კომენტარი

ვიდეოს დაბლარვა პოლიციელის როლის შემსრულებელი მსახიობის მოთხოვნა იყო - აჭარანეთი „ბირჟა მაფიას“ კლიპზე

კომპანია აჭარანეთი მუსიკალური ჯგუფის „ბირჟა მაფიას“ სკანდალური ვიდეო კლიპის საკითხს გამოეხმაურა.

როგორც აჭარანეთის განცხადებაშია ნათქვამი, რომელიც Facebook გვერდზე განთავსდა, აჭარანეტმა ვიდეო კლიპის გადაღება მხოლოდ ტექნიკურად უზრუნველყო.

კომპანიის თქმით, თავად კლიპის იდეისა და შინაარსის შექმნაში, ისევე როგორც გავრცელებაში მონაწილეობა არ მიუღია.

მედიანიუსი აჭარანეტის განცხადებას უცვლელად გთავაზობთ.

„გვსურს გამოვეხმაუროთ ბოლო პერიოდში განვითარებულ მოვლენებს და აჭარანეთის მიმართ გაჩენილ კითხვებზე გიპასუხოთ.

პირველ რიგში, გვინდა აღვნიშნოთ, რომ აჭარანეთი მუშაობს რამდენიმე ახალ პროექტზე, რისთვისაც იწერება მრავალი საპილოტე გადაცემა, სიუჟეტი თუ ვიდეოკლიპი. ნებისმიერ ნიჭიერ ახალგაზრდასა თუ შემოქმედებით ჯგუფს შეუძლია ჩვენთან მოსვლა და პროექტის შემოთავაზება. ერთ-ერთი ასეთი საპილოტე პროდუქტი იყო "ბირჟა მაფიის" კლიპი, რომლის ფარგლებშიც, აჭარანეთმა მოახდინა გადაღების ტექნიკური უზრუნველყოფა. თუმცა, თავად კლიპის იდეისა და შინაარსის შექმნაში, ისევე როგორც გავრცელებაში მონაწილეობა არ მიუღია.

აქვე ვაცხადებთ, რომ აჭარანეთს და მის თანამშრომლებს არ დაკავშირებია სამართალდამცავი ორგანოს არცერთი თანამშრომელი. რამდენადაც ჩვენთვის ცნობილია, ვიდეოს დაბლარვა თავად პოლიციელის როლის შემსრულებელი მსახიობის მოთხოვნა იყო. ამასთანავე აჭარანეთს არ აქვთ წვდომა "ბირჟა მაფიის" YouTube-ის არხთან, სადაც მოხდა ვიდეოს განთავსება და დაბლარვა. და ბოლოს, სიტუაციის სიმძიმიდან გამომდინარე გადაწყვეტილი გვქონდა დუმილი შეგვენარჩუნებინა მიშკასა და გიოს განთავისუფლებამდე. იქამდე, სანამ ბიჭები თავად არ შეძლებდნენ კომენტარის გაკეთებას. მადლობა ყურადღებისათვის“,-ნათქვამია აჭარანეტის განცხადებაში.

მონიკა დავლიანიძე