უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
ზაზა სარალიძე იმართება „ადამიანის უფლებათა დაცვის ცენტრისგან“, რომელიც არის პირდაპირ მიხეილ სააკაშვილის ფილიალი
თბილისის საქალაქო სასამართლოში დავით სარალიძის მკვლელობაში ბრალდებული მიხეილ კალანდიას პროცესზე ბრალდების მხარის მოწმე, ექსპერტი დაიკითხა. მოწმემ კონფლიქტში მონაწილე პირების ტანსაცმელზე ჩატარებულ ექსპერტიზის დასკვნებზე ისაუბრა. ასევე სხდომაზე ორი მოწმის, მათ შორის მირზა სუბელიანის ჩვენება უდავოდ ცნეს, შესაბამისად მირზა სუბელიანი სასამართლოში აღარ დაიკითხება. აღნიშნული შუამდგომლობა ბრალდების მხარემ დააყენა რასაც დაცვის მხარე დაეთანხმა.
„დღევანდელ პროცესზე დაიკითხა ერთი მოწმე, ექსპერტი, რომელსაც ჰქონდა ექსპერტიზა ჩატარებული იმ დაზიანებებზე, რა დაზიანებებიც არსებობდა როგორც გარდაცვლილების, ასევე კონფლიქტის სხვა მონაწილეების, მათ შორის ბრალდებულის ტანისამოსზეც. მომდევნო პროცესი გაგრძელდება კვლავ ბრალდების მხარის მტკიცებულებების გამოკველივით. ჯამში, დაახლოებით 20-მდე მოწმის უდავოდ ცნობა მოხდა პროცესის დაწყებიდან დღემდე. საქმე იმაშია, რომ წარმოდგენილია მოწმეთა ჩვენებები და თუკი ბრალდებისა და დაცვის მხარეები ერთობლივად განაცხადებენ, რომ რაც წერილობით გამოკითხვის ოქმში წერია, დამატებითი კითხვები ამ მოწმესთან არ აქვთ, ეს ჩვენებები მიჩნეულ იქნება უდავო მტკიცებულებად. ვთანხმდებით, რომ საკმარისია ის ინფორმაცია, რაც წერილობით ოქმში წერია. მათ შორის არის მირზა სუბელიანი“, – განაცხადა პროკურორმა მირიან მეგრელიშვილმა.
ადვოკატ ზურა თოდუას განცხადებით, ზაზა სარალიძე „ადამიანის უფლებათა დაცვის ცენტრისგან“ იმართება, რომელიც მიხეილ სააკაშვილის ფილიალია.
„ზაზა სარალიძეს ყველაფერი გასდიოდა ხელისუფლებასთან. მიჩვეულია, რომ უკარნახოს პროკურორს, უკარნახოს მოსამართლეს, უკარნახოს გამომძიებელს, უკარნახოს ზურაბ თოდუას და კალანდიას. ამას არ დავუშვებთ არავითარ შემთხვევაში, თუნდაც ირაკლი შოთაძის ხელახალ პროკურორობას კი არა, „ქართული ოცნების“ კიდევ ერთხელ არჩევას მისცეს ხმა. ისეთი მტკიცებულებები გამაჩნია მიხეილ კალანდიას უდანაშაულობის შესახებ, რაც არ უნდა იხტუნაოს და ვინც არ უნდა ახტუნაოს, ვინც დგას მის უკან, ძალიან კარგად არის ჩემთვის ცნობილი. ფაქტობრივად, ის იმართება „ადამიანის უფლებათა დაცვის ცენტრისგან“, რომელიც არის პირდაპირ მიხეილ სააკაშვილის ფილიალი და პროვოკაციისა და დესტაბილიზაციისკენ არის მიმართული. მისი წარმომადგენელი ამ ორგანიზაციის ადვოკატია. ზაზა სარალიძე ფაქტობრივად, ორივე პოლიტიკური ძალისგან იმართებოდა. მას შემდეგ, რაც მან ნაბიჯი გადადგა და მხარი დაუჭირა შოთაძის კანდიდატურას, მათ შორის არის დაძაბულობა. იმისთვის, რომ ზაზა სარალიძის გამოყენებას კიდევ აპირებენ ამ ორგანიზაციის წევრები და სხვები, მიმდინარეობს ომი ზაზა სარალიძის „დასათრევად“, – აღნიშნა მიხეილ კალანდიას ადვოკატმა ზურაბ თოდუამ.