონიკა დავლიანიძე