უკან

უახლესი ამბები

დღის კალენდარი

ანონსები

არქივი

სამართალი

1 დეკემბერი, 2016 15:55
font-size

ვიცოდი, თუ ტვ ,,იბერიის’’ წილის გადაფორმებაზე ხელს არ მოვაწერდი, ჩვენი კომპანიები ვერ განაგრძობდა მუშაობას - მოწმე

თბილისის საქალაქო სასამართლოში ტელეკომპანია ,,იბერიას’’ დახურვისა და სამაუწყებლო ლიცენზიის დათმობის საქმეზე პროცესი ბრალდების მხარის მტკიცებულებათა გამოკვლევით განახლდა.

სხდომათა დარბაზში ბრალდების მხარის მოწმე, ქეთევან ფანქველაშვილი დაიკითხა, რომელიც იბერია ტვ-ის 25%-იანი წილის მფლობელი შპს "ილიონის" დირექტორი იყო და ერთ-ერთი იმ პირთაგანია, რომელიც უშუალოდ მონაწილეობდა ტელეკომპანიის წილების გადაფორმების პროცესში.

მოწმემ 2004 წლის თებერვალი და სპეცრაზმის ,,ომეგაში’’ შეჭრა გაიხსენა. მისი თქმით, ეს იყო მძიმე და სტერსული პერიოდი, როდესაც პროკურატურას და შინაგან ძალებს დაკავებული ჰქონდათ ჯგუფში შემავალი კომპანიები, რის გამოც მუშაობა ყველგან შეჩერებული იყო.

რაც შეეხება ტელეკომპანიის ლიცენზიის დათმობის პროცესს, როგორც ფანქველაშვილმა აღნიშნა, 2004 წლის დეკემბერში მას დაუკავშირდა ,,ომეგა’ ჯგუფის“ ხელმძღვანელობის ნდობით აღჭურვილი პირი, ლევან აღდგომელაშვილი, რომელიც უშუალოდ ახორციელებდა პროკურატურასთან მოლაპარაკებებს და შეატყობინა, რომ ,,ერთადერთი პირობა, რათა კომპანიებს გაეგრძლებინათ მუშაობა, იყო წილების დათმობა.’’

,,სარწმუნოდ მივიჩნიე მისი ნათქვამი და მივედი სანოტარო ბიუროში. ჩემ გარდა იქ იყვნენ ლევან აღდგომელაშვილი, ალექსანდრე ლაცაბიძე და დიმიტრი ქიტოშვილი. რაც შეეხება დოკუმენტს, რომელზეც ხელი მოვაწერე, ეს იყო დოკუმენტი, რომლითაც ,,იბერიაში’’ "ილიონის" 25% გადავუფორმე ვინმე კაკაურიძეს, რომელსაც არც მანამდე ვიცნობდი და არც გადაფორმების შემდეგ შევხვედრილვარ’, - განაცხადა ქეთევან ფანქველაშვილმა, რომელიც როგორც თავად აღნიშნა, წილის გადაფორმების მომენტში იყო ,,ომეგა ჯგუფში’’ შემავალი კომპანიების დირექტორი.

როგორც სასამართლოს სხდომის შემდეგ საქმის პროკურორმა, ემზარ გაგნიძემ განაცხადა, ქეთევან ფანქველაშვილმა სასამართლოს წინაშე დაადასტურა, რომ კომპანიის ხელმძღვანელობა წილების გადაფორმების მოთხოვნაზე იმიტომ დათანხმდა, რომ სხვა გზა არ ჰქონდა მუშაობის აღსადგენად.

თავის მხრივ, როგორც ბრალდებულ ზურაბ ადეიშვილის ადვოკატმა, შოთა კახიძემ აღნიშნა, ამ ეტაპისთვის ბრალდების მხარის მიერ წარმოდგენილი არცერთი მოწმის ჩვენებას და მტკიცებულებას არ დაუდასტურებია, რომ მისი დაცვის ქვეშ მყოფი დანაშაულში მონაწილეობდა.

შეგახსენებთ, რომ პროკურატურამ ტელეკომპანია ,,იბერიის’’ დახურვისა და სამაუწყებლო ლიცენზიის ჩამორთმევის საქმე მიმდინარე წლის თებერვალში გახსნა. უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცა.

საქმეზე მომდევნო სხდომა 2017 წლის 9 იანვრის 12:00 საათისთვის ჩაინიშნა. პროცესი ბრალდების მხარის მტკიცებულებებათა გამოკვლევით გაგრძელდება.

ნინო ექვთიმიშვილი

ჰოსპიტალიზაცია წინასწარ შეთანხმებულ კლინიკებში, დიდი ოდენობით ქრთამის აღება - 3 პირი დააკავეს, 2-ს ბრალდება წარედგინა

29 მარტი, 2024 , 15:10

სახელწიფო უსაფრთხოების სამსახურის ცნობით, მოსამართლის განჩინების საფუძველზე, წინასწარი შეთანხმებით ჯგუფის მიერ განსაკუთრებით დიდი ოდენობით ქრთამის აღების ფაქტზე, ჯანდაცვის სამინისტროს სსიპ საგანგებო სიტუაც

პროკურატურამ განზრახ მკვლელობის და ცეცხლსასროლი იარაღის მართლსაწინააღმდეგო შეძენა, შენახვა, ტარების ფაქტზე, ერთ პირს ბრალდება წარუდგინა

27 მარტი, 2024 , 12:46

საქართველოს პროკურატურამ ქალაქ ქობულეთში მომხდარი განზრახ მკვლელობის და ცეცხლსასროლი იარაღის მართლსაწინააღმდეგო შეძენა, შენახვა, ტარების ფაქტზე, ერთ პირს ბრალდება წარუდგინა. ინფორმაციას პროკურატურის პრესსამსახური ავ

შინაგან საქმეთა სამინისტრომ ნარკოდანაშაულისთვის 11 პირი დააკავა

22 მარტი, 2024 , 11:07

შინაგან საქმეთა სამინისტროს ცენტრალური კრიმინალური პოლიციის დეპარტამენტის, თბილისის, აჭარის, კახეთისა და გურიის პოლიციის დეპარტამენტების თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მ

საგამოძიებო სამსახურმა კომერციული მოსყიდვის ფაქტზე ტექინსპექტირების ცენტრის თანამშრომელი ამხილა

22 მარტი, 2024 , 10:56

საქართველოს ფინანსთა სამინისტროს საგამოძიებო სამსახურის თანამშრომლების მიერ გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, კომერციული მოსყიდვისა და ყალბი დოკუმენტის დამზადება-გასაღების

სპეციალური საგამოძიებო სამსახური, ევროპის საბჭოს მინისტრთა კომიტეტის რეკომენდაციის შესაბამისად, „ცინცაბაძის ჯგუფის“ საქმეებს შეისწავლის

21 მარტი, 2024 , 11:16

სპეციალური საგამოძიებო სამსახური, ევროპის საბჭოს მინისტრთა კომიტეტის რეკომენდაციის შესაბამისად, „ცინცაბაძის ჯგუფის“ საქმეებს შეისწავლის, – ამის შესახებ სპეციალური საგამოძიებო სამსახურის განცხადებაშია აღ

ევროპის საბჭოს მინისტრთა კომიტეტმა საქართველოს თემირლან მაჩალიკაშვილის საქმეზე გამოძიების დროული განახლებისკენ მოუწოდა - SJC

20 მარტი, 2024 , 14:53

სოციალური სამართლიანობის ცენტრის ცნობით, ევროპის საბჭოს მინისტრთა კომიტეტმა საქართველოს თემირლან მაჩალიკაშვილის საქმეზე გამოძიების დროული განახლებისკენ მოუწოდა, - ნათქვამია სოციალური სამართლიანობის ცენტრის მიერ გავრცელებ

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი