უკან

უახლესი ამბები

დღის კალენდარი

ანონსები

არქივი

მსოფლიო

14 ოქტომბერი, 2019 13:30
font-size

ვინ არიან ქურთები და რატომ არიან ისინი დარტყმის ქვეშ

ოპერაცია, რომელსაც თურქეთი სირიაში ქურთული ფორმირებების წინააღმდეგ ატარებს, მხოლოდ ერთი ნაწილია ისტორიული მოვლენების ჯაჭვში.

CNN ჰყვება ქურთი ხალხის ისტორიას და განმარტავს იმ მიზეზებს, თუ რატომ არიან ისინი დარტყმის ქვეშ.

ვინ არიან ქურთები

პირველ მსოფლიო ომამდე, ქურთები მომთაბარე ცხოვრებას ეწეოდნენ. ოტომანური იმპერიის დაშლის შემდეგ, ქურთი ხალხი რამდენიმე ახლად წარმოქმნილი სახელმწიფოს ტერიტორიაზე აღმოჩნდა მიმოფანტული.

დღეისათვის მსოფლიოში 25-30 მილიონი ქურთია. ისინი ცხოვრობენ თურქეთში, სირიაში, ერაყში, ირანსა და სომხეთში.

მხოლოდ ერაყში მოახერხეს ქურთებმა საკუთარი ტერიტორიისთვის ავტონომიური სტატუსის მიღება.

თურქეთში, სადაც ისინი ყველაზე დიდ (მოსახლეობის 20 პროცენტამდე) ეთნიკურ უმცირესობას წარმოადგენენ, ქურთებს დევნიან: მათ ხშირად მოიხსენიებენ „მთიელ თურქებად“, უკრძალავენ მშობლიური ენის შესწავლასა და ტრადიციული ტანსაცმლის ტარებას.

სად ცხოვრობენ ქურთები

დღესდღეობით, ჰიპოთეტური ქურთისტანი განლაგებულია ხუთ სხვადასხვა რეგიონში: სამხრეთ-აღმოსავლეთ თურქეთში, ჩრდილო-აღმოსავლეთ სირიაში, ჩრდილოეთ ერაყში, ჩრდილო-დასავლეთ ირანსა და სამხრეთ-დასავლეთ სომხეთში.

მე-20 საუკუნის დასაწყისში ქურთებმა მუშაობა დაიწყეს საკუთარი სამშობლოს, ქურთისტანის შექმნაზე. შედეგად, 1920 წელს ხელი მოეწერა სევრესის ხელშეკრულებას – ერთ-ერთ იმ შეთანხმებათაგანს, რომელსაც ცენტრალურმა სახელმწიფოებმა მოაწერეს ხელი პირველი მსოფლიო ომში დამარცხების შემდეგ.

მაშინვე დაფიქსირდა ოსმალეთის იმპერიის დაშლა. სევრესის ხელშეკრულება ქურთისტანის ავტონომიის შექმნას ითვალისწინებდა.

მაგრამ ომის დამთავრებიდან სამი წლის შემდეგ, დასავლელმა მოკავშირეებმა უარი თქვეს დამოუკიდებელი ქურთისტანის სახელმწიფოს შექმნის მოთხოვნაზე და ქურთებით დასახლებული რეგიონი რამდენიმე ქვეყანას შორის გაიყო.

თურქეთის მკაცრი პოზიცია

პრეზიდენტი ერდოღანი ყოველთვის ძალიან მკაცრი იყო ქურთების საკითხთან დაკავშირებით. ის ღიად აცხადებდა, რომ მისი მიზანი – ქურთების მშრომელთა პარტიის განადგურება იყო – ქურთების ძირითადი პოლიტიკური და სამხედრო ძალის.

2016 წელს ქვეყანაში ყველა ქურთული მედია დაიხურა, 11 ათასი ქურთი პედაგოგი გაათავისუფლეს, 24 ქურთი მერი კი ხელისუფლების მიერ დანიშნული კადრით შეცვალეს.

სამხედრო ოპერაციას, რომელსაც თურქეთი ახლა ატარებს თავის საზღვრებთან, ქურთების მიერ კონტროლირებად ტერიტორიაზე, ორი მიზანი აქვს. პირველი – შექმნას „უსაფრთხო ზონა“ თურქეთსა და ქურთულ ტერიტორიებს შორის. მეორე – გადაასახლოს ამ ზონაში, დაახლოებით, 2 მილიონი ადამიანი, რომლებიც თურქეთში სირიის სამოქალაქო ომის შედეგად აღმოჩნდნენ.

აშშ-ის პოზიცია: ღალატის ბრალდება

ქურთულმა ფორმირებებმა გადამწყვეტი როლი შეასრულეს ისლამური სახელმწიფოს ტერორისტების წინააღმდეგ ბრძოლაში, რომელსაც აშშ-ის მიერ შექმნილი კოალიცია აწარმოებდა. ახლა, ისლამური სახელმწიფოს დამარცხების შემდეგ, აშშ უარს ამბობს ქურთების აქტიურ დახმარებაზე, რომლებიც თურქების დარტყმის ქვეშ აღმოჩდნენ.

ამერიკული მედიისა და პოლიტიკოსების დიდი ნაწილი მიმდინარე მოვლენებს ღალატად აფასებს და წარსულიდან იხსენებს მსგავს ეპიზოდს.

როდესაც პრეზიდენტმა ბუშმა ერაყის მოსახლეობას სადამ ჰუსეინის დიქტატორული რეჟიმის დამხობისკენ მოუწოდა, მას პირველი ქურთები გამოეხმაურნენ. მაგრამ, როდესაც ისინი აღმოჩნდნენ სახელისუფლებო ძალების დარტყმის ქვეშ (ათასობით ადამიანი დაიღუპა), აშშ-ის მხრიდან დახმარება ვერ მიიღეს.

ისლამური სახელმწიფოს აღორძინების საფრთხე

ისლამური სახელმწიფოს განადგურების შემდეგ, ამ ტერორისტული დაჯგუფების ათასობით მებრძოლი დააკავეს და მოათავსეს ქურთული ქვედანაყოფების დაცვის ქვეშ.

თურქული სამხედრო ოპერაციის გაგრძელება ნიშნავს, რომ ქურთულ ფორმირებებს მისთვის წინააღმდეგობის გაწევა მოუწევთ, ის ბანაკები კი, სადაც ისლამური სახელმწიფოს მებრძოლები იმყოფებიან, დაუცველი დარჩება.

წყარო: JAMnews

საკვანძო სიტყვები:

ილჰამ ალიევმა სამხედროების ნაწილობრივი მობილიზაციის შესახებ განკარგულებას ხელი მოაწერა

28 სექტემბერი, 2020 , 12:15

აზერბაიჯანის პრეზიდენტმა, ილჰამ ალიევმა სამხედროების ნაწილობრივი მობილიზაციის შესახებ განკარგულებას ხელი მოაწერა. ინფორმაციას ამის შესახებ აზერბაიჯანული სააგენტო „ტრენდი“ ავრცელებს. მედიასაშუალების ცნობით, გა

სომხეთისა და აზერბაიჯანის საზღვარზე ვითარება უკიდურესად დაძაბულია

27 სექტემბერი, 2020 , 12:58

 სომხეთისა და აზერბაიჯანის საზღვარზე ვითარება უკიდურესად დაიძაბა. მხარეები სამხედრო შეტაკებების და მსხვერპლის შესახებ იუწყებიან. აზერბაიჯანული მედიის ცნობით, სომხეთის მხრიდან დღეს დილით ფართომასშტაბიანი შე

სისხლისსამართლებრივი დევნის და რევანშის კატეგორიული წინააღმდეგი ვარ, ეს აღარ მოხდება - სააკაშვილი

26 სექტემბერი, 2020 , 15:20

საქართველოს მესამე პრეზიდენტი, მიხეილ სააკაშვილი მორიგ ვიდეომიმართვას ავრცელებს და ამბობს, რომ სისხლისსამართლებრივი დევნის და რევანშის კატეგორიული წინააღმდეგია. მისი თქმით, ეს აღარ მოხდება რადგან არ შეიძლება ქვ

ამომრჩევლების მოსყიდვის ბრალდებით სომხეთის ოპოზიციის ლიდერი დააკავეს

26 სექტემბერი, 2020 , 15:05

სომხეთში პარტია „აყვავებული სომხეთის“ ლიდერი გაგიკ ცარუკიანი დააკავეს. მედიის ინფორმაციით, სასამართლომ ცარუკიანს აღკვეთის ღონისძიების სახით 2-თვიანი პატიმრობა შეუფარდა. „აყვავებული სომხეთის“ ლიდერ

რუსეთი: კორონავირუსის 7 523 ახალი შემთხვევა და 169 გარდაცვლილი პაციენტი

26 სექტემბერი, 2020 , 15:05

რუსეთში, ბოლო დღე-ღამის განმავლობაში, კორონავირუსის 7 523 ახალი შემთხვევა გამოვლინდა და დაინფიცირებულთა საერთო რაოდენობამ 1 143 571-ს მიაღწია. კორონავირუსით რუსეთში კიდევ 169 ადამიანი გარდაიცვალა და ლეტალური შემთხვევების

სომხეთი: კორონავირუსის 429 ახალი შემთხვევა და 1 გარდაცვლილი პაციენტი

26 სექტემბერი, 2020 , 13:10

სომხეთში, ბოლო დღე-ღამეში კორონავირუსის 429 ახალი შემთხვევა გამოვლინდა და ინფიცირებულთა საერთო რაოდენობა 49 072- მდე გაიზარდა. ამასთან, ბოლო დღე-ღამეში ქვეყანაში კოვიდ-19-ს კიდევ 1 ადამიანის სიცოცხლე ემსხვერპლა და დაღუპუ

პირდაპირი TV

daily calendar

ვიდეო გალერეა

პოლიტიკური პარასკევი ნატო ჩხეიძე