უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
ვიქტორ დოლიძე ისლანდიასა და დანიაში შეხვედრებს გამართავს
ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე სამუშაო ვიზიტით ისლანდიის რესპუბლიკასა და დანიის სამეფოში გაემგზავრა.
ვიზიტის ფარგლებში, 19 სექტემბერს, ისლანდიის დედაქალაქში გაიმართება სახელმწიფო მინისტრის ორმხრივი შეხვედრები ისლანდიის იუსტიციის მინისტრთან სიგრითურ ანდერსენთან და იმიგრაციის დირექტორატის უფროსთან კრისტინ ვიოლუნდა დოტირთან. შეხვედრებზე მთავარ თემად განიხილება საქართველო-ევროკავშირს შორის სავიზო რეჟიმის ლიბერალიზაციის პროცესი. მხარეები შენგენის ზონაში თავისუფალი მიმოსვლის რეჟიმის დარღვევების აღსაკვეთად პრევენციულ ღონისძიებებზე იმსჯელებენ და საქართველოს ევროპული და ევრო-ატლანტიკური ინტეგრაციის პროცესის აქტუალურ საკითხებს მიმოიხილავენ.
ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ინფორმაციით, ისლანდიის რესპუბლიკიდან სახელმწიფო მინისტრი დანიის სამეფოში გაემგზავრება, სადაც, 20-22 სექტემბერს დაგეგმილია შეხვედრები დანიის საგარეო საქმეთა სამინისტროს სახელმწიფო მდივანთან საგარეო პოლიტიკის საკითხებში ბერლინგ ლიზბერგთან, თავდაცვის სამინისტროს მუდმივმოქმედ მდივანთან თომას არენკიელთან, მუდმივმოქმედი სახელმწიფო მდივნის მოადგილესთან მიქელ სტარბეკ კრისტენსენთან (პრემიერ- მინისტრის აპარატი) და დანიის პარლამენტის (Folketing)საგარეო პოლიტიკის, თავდაცვის და ევროპული კიმიტეტების წევრებთან. შეხვედრებზე ყურადღება გამახვილდება ისეთ საკითხებზე, როგორიცაა: საქართველოს ნატო-სა და ევროკავშირში და ინტეგრაციის პროცესი, ნოემბერში დაგეგმილი აღმოსავლეთ პარტნიორობის სამიტისთვის მზადება და მოლოდინები, დანიის სამეფოს მიერ ევროკავშირის დახმარების ფარგლებში და ორმხრივ ფორმატში საქართველოში განხორციელებული დახმარების პროგრამები, თანამშრომლობის გაღრმავება სტრატეგიული კომუნიკაციის მიმართულებით და ანტიდასავლური პროპაგანდის საფრთხეები.
ვიზიტის ფარგლებში, დანიის ევროპული მოძრაობის ორგანიზებით, ასევე, დაგეგმილია საჯარო შეხვედრა სახელმწიფო მინისტრთან. 22 სექტემბერს კი გაიმართება დისკუსია მრგვალი მაგიდის ფორმატში დანიის საერთაშორისო კვლევების ინსტიტუტში (DIIS). სახელმწიფო მინისტრი საქართველოში არსებულ პოლიტიკურ პროცესებზე, ევროკავშირსა და ნატო-ში ინტეგრაციის საკითხებზე, რუსეთის ანექსიური პოლიტიკის კონტექსტში რეგიონში არსებულ ვითარებასა და შავი ზღვის უსაფრთხოების კუთხით არსებულ გამოწვევებზე ისაუბრებს.