უკან

უახლესი ამბები

დღის კალენდარი

ანონსები

არქივი

სამართალი

22 აპრილი, 2017 12:40
font-size

ზაზა ოქუაშვილი: კანონი უნდა იყოს უზენაესი და ყველამ იცოდეს, ნებისმიერმა თანამდებობის პირმა უნდა აგოს პასუხი კრიმინალზე

თბილისის საქალაქო სასამართლოში ტელეკომპანია ,,იბერიას’’ დახურვისა და სამაუწყებლო ლიცენზიის დათმობის საქმეზე პროცესი ბრალდების მხარის მტკიცებულებათა გამოკვლევით განახლდა.

სასამართლოს ჩვენება ტელეკომპანია ,,იბერიასა’’ და ,,ომეგა ჯგუფის’’ დამფუძნებელმა, აჭარის უმაღლესი საბჭოს დეპუტატმა, ზაზა ოქუაშვილმა მისცა.

მან ,,ომეგა ჯგუფში’’ შემავალ კომპანიებში სპეცდანიშნულების რაზმის შეჭრა გაიხსენა და იმ ზეწოლაზე ისაუბრა, რომელიც მაშინდელი ხელისუფლების მაღალჩინოსნებისა და მათთან დაახლოებული პირებისგან მოდიოდა.

მოწმის ჩვენების თანახმად, მას სთხოვნდნენ, რომ დაეთმო ,,ომეგა ჯგუფში’’ შემავალი კომპანიების წილები ხელისუფლების სასარგებლოდ.

ზაზა ოქუაშვილის ინფორმაციით, ხელისუფლებასა და მას შორის შუამავლის როლს ასრულებდა ბიზნესმენი ბადრი პატარკაციშვილი და მისი წარმომადგენელი ბესარიონ კეიდია, რომლებიც ურჩევდნენ საკუთარი ბიზნესის დაზღვევის სანაცვლოდ წასულიყო დათმობაზე. მისი თქმით, თავდაპირველად საუბარი იყო მთლიანი ბიზნესის 51%-ის დათმობაზე, შემდეგ კი, ეს მოთხოვნა 65% -მდე გაიზარდა.

ოქუაშვილის განცხადებით, იმაში, რომ მთავრობის უმაღლესი ეშელონებიდან მოდიოდა ბიზნეს წილების დათმობის მოთხოვნა იგი ივანე მერაბიშვილთან პირადი შეხვედრისას დარწმუნდა.

როგორც „იბერია ტვ“-სა და ,,ომეგა ჯგუფის’’ დამფუძნებელმა აღნიშნა, მას სთხოვდნენ რომ წილები გადაეფორმებინა ყოფილი ხელისუფლების მაღალჩინოსნებზე, რომელთა შორისაც იყო თავად იმჟამინდელი პრეზიდენტი მიხეილ სააკაშვილი და ბიზნესმენი ბადრი პატარკაციშვილი.

ოქუაშვილის თქმით, მოლაპარაკებები ბიზნესის დათმობასთან დაკავშირებით გაიწელა და 28 მაისს მან დატოვა საქართველო. როგორც მოწმემ გაიხსენა, მისი საქართველოდან წასვლის შემდეგ რამდენიმე დღეში გენერალური პროკურორის თანამდებობაზე ირაკლი ოქრუაშვილი ზურაბ ადეიშვილმა ჩაანაცვლა.

მოწმის განცხადებით, სწორედ მისი საქართველოში არყოფნის დროს მოხდა ,,იბერიას’’ ლიცენზიის დათმობა, რის შესახებაც მიმდინარე პროცესებსაც იგი ტელეფონით იგებდა მისი კომპანიების წარმომადგენლებისგან.

მისივე თქმით, ზურაბ ადეიშვილის მოადგილის, გიორგი ლაცაბიძისა და ლევან აღდგომელაშვილის შეხვედრის შემდეგ, ამ უკანასკენლისგან მან შეიტყო ხელისუფლების მოთხოვნა, რომ კომპანიები ვერ აღადგენდენ მუშაობას, თუ არ მოხდებოდა „იბერია ტვ“-ის ლიცენზიის დათმობა. ზაზა ოქუაშვილი მიიჩნევს, რომ ლაცაბიძე მისი ხელძღვანელის ზურაბ ადეიშვილის მითითებით მოქმედებდა. ამასთან, ,,ომეგა ჯგუფისა’’ და ტელეკომპანია ,,იბერიას’’ დამფუძნებელი დარწმუნებულია, რომ მთელ ამ პროცესს თავად იმჟამინდელი პრეზიდენტი მიხეილ სააკაშვილი ხელმძღვანელობდა.

,,გაჩერდა ამხელა ტელევიზია. 500 ჟურნალისტი ჰყავდა. გაჩერდა ამხელა ფირმა, რომელსაც ბიუჯეტში შეჰქონდა და შეტანილი აქვს მილიარდ ნახევარი და თქვენ მეუბნებით მე, რომ სააკაშვილმა არ იცოდა რამე და აქ ვიცავთ ახლა ადეიშვილს?

კანონი უნდა იყოს უზენაესი და ყველამ იცოდეს, ნებისმიერმა თანამდებობის პირმა უნდა აგოს პასუხი კრიმინალზე’’, - განუცხადა ჟურნალისტებს თბილისის საქალაქო სასამართლოში დღევანდელი სხდომის დასრულების შემდეგ ზაზა ოქუაშვილმა.

მიუხედავად იმისა, რომ სასამართლოზე დრო იყო და ზაზა ოქუაშვილი მზად იყო, კითხვებისთვის ეპასუხა, ბრალდებულების ადვოკატების მოთხოვნით, პროცესი 24 აპრილამდე გადაიდო.

შეგახსენებთ, რომ პროკურატურამ ტელეკომპანია ,,იბერიას’’ სამაუწყებლო ლიცენზიის ჩამორთმევის საქმე 2016 წლის თებერვალში გახსნა. უწყების ინფორმაციით, აღნიშნულ ფაქტთან დაკავშირებით ყოფილი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე სისხლის სამართლის პასუხისგებაში მიეცა.

ნინო ექვთიმიშვილი

სასამართლოს გადაწყვეტილებით ``ანას ბაღში`` მშენებლობა შეჩერდა

27 თებერვალი, 2020 , 14:35

სასამართლომ საქმის განხილვის დასრულებამდე „ანას ბაღთან“ კორპუსის მშენებლობის შეჩერებაზე განაჩენი გამოიტანა. ამის შესახებ სოციალურ ქსელში, საორგანიზაციო ჯგუფი წერს. ''ჩვენი სასარჩრლო მოთხოვნა სასამართლომ დააკმ

დედისა და ბებიის მკვლელობის ბრალდებით დაკავებულ 19 წლის ბიჭს პატიმრობა შეეფარდა

27 თებერვალი, 2020 , 13:10

ბებიისა და დედის მკვლელობაში ბრალდებულ19 წლის მიხეილ ზაუტაშვილს საქალაქო სასამართლომ აღკვეთის ღონისძიებად პატიმრობა შეუფარდა. გადაწყვეტილება მოსამართლე გიორგი კერატიშვილმა გამოაცხადა. დღევანდელ სასამართლო პროცესზე ბრალდე

„ვაჭრობაში ანტიდემპინგური ღონისძიების შემოღების შესახებ“ კანონპროექტზე პირველი მოსმენით მსჯელობა იწყება

27 თებერვალი, 2020 , 11:10

„ვაჭრობაში ანტიდემპინგური ღონისძიების შემოღების შესახებ“ კანონპროექტზე დღეს პირველი მოსმენით დაიწყება მსჯელობა საფინანსო-საბიუჯეტო კომიტეტის სხდომაზე. მთავრობის ინიციატივით წარდგენილი პროექტის მიზანი ადგილობრ

პირადი ცხოვრების საიდუმლოს ხელყოფის, სექსუალური ხასიათის იძულებისა და გამოძალვისთვის ბრალდებულს 5 წლით პატიმრობა მიესაჯა

26 თებერვალი, 2020 , 12:40

პირადი ცხოვრების საიდუმლოს ხელყოფის, სექსუალური ხასიათის იძულებისა და გამოძალვისთვის ბრალდებულს 5 წლით თავისუფლების აღკვეთა მიესაჯა. თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებუ

პოლიციამ მოპედის ქურდობის ბრალდებით ერთი პირი დააკავა

26 თებერვალი, 2020 , 11:50

შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, 1991 წელს დაბადებული, წარსულში ნასამართლევი თ

ბიუჯეტისთვის ზიანის მიყენების საქმეზე ორი კომპანიის ხელმძღვანელი პირები დააკავეს

26 თებერვალი, 2020 , 11:25

ფინანსთა სამინისტროს საგამოძიებო სამსახურის თანამშრომლებმა, ყალბი საგადასახადო დოკუმენტების დამზადება - გამოყენებისა და ქონების მესაკუთრის მოტყუებით, დიდი ოდენობით ქონებრივი დაზიანების ფაქტზე, ორი კომპანიის ხელმძღვანელი

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`