უკან

უახლესი ამბები

დღის კალენდარი

ანონსები

არქივი

მოზაიკა

24 სექტემბერი, 2018 16:10
font-size

ვიეტნამური გამოფენა „დონგ ჰო“- ხეზე ჭრის ხელოვნება გაიხსნა

მოსე თოიძის სახლ-მუზეუმმა უმასპინძლა ვიეტნამურ გამოფენას “დონგ ჰო“ ხეზე ჭრის ხელოვნება - ვიეტნამური სული“. საქართველოში მოღვაწე ვიეტნამელმა ჩან თი რეგნერმა მოწვეულ სტუმრებს „დონგ ჰო-ს“ ნიმუშები წარუდგინა და თავის კოლეგებთან ერთად ჩაატარა ვორკშოპი ხეზე ჭრის ხელოვნების შესახებ. სხვადასხვა ქვეყნის წარმომადგენლებმა ნატურალური საღებავებით „დონგ ჰო-ს“ ნახატები შეასრულეს. პროფესიონალ მხატვრებს ბავშვებიც შეუერთდნენ და ვიეტნამურ, სპეციალურად დამუშავებულ ქაღალდებზე საკუთარი ნახატები შექმნეს.

გამოფენის მასპინძლების მიზანი იყო ქართული და ვიეტნამური კულტურის გვერდი-გვერდ ჩვენება, რაც სხვადასხვა კულტურათა ურთიერთდაახლოების, ურთიერთგაცნობის და დიალოგის გამართვის სიმბოლოს წარმოადგენს.

„დონგ ჰო-ს„ ფერწერა ტრადიციული ესთეტიკური ფასეულობების და სოციალური ტენდენციების ასახვაა, ისევე როგორც ადამიანური სურვილების გამოხატულებად შეგვიძლია მივიჩნიოთ. მისი ტრადიციული თემებია წარმატების ანარეკლები, ისტორიული მოღვაწეები, ხალხური ალეგორიები, პოპულარული თხრობები და სოციალური თემატიკა. ყოველდღიური ცხოვრების ელემენტები კარგად არის ინტეგრირებული „დონგ ჰო-ს„ ხელოვნებაში, რომელიც საშუალებას იძლევა მხატვრებმა ზუსტად გამოხატონ ხალხის აზრები და სურვილები.

ვიეტნამური გამოფენის გახსნას მოსე თოიძის სახლ-მუზეუმში თავის კონკრეტული მიზეზიც გააჩნია. მოსე თოიძის ოჯახის წევრი, ვლადიმერ (ვოვა) მაჭავარიანი (მოსე თოიძის სიძე) 60-იან წლებში იყო პირველი ქართველი საზოგადო მოღვაწე, რომელმაც შექმნა კულტურული დიალოგი ქართველებსა და ვიეტნამელ ხელოვანებს შორის. ეს გამოფენა ვლადიმერ მაჭავარიანის მიერ დაწყებული მისიის გაგრძელებაა. გამოფენაზე წარმოდგენილი იყო ვიეტნამელი მხატვრის მიერ ვოვა მაჭავარიანის შესრულებული პორტრეტი.

გამოფენა ერთი კვირის განმავლობაში გაგრძელდება. გამოფენის გახსნაზე მოწვეულები იყვნენ დიპლომატიური წრეების წარმომადგენლები, რომლებსაც აგრეთვე, საშუალება ჰქონდათ დაეგემოვნებინათ ვიეტნამური და ქართული კერძები.

სწრაფი სესხები

14 ივნისი, 2019 , 14:07

სწრაფი ონლაინ სესხები ქართულ ფინანსულ ბაზარზე საკმაოდ ახალი პროდუქტია, რომელიც უკვე დიდი პოპულარობით სარგებლობს. ის საშუალებას აძლევს მომხმარებელს მიიღოს სასურველი თანხა სახლიდან გაუსვლელად, ძალიან სწრაფად და დღისა თუ კვ

დედა დათვი ბელებით ფშავში

14 ივნისი, 2019 , 11:02

ფშავ-ხევსურეთის ეროვნული პარკი „ფეისბუქში“ ავრცელებს დათვისა და ბელების ვიდეოს, რომელიც ფშავის უბანშია გადაღებული. „დედა დათვი ბელებით – გადადიან ყირაზე და უკანა თათებზე დგებიან პატარა ბ

როგორ შევარჩიოთ აუზი აგარაკისთვის - გასაბერი თუ კარკასული?

12 ივნისი, 2019 , 11:17

ზაფხული დადგა, ტემპერატურამ იმატა და მოსახლეობის უმრავლესობა დასასვენებლად აგარაკებისა და სოფლებისკენ გაემართა. სიცხესთან საბრძოლველად ყველაზე ეფექტური საშუალება  წყალია. როდესაც ქალაქის ცხელი ჰავისგან დაღლილს გინდა

“ჩაისუნთქე-ამოისუნთქე” - ქართული კინო შანხაის საერთაშორისო კინოფესტივალზე

10 ივნისი, 2019 , 15:10

15-25 ივნისს აზიაში ერთ-ერთი ყველაზე მნიშვნელოვანი კინომოვლენა – შანხაის საერთაშორისო კინოფესტივალი გაიმართება. ფესტივალის მთავარ საკონკურსო პროგრამაშია გერმანიაში მოღვაწე ქართველი რეჟისორის – დიტო ცინცაძის ფ

მოსალოდნელია ხანმოკლე წვიმა ელჭექით, ზოგან შესაძლებელია სეტყვა

10 ივნისი, 2019 , 15:10

საქართველოს ზოგიერთ რეგიონში დღეს და ხვალ მოსალოდნელია ხანმოკლე წვიმა ელჭექით, ზოგან შესაძლებელია სეტყვა. ზემო იმერეთსა და კოლხეთის დაბლობზე იქროლებს აღმოსავლეთის ძლიერი ქარი. ჰაერის ტემპერატურა დასავლეთ საქართველოს დაბლ

გიგანტური კუ ბუნებრივ გარემოში დააბრუნეს

10 ივნისი, 2019 , 13:30

სპეციალისტების რეკომენდაციის გათვალისწინებით, გარემოს ეროვნული სააგენტოს წარმომადგენლებმა გიგანტური კუ შავი ზღვის საქართველოს სანაპირო ზოლში, ბუნებრივ გარემოში გაუშვეს. გარემოს ეროვნული სააგენტოს ინფორმაციით, მიმდინარე წ

ვიდეო გალერეა

ქრისტე აღსდგა!