უკან

უახლესი ამბები

დღის კალენდარი

ანონსები

არქივი

პოლიტიკა

21 აპრილი, 2017 17:00
font-size

ვიქტორ დოლიძემ ნიდერლანდების სამეფოში შეხვედრები გამართა

20 აპრილს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძე ნიდერლანდების სამეფოს საგარეო საქმეთა მინისტრ ბერტ კუნდერსს შეხვდა. შეხვედრა ქ.ჰააგაში სახელმწიფო მინისტრის სამუშაო ვიზიტის ფარგლებში გაიმართა.

შეხვედრაზე აღინიშნა საქართველოს, როგორც აღმოსავლეთ პარტნიორობის მონაწილე ქვეყნის მიერ დაფიქსირებული პროგრესი. ჰოლანდიის საგარეო საქმეთა მინისტრმა დაადასტურა ნიდერლანდების სამეფოს მზაობა მომავალშიც განაგრძოს საქართველოს ევროპული და ევროატლანტიკური მისწრაფებების მხარდაჭერა და სხვადასხვა პროექტების ხელშეწყობა როგორც სტარტეგიული კომუნიკაციის, ისე ქვეყნის ეკონომიკური განვითარებისა და განათლების მიმართულებით.

„ჩვენ განვიხილეთ მნიშვნელოვანი საკითხები, მათ შორის, როგორიცაა რუსეთის პროვოკაციული მოქმედებები, ბოლო პერიოდში განსაკუთრებით, ანექსიის თვალსაზრისით გადადგმული. მადლობა გადავუხადეთ ჩვენს ჰოლანდიელ კოლეგებს მხარდაჭერისთვის როგორც მრავალმხრივ, ისე ორმხრივ ფორმატებში, რომელსაც ისინი ყოველთვის იჩენენ ევროკავშირის, ნატოს, თუ სხვა მიმართულებით და რა თქმა უნდა განვიხილეთ საქართველოში მიმდინარე ის სექტორალური რეფორმები, რომელიც ხელს უწყობს ასოცირების შეთანხმების განხორციელებას, ნატოსთან ურთიერთობები, ევროკავშირთან პოლიტიკური ასოცირება და ინტეგრაციის თემები.“-განაცხადა ვიქტორ დოლიძემ შეხვედრის დასრულების შემდეგ.

სახელმწიფო მინისტრი ნიდერლანდების სამეფოს წარმომადგენლობითი პალატის საგარეო საქმეთა კომიტეტის წარმომადგენლებსაც შეხვდა. ჰოლანდიის ახლად არჩეული პარლამენტის წევრები ასოცირების შეთანხმების შესრულებისა და ნატოსთან ინტეგრაციის კუთხით დაგეგმილი ღონისძიებებით დაინტერესდნენ. ვიქტორ დოლიძემ ასოცირების შეთანხმების იმპლემენტაციის ფარგლებში სხვადასხვა სფეროში განხოციელებულ რეფორმებზე ისაუბრა. სახელმწიფო მინისტრმა, ასევე, მადლობა გადაუხადა ჰოლანდიურ მხარეს ევროკავშირთან სავიზო რეჟიმის ლიბერალიზაციის საკითხში მხარდაჭერისთვის და აღნიშნა, რომ საქართველოს ხელისუფლება განაგრძობს აქტიურ მუშაობას პარტნიორ ქვეყნებთან ევროკავშირსა და ნატოში ინტერაციის გზაზე შემდგომი ნაბიჯების მხარდაჭერის კონსოლიდაციის მიმართულებით.

სახელმწიფო მინისტრმა, ასევე, შეხვედრა გამართა დემოკრატიისა და სარჩევნო მხარდაჭერის საერთაშორისო ინსტიტუტის (IDEA International) ჰააგის ოფისში. სამთავრობოთაშორისო ორგანიზაციის მიზანია მდგრადი დემოკრატიის ხელშეწყობა მთელს მსოფლიოში. ვიქტორ დოლიძემ ორგანიზაციასთან თანამშრომლობის გაღრმავების საკითხები პროგრამების ხელმძღვანელთან სემ ვან დერ სტააკთან განიხილა.

მხარეებმა საქართველოში დემოკრატიული ინსტიტუტების განვითარებისა და გამტკიცების ხელშეწყობის მიზნით კონკრეტული პროგრამების განხორციელების შესაძლებლობაზე იმსჯელეს.

21 აპრილს, ვიზიტის ფარგლებში, ნიდერლანდების სამეფოში საქართველოს საელჩოს ორგანიზებით, ჰააგის ევროპის სახლში გაიმართა სახელმწიფო მინისტრის ლექცია და ფოტო-გამოფენა „Georgias European way“. ღონისძიებას ჰააგაში აკრედიტებული დიპლომატიური კორპუსის, კვლევითი ინსტიტუტებისა და საერთაშორისო ორგანიზაციების წარმომადგენლები ესწრებოდნენ.

„ქართული ოცნება“ პრეზიდენტობის კანდიდატს სავარაუდოდ, ზაფხულის მეორე ნახევარში დაასახელებს

20 აპრილი, 2018 , 16:35

პარლამენტის თავმჯდომარის ირაკლი კობახიძის განცხადებით, საპრეზიდენტო კანდიდატის დასახელება ჯერ ნაადრევია. როგორც ირაკლი კობახიძემ ჟურნალისტებთან განმარტა, „ქართული ოცნება“ კანდიდატს ზაფხულის მეორე ნახევარში და

მიზეზები არ დაილევა, ვიღაცა მივლინებაშია, ვიღაცა საქეიფოდ არის, ვიღაცა უქეიფოდ - ნუკრი ქანთარია უმრავლესობის სხდომის გადადებაზე

20 აპრილი, 2018 , 14:40

საპარლამენტო უმრავლესობის წევრის, ნუკრი ქანთარიას თქმით, უმრავლესობის სხდომის გამართვის თარიღის გადაწევა გუნდში არსებულ სიტუაციაზე უარყოფითად იმოქმედებს. „რაც უფრო გადაიდება, მით უფრო გართულდება, იმიტომ რომ პრობლემ

გასაგებია, რომ ბოლომდე დაიცავდნენ ქიბარ ხალვაშის ინტერესებს - „რუსთავი 2“-ის იურისტი მთავრობის მოთხოვნაზე

20 აპრილი, 2018 , 14:15

„რუსთავი 2“-ის იურისტის, თამთა მურადაშვილის განმარტებით, საქართველოს მთავრობის მოთხოვნა, არხი გადაეცეს ქიბარ ხალვაშს, ურთიერთგამომრიცხავია და ემსახურება ქიბარ ხალვაშის ინტერესებს. „ერთადერთი, რასაც მთავ

არასამთავრობოები პარტიებისთვის განკუთვნილი სახელმწიფო დაფინანსების განაწილების წესს უარყოფითად აფასებენ

20 აპრილი, 2018 , 13:05

სამი არასამთავრობო ორგანიზაცია გაუმართლებლად მიიჩნევს ცვლილებებს „მოქალაქეთა პოლიტიკური გაერთიანების შესახებ“ კანონში, რომლის მიხედვით დაფინანსდება მხოლოდ ის პარტია, რომლის მაჟორიტარი დეპუტატი შექმნის საპარლა

კახა კალაძე OGP-ს წარმომადგენლებს შეხვდა

20 აპრილი, 2018 , 12:40

დედაქალაქის მერი კახა კალაძე „ღია მმართველობის პარტნიორობის“ (OGP) აღმასრულებელი დირექტორის მოადგილეს, ჟოზეფ პაუელს შეხვდა. შეხვედრაზე მიმდინარე წლის ივლისში, თბილისში დაგეგმილი „ღია მმართველობის პარტნი

„ქართული ოცნება“ გაიზიარებს „მოქალაქეთა კავშირის“ ბედს, რომელიც უბრალოდ გაქრა - არმაზ ახვლედიანი

20 აპრილი, 2018 , 11:00

ყოფილი დეპუტატის, არმაზ ახვლედიანის თქმით, „ქართული ოცნება“ „მოქალაქეთა კავშირის“ ბედს გაიზიარებს. მისი თქმით, მმართველი გუნდი აცდენილია რეალობას. „მე ვფიქრობ, რომ „ქართული ოცნება&ldqu

ვიდეო გალერეა

ინტერვიუ ვანიჩკასთან - ნატო ჩხეიძე