უკან

უახლესი ამბები

დღის კალენდარი

ანონსები

არქივი

სამართალი

13 თებერვალი, 2018 15:27
font-size

ვლადიმერ ჯანჯღავას ადვოკატებმა ბადაგონში განხორციელებული ინვესტიციების და გიორგი სალაყაიას მიერ წილების მითვისების შესახებ დოკუმენტები წარმოადგინეს

დღეს, ვლადიმერ ჯანჯღავას და კომპანია "გრაკორო ტრეიდინგ ლიმიტედი"-ს ადვოკატებმა პრესკონფერენცია გამართეს. იმედა დვალიძემ და დიმიტრი ხაჩიძემ დოკუმენტაცია, წარმოადგინეს, რომელიც მათი თქმით, "გრაკოროს" მიერ კომპანია "ბადაგონში" ინვესტიციების განხორციელების ფაქტს, აგრეთვე წილების ფორმალურად გადაფორმებისას კომპანიის რეალურ ღირებულებას ადასტურებს.

„ვაცხადებთ პრეტენზიას ჩვენი კუთვნიილი წილის დაბრუნებაზე და შესაბამისად პირველ რიგში ჩვენს ინტერესებში არ შედის, რომ მოხდეს საწარმოს გაჩერება. მით უფრო ამის არანაირი საფუძველი არ არსებობს“,-აცხადებს ადვოკატი იმედა დვალიძე.

„გიორგი სალაყაია, წინა ბრიფინგზე გაჟღერებულ ჩვენს სამ პრინციპულ დღემდე არ პასუხობს. შეგახსენებთ ამ სამ კითხვას: 1 რა თანხის ინვესტიცია განახორციელა კომპანია „ბადაგონში“ ვლადიმერ ჯანჯღავამ კომპანია „გრაკოროს“ მეშვეობით? 2 თავად სალაყაიამ რა ოდენობის ინვესტიცია განახორციელა კომპანია „ბადაგონში“ და 3 რა ფასად და რა პირობით შეიძინა მან კომპანია „ბადაგონის“ საბოლოო ჯამში 100%-იანი წილი. - აღნიშნა ადვოკატმა იმედა დვალიძემ, მისი თქმით სალაყაია გაურბის „ბადაგონში“ წილის მითვისების თემაზე საუბარს.

იმედა დვალიძემ ასევე კომენტარი გააკეთა გიორგი სალაყაიას ადვოკატების მიერ გავრცელებულ ინფორმაციაზე, თითქოსდა 2015 წელს ბადაგონის წილების გადაფორმების მომენტისათვის კომპანიიის ღირებულება იყო ზერო ანუ ნული და თითქოსდა კომპანია იყო ფაქტიურად ბანკროტი. აღნიშნულის საპასუხოდ ჯანჯღავას ადვოკატებმა მედიის წარმომადგენლებს წარუდგინეს დოკუმენტი, კომპანიის კრების ოქმი რომელიც მათი თქმით, ადასტურებს, რომ 2015 წლის იანვარში კომპანია "ბადაგონის" ღირებულება შეადგენდა სულ მცირე, რამდენიმე ათეულ მილიონ დოლარს. იმედა დვალიძემ ასევე წარმოადგინა ვიდეოჩანაწერი, რომელიც იმავე პერიოდშია გაკეთებული და სადაც თავად სალაყაიაც საუბრობდა კომპანია „ბადაგონის“ წარმატებაზე და იმაზე, რომ საწარმო იყო #1 და წარმოედგენდა საქართველოს სახეს.

გარდა ამისა ადვოკატმა ასევე წარმოადგინა დოკუმენტები კომპანია „ბადაგონის“ ერთადერთი ინვესტორის - ვლადიმერ ჯანჯღავას მიერ კომპანია „გრაკორო თრეიდინგ ლიმიტედის“ მეშვეობით კომპანია ბადაგონში განხორციელებული ინვესტიციების შესახებ და აღნიშნა, რომ 2006 წელს, როცა რუსეთის მხრიდან ემბარგო გამოცხადდა ქარხნის მშენებლობა არ შეჩერებულა და მხოლოდ ამ ერთი წლის განმავლობაში დაახლოებით 6 მილიონი აშშ დოლარის ინვესტიციები განხორციელდა. ადვოკატმა ასევე წარმოადგინა დოკუმენტი, რომლის შესაბამისად, 2011 წლამდე ინვესტიციების სახით მოზიდული 14 მილიონი დოლარი, ვლადიმერ ჯანჯღავამ „გრაკოროს“ მეშვეობით „ბადაგონის“ საწესდებო კაპიტალში შეიტანა, ანუ ფაქტობრივად კომპანიას აჩუქა.

ჩვენ ვითხოვთ იმ წილის დაბრუნებას, რომელიც წილიც ფორმალურად იყო გადაცემული გიორგი სალაყაიაზე. ვლადიმერ ჯანჯღავას კომპანიამ დაახლოებით 20 მილიონი დოლარი დააბანდა საწარმოში და თუნდაც ის ფაქტი, რომ წილის ფორმალური გადაცემისას კომპანიას ჰქონდა შესაძლებლობა 10 მილიონი დოლარის საკრედიტო რესურსი მოეთხოვა ერთ-ერთი ქართული ბანკისგან, ადასტურებს კომპანიის რეალურ ფასს და ღირებულებას“,-განაცხადა დვალიძემ.

ერთ-ერთი მთავარი საკითხი, რომელზეც ხშირად აპელირებს მოწინააღმდეგე მხარე, ისაა, თუ რატომ მივმართეთ ფინანსტა სამინისტროს საგამოძიებო სამსახურს. რომ თითქოს ეს სამოქალაქო დავაა. „მთელი ამ დღეების განმავლობაში მოწინააღმდეგე მხარის მხრიდან ვისმენთ განცხადებებს იმასთან დაკავშირებით, რომ ფინანსთა სამინისტროს საგამოძიებო სამსახური არ უნდა იძიებდეს ამ საქმეს. საქართველოს სისხლის სამართლის კოდექსის თანახმად მითვისება ან გაფლანგვა, რაც სხვისი ნივთის ან ქონებრივი უფლების მართლსაწინააღმდეგო მითვისებაა, თუ ეს ნივთი იმყოფებოდა მიმთვისებლის ან გამფლანგველის კანონიერი მფლობელობაში ან განმგებლობაში, დანაშაულს წარმოადგენს და საქართველოს კანონმდებლობით სწორედ ფინანსთა სამინისტროს საგამოძიებო სამსახურია ის სუბიექტი, რომელიც ამ დანაშაულს უნდა იძიებდეს.

იმედა დვალიძემ და დიმიტრი ხაჩიძემ კიდევ ერთხელ მოუწოდეს გიორგი სალაყაიას, რომ მან საქმესთან დაკავშირებულ ძირითად კითხვებს უპასუხოს და ხელოვნურად არ შეეცადოს საქმის სხვა სიბრტყეში უსაფუძვლოდ გადატანას.

25 წლის თამარ გამრეკელაშვილის მკვლელობისთვის ბრალდებულს უვადო პატიმრობა მიესაჯა

10 დეკემბერი, 2018 , 16:10

ბარნოვის ქუჩაზე 25 წლის თამარ გამრეკელაშვილის მკვლელობისთვის ბრალდებულს, ვეფხია ბაქრაძეს სასამართლომ უვადო პატიმრობა მიუსაჯა. საქმის მასალების თანახმად, ვეფხია ბაქრაძემ ახალგაზრდა გერი განსაკუთრებული სისასტიკით, მცირეწლო

მდინარე ალაზანზე ელექტროშოკური აპარატის გამოყეენებით, უკანონო თევზჭერის ფაქტი გამოვლინდა

10 დეკემბერი, 2018 , 14:00

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის კახეთის რეგიონული სამმართველოს თანამშრომლებმა, სასაზღვრო პოლიციის მე-4 სამმართველოს თანამშრომლებთან ერთად უკანონო თევზჭერის ფა

კახა კალაძე პირადად მადლობას მიხდის მისი ძმის საქმის გამოძიებაში შეტანილი წვლილისთვის - გურამ დონაძე

10 დეკემბერი, 2018 , 13:15

„თბილისის მერი კახა კალაძე პირადად მადლობას მიხდის მისი ძმის საქმის გამოძიებაში შეტანილი წვლილისთვის“, - ამის შესახებ ბუტა რობაქიძის მკვლელობასთან დაკავშირებით, სამსახურეობრივი უფლებამოსილების ბოროტად გამოყენ

არ შეიძლება აგრესია გადატანილი იქნეს ადვოკატზე - ადვოკატთა ასოციაცია შსს-სა და პროკურატურას მიმართავს

8 დეკემბერი, 2018 , 17:00

ადვოკატთა ასოციაციის თავმჯდომარემ დავით ასათიანმა ადვოკატთა საქმიანობაში ჩარევისა და პროფესიული საქმიანობის განხორციელებაში ხელის შეშლის ფაქტების შესახებ ისაუბრა. მან დღევანდელ ბრიფინგზე განაცხადა, რომ სოციალურ ქსელში გა

შსს-მ მიმდინარე წელს 116 ნარკორეალიზატორი დააკავა და 35 კილოგრამი ჰეროინი ამოიღო

8 დეკემბერი, 2018 , 16:10

შინაგან საქმეთა სამინისტროს თანამშრომლებმა, 2018 წლის 1 იანვრიდან დღემდე, ნარკოტიკული საშუალების უკანონო გასაღების ბრალდებით, 116 ნარკორეალიზატორი დააკავეს. შინგანა საქმეთა სამინისტროს ინფორმაციით, მიმდინარე წლის განმავლ

შსს-მ ნარკოტიკების უკანონო შემოტანის ფაქტი აღკვეთა

8 დეკემბერი, 2018 , 16:10

შინაგან საქმეთა სამინისტრომ და ფინანსთა სამინისტროს შემოსავლების სამსახურმა საქართველოში დიდი ოდენობით ნარკოტიკული საშუალების უკანონო შემოტანის ფაქტი აღკვეთეს. შინაგან საქმეთა სამინისტროს ინფორმაციით, ცენტრალური კრიმინალ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`