უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
პოლიტიკა
ველოდებით დადებით გადაწყვეტილებას - ვიქტორ დოლიძე
საქართველოს საგარეო და ევროინტეგრაციის მინისტრები გამოეხმაურნენ დღეს ევროპარლამენტში გასამართ კენჭისყრას, სადაც საბოლოო გადაწყვეტილებას მიიღებენ საქართველოს მოქალაქეებისთვის ევროპაში უვიზო მიმოსვლის მინიჭებასთან დაკავშირებით.
საგარეო უწყების მინისტრის, მიხეილ ჯანელიძის თქმით, ვიზალიბერალიზაციის კუთხით ქვეყანამ მთელი რიგი რეფორმები გაატარა.
„მნიშვნელოვანი იყო, პრაქტიკული კუთხით, ის რეფორმები, რომლებიც ქვეყანამ განახორციელა ვიზალიბერალიზაციის სამოქმედო გეგმის ფარგლებში. ჩვენ გავაძლიერეთ ჩვენი საიმიგრაციო ინსტიტუტები, კანონმდებლობა, ქვეყანამ ამით წინ წაიწია კონსტიტუციური განვითარების კუთხით, ასევე ჩვენი საზღვრების დაცულობის კუთხით“,-განცხადა ჯანელიძემ.
საქართველოს ევროინტეგრაციის მინისტრი ვიქტორ დოლიძე ამბობს, რომ ის დადებით გადაწყვეტილებას ელოდება.
„ველოდებით დადებით გადაწყვეტილებას, ველოდებით იმას, რომ დიდი უმრავლესობა ჩვენი ევროპარლამენტის მეგობრების, კოლეგების, დეპუტატების, მხარს დაუჭერს ამას , იმიტომ რომ ეს არის ზოგადი განწყობა ევროპაში და არა მხოლოდ პარლამენტის შენობაში, რასაც მერე უკვე მოჰყვება არცთუ ისე დიდი პერიოდი, ტექნიკური პროცესების დასრულების თვალსაზრისთ“, - აცხადებს დოლიძე.
შეგახსენებთ, რომ დღეს ევროპარლამენტი განიხილავს საქართველოსთვის სავიზო რეჟიმის გაუქმების საკითხს.
მომხსენებელი დეპუტატი მარია გაბრიელია.
14-დან 16 საათამდე ბრიუსელში კენჭისყრა გაიმართება ვიზალიბერალიზაციის საკითხზე.
ანა მებურიშვილი