უახლესი ამბები
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
არქივი
კომენტარი
ვიქნები იქ, სადაც ყველაზე მეტ დისკომფორტს შევუქმნი ბიძინა ივანიშვილის - ნიკა მელია
„ნაციონალური მოძრაობის“ პოლიიტკური საბჭოს თავმჯდოპმარე არ აკონკრეტებს პარლამენტში, თუ თბილისის საკრებულოში გააგრძელებს საქმიანობას.
როგორც მელიამ ჟურნალისტებს პოლიტსაბჭოს სხდომის დაწყებამდე განუცხადა, რომელზეც უნდა გადაწყდეს მიიღებს თუ არა „ნაციონალური მოძრაობა“ არჩევნების მეორე ტურში მონაწილეობას იმ რეგიონებში სადაც კანდიდატი გამოვლენილი არ არის.
მელიას თქმით, ის იქნება იქ, სადაც მეტ დისკომფორტს შეუქმნის ბიძინა ივანიშვილს.
„მე ვიქნები იქ, სადაც ყველაზე მეტ დისკომფორტს შევუქმნი ბიძინა ივანიშვილის არაფორმალურ მმართველობას და ყველაზე მეტ სარგებელს მოვუტან საზოგადოებას
მოგეხსენებათ, პარტიის პოლიტიკური საბჭო გახლავთ მთავარი მმართველი ორგანო. ამ მმართველი ორგანოს ფარგლებში, ჩვენ ძალიან ბევრ საკითხზე უნდა ვიმსჯელოთ. უნდა შეფასდეს, თუ რა მოხდა ადგილობრივ არჩევნებზე, სად რა სახის მძიმე დარღვევები იყო ხელისუფლების მხრიდან. ბუნებრივია, გაცილებით უფრო დეტალურად მოგახსენებთ მას შემდეგ, რაც დასრულდება შეხვედრა, რომელიც შესაძლოა, რამდენიმე საათი გაგრძელდეს“,- განაცხადა მელიამ.
რაც შეეხება საკრებულოში "ნაციონალური მოძრაობის" შესვლის საკითხს, როგორც მელიამ აღნიშნა, ეს არის საკითხი, რომელიც არ განიხილება.
„ყველა არენაზე განახლებულმა „ნაციონალურმა მოძრაობამ“ უნდა იბრძოლოს, ეს იქნება საპარლამენტო, ადგილობრივი თვითმმართველობის თუ მშვიდობიანი მანიფესტაციის ფარგლებში. ამიტომ ეს საკითხი არ დგას“, - განაცხადა მელიამ.
ნიკა მელია, ადგილობრივი თვითმმართველობის არჩევნებში „ნაციონალური მოძრაობის“ თბილისის საკრებულოს სიის პირველი ნომერი იყო. პარტიამ არჩევნებში ზღვარი გადალახა და დედაქალაქის საკრებულოში 5 დეპუტატით იქნება წარმოდგენილი.
მონიკა დავლიანიძე