უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
ვდებთ პირობას, რომ საქართველოში მარიხუანას მოწევა-მოხმარება იქნება ლეგალური - „გირჩი“
პოლიტიკურმა პლატფორმა „გირჩმა“ მარიხუანის მოხმარების დეკრიმინალიზაციასთან დაკავშირებით საგანგებო ბრიფინგი გამართა, „გირჩის“ წევრმა იაგო ხვიჩიამ პირობა დადო, რომ ეს დასაწყისია და ისინი მიაღწევენ კანაფის მოხმარების ლეგალიზებას.
„ისტორიული დღეა 2017 წლის 30 ნოემბერი. ამ გადაწყვეტილების შემდეგ საქართველოში განვიხილავთ ორ რამეს - კანაფის მოხმარება არის ლეგალური თუ რამდენიმე დღეში ან კვირაში გახდება ლეგალური. შეთანხმებული ვართ, რომ დეკრიმინალიზებულია და აუცილებლად ვდებთ პირობას, რომ საქართველოში, უახლოეს მომავალში საქართველოში მარიხუანას მოწევა-მოხმარება იქნება ლეგალური.
მე მინდა, გესაუბროთ საქმე №732-ზე, სინამდვილეში ამ საქმემ განაპირობა ჩვენთვის ახალი უფლების მინიჭება, რომელიც აქამდე არ გქვონდა, და ეს საქმე იქნება უმნიშვნელოვანესი არა მხოლოდ ქართული პოლიტიკური ცხოვრებისთვის, არამედ ქართული სამართლებრივი ცხოვრებისთვის. ესაა საქმე, რომელმაც მოახერხა, უცბად საქართველო მაღლა აეწია დემოკრატიულობის ყველა ინდექსში ადამიანის უფლებათა დაცვის თვალსაზრისით. ეს გადაწყვეტილება არის გასაკვირი არა მხოლოდ საქართველოსთვის, არამედ გასაკვირია ამ რეგიონისთვის, სადაც ჩვენ რეალურად ვცხოვრობთ“, -თქვა ხვიჩიამ.
ხვიჩიამ თქვა, რომ სასამართლოს გადაწყვეტილებით, ყველა ნასამართლეობა, რომელიც უკავშირდება მარიხუანის მოხმარებას, მოიხსნება.
„სასამართლომ თქვა ის, რომ სახელმწმიფო უნდა შეეშვას პატერნალისტურ მიდგომებს ადამიანებზე, რომელიც აისახება არა მხოლოდ მარიხუანაზე, დროთა განმავლობაში აისახება ყველა ტიპის ნარკოტიკზე, იმიტომ რომ თუ მარიხუანა არის ასეთი, მაშინ ჩათვალეთ, რომ ნებისმიერი ნარკოტიკი შესაძლებელია, იყოს ასეთი. ეს არის სწორად მიმავალი გზა საქართველოს ნარკოპოლიტიკის გასაადამიანურებლად და შესაცვლელად. გარდა ამისა, საკონსტიტუციო სასამართლომ თქვა, რომ იხსნება ყველა ნასამართლეობა , რაც კანაფთან დაკავშირებით ადამაინებს ჰქონდათ, დაბრუნდება ყველა მართვის მოწმობა, რომელიც ამ მუხლით აქვთ შეჩერებული ადამიანებს“, -თქვა ხვიჩიამ.
„გირჩის“ წევრმა ასევე გააფრთხილა მოსახლეობა, რომ დეკრიმინალიზაციის შემდეგ ნარკოპოლიტიკის ახალი ეტაპი იწყება.
„ქვეყანაში გაჩნდება უფრო მაღალი ხარისხის პროდუქტი და ჩვენ უნდა ვიყოთ მზად, რომ ეს მოხდება და ამას არ უნდა შევხვდეთ გარკვეული შიშებითა და გარკვეული არაცნობიერი და ქვეცნობიერი ინსტიქტებით. ყველანი უნდა ვიყოთ მომზადებული იმისთვის, რომ არასრულწლოვან ადამიანებს არ ჩაუვარდეთ ხელში ნარკოტიკული საშუალება, რათა არ მოხდეს ამ ფაქტების სხვადასხგვარი იმპლემენტირება იმ ადამიანების მხრიდან, ვინც არ გვიჭერდა მხარს”, - აღნიშნა ხვიჩიამ.
საკონსტიტუციო სასამართლოს პირველმა კოლეგიამ დააკმაყოფილა მოქალაქე გივი შანიძის სარჩელი, რომელიც გულისხმობს მარიხუანის განმეორებითი მოხმარებისთვის სისხლის სამართლის პასუხისმგებლობის სრულ გაუქმებას. ეს იმას ნიშნავს, რომ მარიხუანის მოხმარებისთვის აღარავინ არ დაისჯება.
ანა მებურიშვილი