მსოფლიო

ვხედავთ, რა ხდება ბელორუსში და რა ხდება საქართველოში, როგორ ჩაითრიეს ეს ქვეყნები სხვადასხვა გზით უკანონობაში.

საქართველო და ბელარუსი რუსეთმა უკანონობაში ჩაითრია, - ასეთი განცხადება გააკეთა ვოლოდიმირ ზელენსკიმ ევროპის პოლიტიკურ სამიტზე.

უკრაინის პრეზიდენტმა სამიტზე ასევე თქვა, რომ ევროპული ქვეყანა, რომლის დაყოფაც რუსეთს უნდა, უნდა გახდეს ევროკავშირის და ნატოს წევრი და სწორედ ეს არის გამოსავალი.

ყველა ევროპული ქვეყანა, რომლის დაყოფაც რუსეთს უნდა, უნდა გახდეს ევროკავშირის და ნატოს წევრი. არსებობს ორი ალტერნატივა, ან ღია ომი ან მცოცავი ოკუპაცია. ვხედავთ, რა ხდება ბელორუსში და რა ხდება საქართველოში, როგორ ჩაითრიეს ეს ქვეყნები სხვადასხვა გზით უკანონობაში. უკრაინელები, რომლებიც აჩვენებენ მათ ერთგულებას თავისუფლების მიმართ, ერთიან ევროპულ ღირებულებებს თავიანთი სისხლით იცავენ, ჯერ კიდევ არ მიუღიათ მკაფიო პასუხი ევროკავშირსა და ნატოში გაწევრიანებასთან დაკავშირებით. მათი იმედები ილუზორული ხდება. იფიქრეთ ამ იმედგაცრუებაზე". - განაცხადა ზელენსკიმ.

ზელენსკიმ ასევე აღნიშნა, რომ დროა ეჭვები გაქრეს და პოზიტიური გადაწყვეტილება იქნას მიღებული უსაფრთხოების კუთხით უკრაინისთვის, მოლდოვასთვის და საქართველოსთვის.

„დრო მოვიდა რომ ეჭვები გაქრეს. პოზიტიური გადაწყვეტილება იქნება პოზიტიური გადაწყვეტილება ყველასთვის. უსაფრთხოება იქნება უსაფრთხოება მოლდოვისთვის. ეს იქნება ახლის დასაწყისი საქართველოსთვის და ეჭვიც არ მეპარება, რომ დროთა განმავლობაში ბელორუსიისთვისაც. ამის შემდეგ აღარ იქნება არანაირი აგრესია ევროპაში", - აღნიშნა ზელენსკიმ.