პოლიტიკა

ზაქარია ქუცნაშვილი გედევან ფოფხაძეს პარტიის დატოვებას ურჩევს

დავით ჭიჭინაძის გარიცხვა "ქართულ ოცნებაში" განხეთქილებისა და დაპირისპირების მიზეზი ხდება.

,,შეუძლიათ პარტიას "ქართული ოცნების" ნაცვლად კომკავშირი ან კომპარტია დაარქვან, ეს უფრო ადექვატური იქნება“, - ასე გამოეხმაურა ჭიჭინაძის პარტიიდან გარიცხავს უმრავლესობის წევრი გედევან ფოფხაძე.

"მე მგონია, რომ ეს არის პრინციპულად არასწორი გადაწყვეტილება არამარტო პარტიისთვის და პოლიტიკისთვის, არამედ ქვეყნისთვის,"-აცხადებს გედევან ფოფხაძე.

გედევან ფოფხაძეს განცხადებას გამოეხმაურა მისივე თანაგუნდელი, ზაქარია ქუცნაშვილი და მას პარტიის დატოვებას ურჩია.

"მე არ გავჩერდებოდი იმ პოლიტიკურ პარტიაში, რომელსაც ვუწოდებდი კომუნისტების გაერთიანება. ეს იქნებ ჩემი პასუხი გედევან ფოფხაძისადმი. მე მგონია, რომ გარკვეული ჯგუფი ცდილობს რომ გარიცხვით თავის თავის აქტუალიზაცია მოახდინოს,"-აცხადებს ზაქარია ქუცნაშვილი.