რეგიონები

ვაზიანი-გომბორი-თელავის მიმრთულებით საავტომობილო მოძრაობა აღდგა

საგზაო დეპარტამენტის ინფორმაციით, ვაზიანი-გომბორი-თელავის მიმრთულებით საავტომობილო მოძრაობა აღდგა, თუმცა გუშინდელი ღვარცოფის შემდეგ ადგილზე კვლავ მობილიზებულია სპეცტექნიკა, რომელიც გზის გაწმენდით სამუშაოებს ახორციელებს..

პრევენციის მიზნით, ავტომობილების გადაადგილებას საპატრულო პოლიცია არეგულირებს.

„მთის ფერდობიდან ღვარცოფისგან ჩამოიშალა მიწა, ჩამოტანილი ქვა-ღორღი სანიაღვრე არხებში ვერ ჩაეტია და საავტომობილო გზაზე გადმოვიდა, ორ მონაკვეთზე შეიქმნა რთული ვითარება და გზის დაკეტვა გახდა აუციელებელი“, – აცხადებს საგზაო დეპარტამენტის კახეთის სამმართველოს უფროსი თამაზ აბდულაშვილი.

გზის სრულ გაწმენდას დღის ბოლოსთვის ვარაუდობენ.