უკან

უახლესი ამბები

დღის კალენდარი

ანონსები

არქივი

პოლიტიკა

24 თებერვალი, 2017 17:00
font-size

ვიქტორ დოლიძე საქართველოში ევროკავშირის სადამკვირვებლო მისიის ხელმძღვანელს შეხვდა

დღეს მთავრობის ადმინისტრაციის შენობაში ევროპულ და ევროატლანტიკურ სტრუქტურებშ ინტეგრაციის საკითხებში სახელმწიფო მინისტრი ვიქტორ დოლიძე საქართველოში ევროკავშირის სადამკვირვებლო მისიის (EUMM) ხელმძღვანელს კესტუტის იანკაუსკასს შეხვდა.

ოფიციალური ცნობით, შეხვედრაზე საუბარი შეეხო საქართველოს ოკუპირებული ტერიტორიებზე არსებულ ვითარებას, ოკუპირებული ტერიტორიების გასწვრივ სადამკვირვებლო მისიის საქმიანობას და სხვა მნიშვნელოვან პოლიტიკურ საკითხებს.

„ევროკავშირის სადამკვირვებლო მისია, ეს არის ერთადერთი საერთაშორისო კომპონენტი მონიტორინგის, რომელიც ოკუპირებული ტერიტორიის ხაზის გასწვრივ ოპერირებს და მოქმედებს. ასევე მათი წვლილი ძალიან დიდია საერთაშორისო მექანიზმში, როგორიცაა ინციდენტების პრევენციის მექანიზმი და მოგეხსენებათ, გალში აღდგა ამგვარი შეხვედრები და, ბუნებრივია, ისინი უზრუნველყოფენ გადაადგილებას. თვითონ ბატონი იაკოვსკიც ძალიან ახლო მეგობარია ჩვენი ქვეყნის და მისი წარმომადგენლები, რომელთაგან ყველაზე მეტი ადამიანი იმყოფება საქართველოში, ძალიან დიდ საქმეს აკეთებენ. ვისაუბრეთ პოლიტიკურ თემებზეც, შევეხეთ მათ შორის ნატო-ს დაგეგმილ სამიტს, საქართველო-ევროკავშირის სამომავლო ურთიერთობებს, აღმოსავლეთ პარტნიორობის სამიტს, იმ წარმატებებს, რაც შესაძლებელია ჩვენ ამ ურთიერთობიდან გამოვიტანოთ. საქართველოს ხელისუფლება და ჩვენი აპარატი არის მკაფიოდ ჩამოყალიბებული იმაზე, თუ რა გვინდა, რა გვჭირდება და რა შესაძლო მიზნებს შეიძლება მოემსახუროს აღმოსავლეთ პარტნიორობის დაგეგმილი სამიტი. დეტალურად მიმოვიხილეთ ის დარღვევები, ის პროვოკაციული ქმედებები და არა მხოლოდ ქმედებები, განცხადებები და რუსეთის მიერ დაგეგმილი პროვოკაციები, რომელიც თუნდაც ეხება რეფერენდუმის მოწყობას და ა.შ. „-განაცხადა ვიქტორ დოლიძემ.

მისივე თქმით, შეხვედრის ერთ-ერთი თემა იყო ის, თუ როგორ შეიძლება გაუმჯობესდეს ადგილზე თავად მონიტორინგის სისტემა: „აფხაზეთის ოკუპირებული ხაზის გასწვრივ იქნება, თუ იგივე ხურვალეთის მიმდებარე ტერიტორიაზე მომავალში, ვისაუბრეთ იმაზე, რომ ახალი ინიციატივები, რომელიც შემუშავების პროცესშია ქალბატონ ქეთი ციხელაშვილის და მისი უწყების მიერ-უფრო მეტი კონტაქტი ხალხებს შორის, უფრო მეტი ეკონომიკური, სავაჭრო, კულტურული, თუ ჰუმანიტარული ურთიერთობების გახსნა, რომელიც ასევე მნიშვნელოვანია, თუ რამდენად ხელს შეუწყობს რეინტეგრაციის პროცესს ჩვენი აფხაზი და ოსი ძმების ისევე, როგორც წაადგება ქვეყნის მომავალ გამთლიანებას, რაშიც ეჭვი არავის ეპარება. უმთავრესი მიზანი, რასაც საქართველოს ტერიტორიული მთლიანობა და სუვერენიტეტი ჰქვია, ეს არის ყველასთვის, მათ შორის სადამკვირვებლო მისიის საქართველოში ყოფნის უმთავრესი მიზანი და დარწმუნებული ვარ, ამ მხრივ პროგრესი გვექნება მომავალში“,-აღნიშნა ვიქტორ დოლიძემ.

სახელმწიფო მინისტრი ამბობს, რომ საქართველოში სადამკვირვებლო მისიის წარმომადგენელთა რაოდენობა საკმარისია, უბრალოდ შესაძლებელია ტექნიკური საშუალებების მეტად განვითარება და შესაბამისად, მათი ეფექტიანობის გაზრდა: „ჯერჯერობით ის რაოდენობა, რომელიც არის, 200-ზე მეტი ადამიანი, ვფიქრობთ, საკმარისია. ვნახოთ, მომავალში შესაძლებელია ტექნიკური საშუალებების უფრო მეტად განვითარება, მეტი სიახლის შეტანა. ამაზე ფიქრობენ როგორც მისიის წარმომადგენლები, ისე-ჩვენც. ძალიან მნიშვნელოვანია, იგივე ხურჩაში მომხდარი მოვლენების შემდგომ, რომ 24 საათიანი მონიტორინგი, დაფიქსირება ამ ყველაფერის ხდებოდეს. გაუმჯობესების იმედი ნამდვილად მაქვს. უფრო ახალი ელემენტების უფრო მკაფიოდ და ნათლად ჩამოყალიბებაზეა საუბარი. ბუნებრივია, 24 საათიანი რეჟიმი ისედაც წარმოებს.საკმაოდ დიდი რაოდენობაა დამკვირვებლების განლაგებული, მაგრამ ეფექტურიბის გაზრდა, დამეთანხმებით, ყოველთვის მნიშვნელოვანია“,-განუცხადა ვიქტორ დოლიძემ ჟურნალისტებს.

საკვანძო სიტყვები:

პრეზიდენტმა ტოივო კლაართან ვაქცინის მოწოდებისა და კოვიდსოლიდარობის საკითხზე ევროკავშირის მხარდაჭერის მნიშვნელობაზე ისაუბრა

26 იანვარი, 2021 , 17:52

საქართველოს პრეზიდენტი სალომე ზურაბიშვილი ჟენევის საერთაშორისო მოლაპარაკებების თანათავმჯდომარეს, სამხრეთ კავკასიასა და საქართველოში კრიზისის საკითხებში ევროკავშირის სპეციალურ წარმომადგენელს, ტოივო კლაარს შეხვდა. პრეზიდენ

ეროვნული უსაფრთხოების საბჭოს აპარატის უფროსმა თურქეთის ელჩთან შეხვედრა გამართა

26 იანვარი, 2021 , 17:13

ეროვნული უსაფრთხოების საბჭოს აპარატის უფროსმა, კახაბერ ქემოკლიძემ, საქართველოში თურქეთის რესპუბლიკის საგანგებო და სრულუფლებიან ელჩთან, ფატმა ჯერენ იაზგანთან გაცნობითი შეხვედრა გამართა. ამის შესახებ ინფორმაციას ეროვნული უ

ევროსაბჭოს სესიაზე საქართველოში საპარლამენტო არჩევნებთან დაკავშირებით უარყოფით შეფასებებს უფრო მეტს ველოდი, ვიდრე ეს გამოითქვა - ფრიდონ ინჯია

26 იანვარი, 2021 , 17:07

საქართვლოს პარლამენტის წევრი, პოლიტიკური პარტია „ევროპელი სოციალისტების“ ლიდერი ფრიდონ ინჯია სტრასბურგში ევროსაბჭოს საპარლამენტო ასამბლეის სესიის მუშაობას აფასებს. ფრიდონ ინჯია ევროპის საბჭოს საპარლამენტო ასა

“კრიზისიდან ერთადერთი გამოსავალი ვადამდელი, დემოკრატიული არჩევნების ჩატარებაა” - ცხრა ოპოზიციური პარტია ერთობლიც განცხადებას ავრცელებს

26 იანვარი, 2021 , 16:52

ცხრა ოპოზიციური პარტია ერთობლიც განცხადებას ავრცელებს, სადაც მიმართავენ ქართულ ოცნებას, დროულად დაუბრუნდეს მოლაპარაკებების მაგიდას. ისინი კვლავ მოუწოდებენ მმართველ პარტიას ვადამდელი საპარლამენტო არჩევნების ჩატარებისკენ.

ირაკლი ღარიბაშვილი კელი დეგნანს შეხვდა

25 იანვარი, 2021 , 17:05

საქართველოს თავდაცვის მინისტრმა, ირაკლი ღარიბაშვილმა საქართველოში ამერიკის შეერთებული შტატების საგანგებო და სრულუფლებიან ელჩს, კელი დეგნანს უმასპინძლა. თავდაცვის სამინისტროს პრესსამსახურის ინფორმაციით, შეხვედრაზე მხარეებ

გიორგი გახარიამ ტოივო კლაართან შეხვედრაზე რეგიონში ბოლო პერიოდში არსებულ უსაფრთხოების გარემოსა და ოკუპირებულ ტერიტორიებთან დაკავშირებულ გამოწვევებზე ისაუბრა

25 იანვარი, 2021 , 17:05

საქართველოს პრემიერ-მინისტრმა გიორგი გახარიამ, ჟენევის საერთაშორისო მოლაპარაკებების თანათავმჯდომარესთან, სამხრეთ კავკასიასა და საქართველოში კრიზისის საკითხებში ევროკავშირის სპეციალურ წარმომადგენელ ტოივო კლაართან შეხვედრა