უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
საზოგადოება
ვერეს ხეობაში დარჩენილია დაძრული მასის 10- 15%, რაც მიწისძვრის შემთხვევაში მეწყრის საშიშროებას ქმნის - ლაშა სუხიშვილი
დედამიწის შემსწავლელი ინსტიტუტის წარმომადგენლის ლაშა სუხიშვილის განცხადებით, მაისი და ივნისი საშიში პერიოდია, რადგან ამ დროს თბილისის გარშემო არსებული მეწყერსაშიში ზონების გააქტიურების საფრთხე არსებობს.
როგორც სუხიშვილმა დღევანდელ პრესკონფერენციაზე აღნიშნა, ჯერჯერობით უხვნალექიანობა არ არის, თუმცა მარტო წვიმა მეწყერს არ იწვევს. მისი თქმით, მასის ადგილიდან დაძვრა ფერდის დახრაზეა დამოკიდებული.
მისი თქმით, ვერეს ხეობაში შემორჩენილია მეწყერსაშიში უბნები, სადაც დარჩენილია დაძრული მასის 10-15%.
„ვერეს ხეობაში მეწყერსაშიში უბნები არსებობს, განსაკუთრებით მარჯვენა ნაპირზე. წყნეთი- ახალდაბა, წყნეთი- ბეთანიის მონაკვეთზე, უშუალოდ მეწყრის ადგილას, დაძრული მასის 25% იყო დარჩენილი. მას შემდეგ ნაწილი გაიტანეს და დარჩენილია დაძრული მასის 10- 15%. ეს არ არის ის მოცულობა, რომელიც დაძვრის შემთხვევაში, თბილისს საფრთხეს შეუქმნის, თუმცა საფრთხე შეექმნებათ უშუალოდ იმ ტერიტორიაზე მყოფ ადამიანებს“, - განაცხადა სუხიშვილმა.
სუხიშვილმა აღნიშნა, რომ ვერეს ფერდზე რამდენიმე ათეული მეწყრული კერაა, თუმცა მისი დაგეგმილი კვლევა ამ დრომდე არ ჩატარებულა.
სუხიშვილის განმარტებით, უხვი ნალექისა და წყალმოვარდნის შემთხვევაში, საკმაოდ საშიშია ის მშრალი ხევები, რომლებიც თბილისს გარშემო აკრავს.
ანა მებურიშვილი