უახლესი ამბები
- 29.03.2024 14:05„ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს
- 29.03.2024 13:54ატმოსფერულ ჰაერში ფიქსირდება მყარი ნაწილაკების შემცველობის მატება - გარემოს ეროვნული სააგენტო
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
საზოგადოება
ვთხოვთ ყველას, ვინც თავშესაფარს საჭიროებს, დროებით მიმართოს ისნის გამგეობას - კახა კალაძე
თბილისის მერის, კახა კალაძის ინფორმაციით, გაბრიელ სალოსის ქუჩაზე მცხოვრებმა ოჯახებმა, რომლებიც დროებით თავშესაფარს საჭიროებენ, რეგისტრაციისთვის უნდა მიმართონ ისნის გამგეობას, რათა შემდგომ ისინი გადაიყვანონ საცხოვრებელ ფართში.
„ამ ეტაპზე, რაც ყველაზე მთავარი და მნიშვნელოვანია, სრულიად არის დაცული და უზრუნველყოფილი ჩვენი მოქალაქეების უსაფრთხოება.
ოჯახები, რომლენიც ცხოვრობენ გაბრიელ სალოსის გამზირის მიმდებარე კორპუსებში, გვინდა, დავამშვიდოთ და ვუთხრათ, რომ არცერთი მათგანი არ დარჩება ყურადღების მიღმა. მერია , რასაკვირველია, იზრუნებს საკუთარ მოსახლეობაზე, და საჭიროების შემთხვევაში აუცილებლად უზრუნველყოფს მათთვის დროებით საცხოვრებელ ფართებს.
ვთხოვთ მოსახლეობას, ვისაც აქვს დროებითი ფართების საჭიროება, დროებით მიმართოს ისნის გამგეობას, რათა მოხდეს მათი რეგისტრაცია და დროებით საცხოვრებელ ფართებში გადაყვანა. ისნის გამგეობა მუშაობს საგანგებო რეჟიმში“, -განაცხადა თბილისის მერმა.
დაინტერესებულ პირებს შეუძლიათ, დაუკავშირდნენ ისნის გამგეობას შემდეგ ნომერზე: 232 50 29 ან 599 53 70 40, ასევე დარეკონ მერიის ცხელ ხაზზე : 272 22 22
კახა კალაძემ ასევე მწუხარება გამოთქვა სპეცოპერაიის შედეგად დაღუპული სპეცრაზმელის გამო.
„მწუხარებას გამოვთქვამ სპეცდანიშნულების რაზმის წევრის გარდაცვალების გამო და ვუსამძიმრებ მის ოჯახს, ახლობლებსა და სრულიად საქართველოს“, -თქვა კალაძემ.
ანა მებურიშვილი