პოლიტიკა
ვაზიანში ჩატარდება სამხედრო სწავლება „ღირსეული პარტნიორი 2016“
11-24 მაისს ვაზიანის სამხედრო აეროდრომის ტერიტორიასა და სამხედრო პოლიგონზე სამხედრო სწავლება „ღირსეული პარტნიორი 2016“ (Noble Partner 2016) ჩატარდება. სწავლება ოფიციალურად ვაზიანის სამხედრო აეროდრომზე 11 მაისს გაიხსნება.
„ღირსეული პარტნიორი 2016“ საქართველოში მეორედ ტარდება და ნატოს სწრაფი რეაგირების ძალებში (NRF) მონაწილე ქართული მსუბუქი ქვეითი ასეულის ნატოსთან და აშშ-ის შეიარაღებულ ძალებთან ურთიერთთავსებადობის გაზრდას ისახავს მიზნად.
სწავლებაში 1300 - მათგან 500 ქართველი, 650 აშშ-ის არმიის ევროპული სარდლობის და 150 ბრიტანელი სამხედრო მოსამსახურე მიიღებს მონაწილეობას. პირველად საქართველოს შეიარაღებული ძალების ისტორიაში სწავლებაში გამოიყენებენ M1A2 ტიპის ამერიკულ ტანკებს „აბრამსებს“. წვრთნაში ასევე ჩაერთვება ქვეითთა საბრძოლო მანქანა „ბრედლი“ და C-130 ტიპის ამერიკული სამხედრო თვითმფრინავი.
„ღირსეული პარტნიორის“ ფარგლებში დაგეგმილია 4 მედიადღე.