უკან

უახლესი ამბები

დღის კალენდარი

ანონსები

არქივი

საზოგადოება

4 მარტი, 2021 14:50
font-size

ვიქტორ ჯაფარიძის ოჯახმა და მისმა ბიზნესპარტნიორებმა “ოცნებას” 2012 წლიდან 410 000 ლარი შესწირეს - „საერთაშორისო გამჭვირვალობა“

თანამდებობის პირებთან დაკავშირებული კომპანიები მესტიაში სახელმწიფო პროგრამიდან სუბსიდიას იღებენ. აღნიშნულთან დაკავშირებით ინფორმაციას „საერთაშორისო გამჭვირვალობა საქართველო“ ავრცელებს.

ორგანიზაციის ინფორმაციით, მესტიის მუნიციპალიტეტში თანამდებობის პირებთან დაკავშირებულმა ოთხმა კომპანიამ სახელმწიფო პროგრამის „აწარმოე საქართველოში” ფარგლებში ფინანსური სუბსიდია მიიღო, რომლის ჯამური ოდენობაც 769,729 ლარია.

„სუბსიდირებული კომპანიების ნაწილი და მათი მფლობელები სახელმწიფო შესყიდვებში მონაწილეობენ, მათ მიერ მიღებული შესყიდვების ჯამურმა ღირებულებამ 300,856 ლარი შეადგინა.

ვიქტორ ჯაფარიძე - შპსსეტი+”

შპს “სეტი+” “ქართული ოცნებიდან” საქართველოს პარლამენტის წევრის, ვიქტორ ჯაფარიძის წილობრივ მფლობელობაში (33%) არსებული კომპანიაა. “სეტი+” ფლობს მესტიის ცენტრში მდებარე სასტუმრო POSTA HOTEL-ს”.

შპს “სეტი+”-მა 2017-2020 წლებში ჯამში 528,150 ლარის ოდენობის სუბსიდია მიიღო, საიდანაც პირველი სუბსიდია კომპანიის რეგიტრაციიდან (2017 წლის 14 ივლისი) 12 დღეში - 2017 წლის 26 ივლისს გაფორმებული ხელშეკრულების საფუძველზე გაიცა.

შპს “სეტი+” ჩართულია სახელმწიფო შესყიდვებშიც. მან 2019-2020 წლებში 114,782 ლარის ღირებულების 13 გამარტივებული შესყიდვა მიიღო.

ვიქტორ ჯაფარიძესთან დაკავშირებული კომპანიების ტენდერებზე “საერთაშორისო გამჭვირვალობა-საქართველომ” კვლევა 2020 წლის ივლისში გამოაქვეყნა - ვიქტორ ჯაფარიძის შვილის ოთარ ჯაფარიძის კომპანიებმა შპს “ექსპერტ ჰაუსი” და “TOB ქონსთრაქშენი” 2018-2020 წლებში 6 მილიონ ლარზე მეტი ღირებულების 8 ტენდერი მოიგეს. ვიქტორ ჯაფარიძის ოჯახმა და მისმა ბიზნესპარტნიორებმა მმართველ პარტიას - “ქართული ოცნებას” 2012 წლიდან დღემდე 410,000 ლარი შესწირეს.

შპსსასტუმრო უშბა

შპს “სასტუმრო უშბა” 2019 წლის თებერვალში დაფუძნებული კომპანიაა. მისი დირექტორი მესტიის მერის, კაპიტონ ჟორჟოლიანის და თეა ჟორჟოლიანია, შპს-ს 100% წილის მფლობელი კი თეა ჟორჟოლიანის ქმარი ოლეგ კახიანი. შპს “სასტუმრო უშბამ” სახელმწიფო პროგრამის „აწარმოე საქართველოში“ ინდუსტრიული ნაწილის ფარგლებში სუბსიდიის სახით 2019 წლის მაისში 58,905 ლარი მიიღო.

აღსანიშნავია, რომ თეა ჟორჟოლიანი ინდივიდუალური მეწარმის სტატუსით სახელმწიფო შესყიდვებში მონაწილეობს, მას 2014 წლიდან დღემდე 125,354 ლარის ღირებულების 28 გამარტივებული შესყიდვა (სასტუმროს და კვების მომსახურება) აქვს მიღებული [ცნობისათვის თეა ჟორჟოლიანის ძმა კაპიტონ ჟორჟოლიანი მესტიის მერი/გამგებელი 2013 წლიდანაა], 28 შესყიდვიდან 20 შემთხვევაში თეა ჟორჟოლიანისაგან მომსახურება მესტიის მერიამ და მის მიერ დაფუძნებულმა იურიდიულმა პირებმა შეისყიდეს. გაფორმებული ხელშეკრულებების ჯამურმა ღირებულებამ 98,170 ლარი შეადგინა.

შპსსანსეტი

შპს “სანსეტი” 2019 წელს დაფუძნებული კომპანიაა, მისი 100% წილის მფლობელი და დირექტორი ქრისტინე ნაკანია, რომელიც მესტიის მუნიციპალიტეტის საკრებულოს “ეკონომიკის საკითხთა და ტურიზმის განვითარების” კომისიის თავმჯდომარის, ვახტანგ ნაკანის შვილია.

შპს “სანსეტმა” სახელმწიფო პროგრამის „აწარმოე საქართველოში“ ინდუსტრიული ნაწილის ფარგლებში 2019 წელს ორჯერ მიიღო სუბსიდია, ჯამში 121,143 ლარის ოდენობით.

აღსანიშნავია, რომ ქრისტინე ნაკანი ინდივიდუალური მეწარმის სტატუსით მონაწილეობს სახელმწიფო შესყიდვებში. 2015 წლიდან დღემდე მან 14 გამარტივებული შესყიდვა (კვების მომსახურება) მიიღო, ხელშეკრულებების ჯამური ღირებულებით 53,400 ლარი, საიდანაც 43,560 ლარის ღირებულების კონტრაქტი მესტიის მუნიციპალიტეტზე მოდის. შპს “სანსეტმა” კი 7,320 ლარის ღირებულების ორი გამარტივებული შესყიდვა მიიღო , ორივე შემთხვევაში ტურიზმის ეროვნულმა სააგენტომ სასტუმროს და კვების მომსახურება შეისყიდა ქართველი ჟურნალისტების 32-კაციანი ჯგუფის მესტიაში გასტროტურით ვიზიტის ფარგლებში

შპსნიმერია

შპს “ნიმერია” 2018 წლის 11 ნოემბერს დაფუძნებული კომპანიაა, რომლის 100% წილის მფლობელი და დირექტორი მესტიის მერის პირველი მოადგილის, ნელი ნავერიანის შვილი ლელა ჯაფარიძეა. შპს “ნიმერიასთან” სახელმწიფო პროგრამის „აწარმოე საქართველოში“ ინდუსტრიული ნაწილის ფარგლებში ორი ხელშეკრულებაა გაფორმებული. 2018 წლის 17 დეკემბრის ხელშეკრულებით “ნიმერიამ” 61,531 ლარის ოდენობის სუბსიდია მიიღო. 2020 წლის კონტრაქტით გასაცემი სუბსიდიის ოდენობა უცნობია, რადგანაც როგორც “აწარმოე საქართველოში” განგვიმარტეს, თანხის მოცულობა გადარიცხვის შემდეგ გასაჯაროვდება.

თანამდებობის პირებთან დაკავშირებული კომპანიების ჩართულობა, ერთის მხრივ, სახელმწიფო სუბსიდირების პროგრამებში, მეორეს მხრივ კი - სახელმწიფო შესყიდვებში, „საერთაშორისო გამჭვირვალობა-საქართველოს” შეფასებით, აჩენს ეჭვებს პროცესის კანონიერებასთან დაკავშირებით.

შესაბამისად, მოვუწოდებთ სახელმწიფო უსაფრთხოების სამსახურის ანტიკორუფციულ სააგენტოს, შეისწავლოს თითოეული ფაქტი და დაადგინოს, შეიცავს თუ არა კორუფციის შესაძლო ნიშნებს“, - აღნიშნულია ორგანიზაციის მიერ გავრცელებულ ინფორმაციაში.

დღეს საქართველოში გლოვის დღეა

10 აპრილი, 2021 , 10:40

2021 წლის 7 აპრილს ტრაგიკულად დაღუპული, ოკუპირებული აფხაზეთის ტერიტორიაზე მცხოვრები საქართველოს მოქალაქეების ხსოვნის პატივსაცემად, დღეს საქართველოში გლოვის დღეა. მთავრობის განკარგულებით, რომელსაც პრემიერ-მინისტრი ირაკლი

უკიდურესად დესტრუქციული ძალები მოქმედებენ წესების გარეშე და ემსახურებიან ყველაფრის ფასად ძალაუფლების ხელში ჩაგდების ძალიან საშიშ ამოცანებს - „საქართველოს მარადისობის დღის“ დაფუძნების ინიციატორები

9 აპრილი, 2021 , 14:40

„საქართველოს მარადისობის დღის“ დაფუძნების ინიციატორები განცხადებას ავრცელებენ. მათი შეფასებით, ქვეყანაში შექმნილი ვითარება საფრთხეს უქმნის ქართული სახელმწიფოს მომავალს, რის გამოც მოითხოვენ, „ხელისუფლება

ვხედავთ, რომ შეტევა ხორციელდება უწმინდესზე, ოჯახზე, სტუმარზე, ისტორიასა და ტრადიციაზე - გია გაჩეჩილაძე

9 აპრილი, 2021 , 14:40

მომღერალ გია გაჩეჩილაძის განცხადებით, საქართველოს პატრიარქზე, ილია მეორეზე შეტევა ხორციელდება. ამის შესახებ მან „ევროპის მოედანზე“ განაცხადა, სადაც მოქალაქეთა შეკრება იმართება. „ყელა ვხედავთ, რომ შეტევა

გთხოვთ, რომ სიჩუმით, სიდინჯით და ერთიანობით პატივი ვცეთ ამ დღეს - სალომე ზურაბიშვილი

9 აპრილი, 2021 , 12:45

საქართველოს პრეზიდენტი სალომე ზურაბიშვილი 9 აპრილის მემორიალთან მივიდა. "9 აპრილის გმირების მიმართ პატივისცემა არ გამოიხატება ტიტების მიტანით და მხოლოდ იმით, რომ აქ მოვდივართ ამ დღეს. გამოიხატება იმაში, თუ ჩვენ პატივს ვც

ჩემს გატაცებაზე ბრძანება კვირიკაშვილმა ნამდვილად გასცა, თუმცა ის ვერ იზამდა ამას ივანიშვილის ბრძანების გარეშე - აფგან მუხთარლი

9 აპრილი, 2021 , 12:32

ვფიქრობ, რომ ჩემს გატაცებაზე ბრძანება კვირიკაშვილმა ნამდვილად გასცა, თუმცა ის ვერ იზამდა ამას ივანიშვილის ბრძანების გარეშე - ამბობს აზერბაიჯანელი ჟურნალისტი, აფგან მუხთარლი, როემლიც გენერალურ პროკურატურაში გამოკითხვაზე მ

კორონავირუსის ახალი შემთხვევებიდან თბილისში გამოვლინდა 430, სამეგელო-ზემო სვანეთში - 91, აჭარაში - 62

9 აპრილი, 2021 , 11:20

კორონავირუსის ახალი შემთხვევებიდან თბილისში გამოვლინდა 430, სამეგელო-ზემო სვანეთში – 91, აჭარაში – 62, – ინფორმაციას ამის შესახებ მთავრობის ადმინისტრაციის პრესსამსახური ავრცელებს. „Stopcov.ge-ზე გ