პოლიტიკა

ვიმედოვნებთ, რომ არჩევნების შედეგები რუსეთ-საქართველოს ურთიერთობების ნორმალიზების შესაძლებლობას მოგვცემს - გრიგორი კარასინი

რუსეთის საგარეო საქმეთა მინისტრის მოადგილის, გრიგორი კარასინის განცხადებით, მოსკოვი იმედოვნებს, რომ საქართველოს საპრეზიდენტო არჩევნების შედეგები გავლენას მოახდენს რუსეთ-საქართველოს ურთიერთობების ნორმალიზებაზე.

„ვიმედოვნებთ, რომ არჩევნების შედეგები მოგვცემს საშუალებას, გავაგრძელოთ მუშაობა ჩვენი ორმხრივი ურთიერთობების გაჯანსაღებაზე, ნორმალიზებაზე მთელ რიგ სფეროებში“, - განაცხადა კარასინმა.

ცენტრალური საარჩევნო კომისიის მიერ, ხმების 100 %-ის დათვლის შედეგად, საპრეზიდენტო არჩევნების მეორე ტურში ,,ქართული ოცნების“ მიერ მხარდაჭერილ კანდიდატს, სალომე ზურაბიშვილს ხმა ამომრჩეველთა 59,52 %-მა მისცა, გაერთიანებული ოპოზიციის კანდიდატ გრიგოლ ვაშაძეს კი 40,48 %-მა