უკან

უახლესი ამბები

დღის კალენდარი

ანონსები

არქივი

პოლიტიკა

30 მაისი, 2018 14:05
font-size

ზაზა სარალიძე პრეზიდენტის ადმინისტრაციის წარმომადგენლებს შეხვდა

ხორავას ქუჩაზე მოკლული მოზარდის, დავით სარალიძის მამა საქართველოს პრეზიდენტის ადმინისტრაციის წარმომადგენლებს შეხვდა.

შეხვედრა საათზე მეტხანს გაგრძელდა და მასში სარალიძესთან ერთად ზვიად კუპრავა, პრეზიდენტის საპარლამენტო მდივანი ანა ნაცვლიშვილი და მარგველაშვილის მრჩეველი კახა კოჟორიძე მონაწილეობდნენ.

შეხვედრა პრეზიდენტის ადმინისტრაციის ინიციტივით გაიმართა.

როგორც შეხვედრის დასრულების შემდეგ პრეზიდენტის საპარლამენტო მდივანმა, ანა ნაცვლიშვილმა განაცხადა, გამოძიების გაგრძელებასთან ერთად პასუხების გაცემის ნაცვლად, კითხვები უფრო გამრავლდა.
მისი თქმით, იმდენად ბევრი კითხვაა დაგროვილი, რომ პრეზიდენტის ადმინისტრაცია აქტიურად მიადევნებს ამ საქმეს თვალს.

"ამ ძალიან ტრაგიკული საქმის შესახებ ინფორმირებული ვიყავით მედიის საშუალებით, მაგრამ სურვილი გვქონდა, რომ უშუალოდ შევხვედროდით დაზარალებულებს და მათ წარმომადგენლებს იმისთვის, რომ ყველა დეტალი და ყველა ინფორმაცია მათგან მოგვესმინა. ამ საქმეს თავიდანვე ჰქონდა არაერთი კითხვის ნიშანი და გამოძიების გაგრძელებასთან ერთად პასუხების გაცემის ნაცვლად, კითხვები უფრო გამრავლდა. მართლმსაჯულების სისტემა იმ კითხვებზე პასუხის გასაცემად არსებობს, რომლებიც საზოგადოებასა და დაზარალებულებში ჩნდება. იმდენად ბევრი კითხვაა დაგროვილი, რომ ჩვენ ამ საქმეს ძალიან აქტიურად მივადევნებთ თვალს, შევხვდებით ყველა ჩართულ მხარეს და მოვისმენთ ყველა მოსაზრებას", - განაცხადა ანა ნაცვლიშვილმა.

მისივე ინფორმაციით, პრეზიდენტის ადმინისტრაციის წარმომადგენლები ხვალ ხორავას ქუჩაზე მოკლული ლევან დადუნაშვილის ოჯახის წევრებს შეხვდებიან.

თავის მხრივ, როგორც ზაზა სარალიძემ განაცხადა, შეხვედრაზე ისაუბრეს იმ კითხვების შესახებ, რომელიც საქმის მიმდინარეობასთან დაკავშირებით არსებობს.

„ღრმა დეტალებში შევედით, ზუსტად იმ კითხვის ნიშნებიდან გამომდინარე ვისაუბრეთ. ამ კითხვებზე პასუხის გაცემული მაქვს, თუმცა პროკურატურას არ სურს, რომ აღიაროს. იქიდან მხარდაჭერა გვაქვს,რომ სიმართლემ აუცილებლად უნდა იზეიმოს,“- განაცხადა ზაზა სარალიძემ.

რაც შეეხება მთავარ პროკურორთან ირაკლი შოთაძესთან შეხვედრას, სარალიძე ამბობს, რომ შეხვედრაზე თანახმაა, თუმცა შეხვედრის აზრს ვერ ხედავს.

სარალიძის თქმით, ის მზად არის პროკურატურის შეთავაზება მიიღოს, თუ მას შესაძლებლობა ექნება მის წარმომადგენლებთან ერთად მივიდეს შეხვედრაზე.

„ულტიმატუმებს ნუ მიყენებენ ძალიან ვთხოვ. უკანონო ადვოკატიო, უკანონობა მალხაზ კაპანაძემ თვითონ ჩაიდინა. ჩემს მიერ წარმოდგენილ პიროვნებებთან ერთად ნებისმიერ ადამიანთან შესახვედრად მზად ვარ,“- აცხადებს სარალიძე.

ოპოზიცია მზად არის, კონსტრუქციულ წინადადებას მიუდგეს შესაბამისად - ვახტანგ მეგრელიშვილი

1 დეკემბერი, 2020 , 15:10

ოპოზიციას მაგიდაზე დადებული აქვს ერთი წინადადება. თუ „ქართული ოცნებისთვის“ ეს წინადადება მიუღებელი იქნება, ისმის კითხვა: არსებობს თუ არა სხვა წინადადებები, რომელიც ოპოზიციისთვის შესაძლოა მისაღები იყოს, &ndash

დავით ზალკალიანი ნატო-ს საგარეო საქმეთა მინისტერიალში მიიღებს მონაწილეობას

1 დეკემბერი, 2020 , 14:40

საქართველოს საგარეო საქმეთა მინისტრი დავით ზალკალიანი 1-2 დეკემბერს ვარშავაში მონაწილეობას მიიღებს ნატო-ს საგარეო საქმეთა მინისტერიალში, რომელიც ვიდეო კონფერენციის ფორმატში გაიმართება. ინფორმაციას საქართველოს საგარეო საქ

ცენტრალური საარჩევნო კომისიის პრესსპიკერმა თანამდებობა დატოვა

1 დეკემბერი, 2020 , 12:40

ცენტრალური საარჩევნო კომისიის პრესსპიკერმა, ანა მიქელაძემ თანამდებობა დატოვა. ამის შესახებ მან პოსტი საკუთარ Facebook გვერდზე გამოაქვეყნა. "ყველა ჩემს გულშემატკივარს გიდასტურებთ, რომ პირადი გადაწყვეტილებით, დღეიდან უკვე

პრემიერ-მინისტრმა სახელმწიფო რწმუნებულებს ეპიდემიოლოგიური მდგომარეობის გამო დაწესებული შეზღუდვების აღსრულების მკაცრი კონტროლი დაავალა

30 ნოემბერი, 2020 , 17:36

საქართველოს პრემიერ-მინისტრმა გიორგი გახარიამ რეგიონებში სახელმწიფო რწმუნებულებს დაავალა, ეპიდემიოლოგიური მდგომარეობის გამო დაწესებული შეზღუდვების აღსრულება მკაცრად გააკონტროლონ. ვიდეოკონფერენციისას, მთავრობის მეთაურმა ხ

„ქართული ოცნება“ მიმართულია, რომ შეთანხმება შედგეს და ეს შეთანხმება წაადგება მთელ ქართულ პოლიტიკურ სპექტრს - ნიკოლოზ სამხარაძე

30 ნოემბერი, 2020 , 16:05

მესამე რაუნდის თარიღი ჯერ ცნობილი არ არის თუმცა, სავარაუდოდ შეხვედრა ამ კვირაში შედგება. რაც შეეხება კომპრომისისთვის მზაობას, რა თქმა უნდა, ამისთვის მზაობა არის, – ამის შესახებ „ქართული ოცნების“ საარჩევ

ჩვენი ფასილიტატორები და პარტნიორები ზედმეტად არ უნდა - გიგი უგულავა

30 ნოემბერი, 2020 , 15:00

„ევროპული საქართველოს“ ერთ-ერთი ლიდერის გიგი უგულავას თქმით, გაიმართება თუ არა ხელისუფლებასა და ოპოზიციას შორის მოლაპარაკებების მესამე რაუნდი, ეს ხელისუფლების „გონივრულ წინადადებაზეა“ დამოკიდებული