უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
არქივი
კომენტარი
ვინმემ რომ მოინდომოს და საქართველოში ჰოლანდია გააკეთოს, ეს სწორი არ არის - ზვიად ძიძიგური
პარლამენტის ვიცე-სპიკერის, ზვიად ძიძიგურის აზრით, საქართველოში ვინმემ ჰოლანდია რომ გააკეთოს, სწორი არ იქნება, რადგან, ძიძიგურის თქმით, პატარა ერი ვართ და ეს ჩვენი ტრადიციისა და კულტურისთვის შესაფერისი არ არის.
ამის შესახებ ძიძიგურმა ნარკოპოლიტიკის ლიბერალიზაციასთან დაკავშირებით მიმდინარე მსჯელობის კომენტირებისას განაცხადა.
მისი თქმით, ჯანსაღი ცხოვრების რეკლამირება უნდა მიდიოდეს და არა იმის ჩვენება, რომ „ნარკომანები რა კარგი ადამიანები არიან“.
„ვინც ნარკოტიკებს უკვე მოიხმარს და ასეთი უბედურება გვჭირს, ეს ამბავი გასაგებია, მაგრამ ახალი ადამიანები არ უნდა წავახალისოთ, მით უმეტეს, ახალგაზრდობა, რომ ნარკოტიკების მოხმარება გაიზარდოს.
საკმაოდ კრიტიკული დამოკიდებულება მაქვს იმ მიმართულებით, რომელსაც ხშირად ნარკოლიბერალიზაციის მიმართულებით ვისმენთ.
მიმაჩნია, რომ სააკაშვილის პერიოდთან შედარებით, დღეს საქართველოში ნარკოტიკების მომხმარებლების მიმართ ძალიან ლიბერალური მიდგომაა.
აქედან გამომდინარე, ვინმემ რომ მოინდომოს და საქართველოში ჰოლანდია გააკეთოს, ეს სწორი არ არის. ეს ჩვენი ტრადიციისა და კულტურისთვის შესაფერი არ არის. პატარა ერი ვართ და ეს მიდგომა პატარა გენოფონდისთვის დამღუპველი იქნება. ყველა ამბობს, რომ ნარკოტიკების მოხმარების გაზრდის წინააღმდეგია, მაგრამ „ფიცი მწამს და ბოლო მაკვირვებს“. ჯანსაღი ცხოვრების რეკლამირება უნდა მიდიოდეს და არა იმის ჩვენება, ნარკომანები რა კარგი ადამიანები არიან“, - აღნიშნა ძიძიგურმა.
მონიკა დავლიანიძე