უკან

უახლესი ამბები

დღის კალენდარი

ანონსები

არქივი

რეგიონები

13 აგვისტო, 2020 11:10
font-size

ზემო იმერეთი-რაჭის გზაზე შქმერი-ზუდალის მონაკვეთის რეაბილიტაცია გრძელდება

ზემო იმერეთი-რაჭის დამაკავშირებელი საავტომობილო გზის შქმერი-ზუდალის 7.7 კმ-იანი მონაკვეთის (კმ40,9-კმ48,6) რეაბილიტაცია აქტიურ ფაზაშია და ამ ეტაპზე, მიუხედავად რაჭაში განვითარებული სტიქიური მოვლენებისა, ასფალტ-ბეტონის საფარის დაგება მიმდინარეობს, – ამის შესახებ საავტომობილო გზების დეპარტამენტის ინფორმაციაშია ნათქვამი.

„სარეაბილიტაციო გზა ზემო იმერეთი-რაჭის დამაკავშირებელი საავტომობილო გზის 50-ე კმ-ზე, სოფელ უშოლთასა და ბოყვას შორის დაუსახლებელ ტერიტორიაზე იწყება, მიუყვება მდინარე ხეორის მარჯვენა სანაპიროს, გაივლის სოფელ ბოყვაში და მთავრდება სოფელ კვაშხიეთში. არსებული გზა გრუნტოვანია და სრულად რეაბილიტირდება.

პროექტი სახელმწიფო ბიუჯეტიდან ფინანსდება და მისი სახელშეკრულებო ღირებულება 20,8 მილიონი ლარია. სამუშაოები მიმდინარე წელს დაიწყო და 2020 წლის ბოლომდე დასრულდება. სამშენებლო სამუშაოებს ქართული კომპანია „ნიუ როუდი“ (NEW ROAD) ახორციელებს.

თავად ზემო იმერეთი-რაჭის დამაკავშირებელი გზა 51 კმ-მდეა. გზა საჩხერიდან იწყება და გაივლის შემდეგ სოფლებს – სარეკი, ქვემო ხევი, უზუნთა, შქმერი, ბოყვა, კვაშხიეთი, ზუდალი და საბოლოოდ შეუერთდება, ქალაქ ამბროლაურიდან 20 კმ-ით, ხოლო ქალაქი ონიდან 5 კმ-ით დაშორებულ, ამბროლაური-ონის გზას. პროექტი დაყოფილია შვიდ მონაკვეთად“, – ნათქვამია საავტომობილო გზების დეპარტამენტის ინფორმაციაში.

უწყებაში აღნიშნავენ, რომ გზის დიდი ნაწილი ფაქტობრივად დაუსახლებელ ტყიან ზონაში, მდინარე ხეორის ხეობაში გადის და ზღვის დონიდან 1000-1500 მ სიმაღლეზე მდებარეობს. არსებული გზა, რომელიც გრუნტოვანი იყო, სრულად რეაბილიტირდება მოხდება და ასფალტ-ბეტონის საფარი დაიგება.
„ამ დროისთვის მიწის სამუშაოები და ხელოვნური ნაგებობების მოწყობა ხუთ მონაკვეთზე ერთდროულად, ინტენსიურად მიმდინარეობს. ზემო იმერეთი-რაჭის გზის 3.5 კმ-იან მონაკვეთზე სამუშაოები დასრულებულია. დარჩენილ მე-7 მონაკვეთზე სამუშაოების დაწყება და დასრულება 2021 წლისთვის იგეგმება.

ზემო იმერეთი-რაჭის დამაკავშირებელი საავტომობილო გზა მნიშვნელოვანია სოციალ-ეკნომიკური თვალსაზრისით. საჩხერე-ონის მარშრუტის (სიგრძე 111 კმ) სამგზავრო დრო დაახლოებით ორი საათია, ხოლო ზემო იმერეთი-რაჭის ახალი საავტომობილო გზით საჩხერე-ონის მარშრუტი სულ მცირე ერთი საათით მცირდება. სატრანსპორტო მოძრაობა საჩხერე-ონის გზაზე მნიშვნელოვნად გაზრდის უსაფრთხოების ხარისხს, განსაკუთრებით ქალაქებსა და სოფლებში. თბილისიდან ონში მგზავრობის დრო 1,5 საათით შემცირდება და ექვსი საათის ნაცვლად, 4,5 საათი დასჭირდება“, – აცხადებენ საავტომობილო გზების დეპარტამენტში.

საქართველოს სხვა რეგიონებთან შედარებით, საჩხერეს გარკვეული უპირატესობა აქვს - გიორგი გახარია

27 სექტემბერი, 2020 , 12:09

საქართველოს სხვა რეგიონებთან შედარებით, საჩხერეს გარკვეული უპირატესობა აქვს, - ამის შესახებ საქართველოს პრემიერ-მინისტრმა გიორგი გახარიამ, ჟურნალისტების კითხვის საპასუხოდ განაცხადა, რომელიც საჩხერეს რეგიონს შეეხებოდა. მთ

ქუთაისის ინფექციურ საავადმყოფოში კორონავირუსით პაციენტი გარდაიცვალა

26 სექტემბერი, 2020 , 17:35

კორონავირუსით გარდაცვლილ 28-ე პაციენტს ქრონიკული დაავადებები, მათ შორის დიაბეტი ჰქონდა. 59 წლის ქალი კლინიკაში ორმხრივი პნევმონიითა და სეფსისით შეიყვანეს. ამის შესახებ ქუთაისის ინფექციური საავადმყოფოს სამედიცინო დირექტორ

`ევროპული საქართველოს` მოთხოვნაა, რომ გადადგეს ჭიათურის მერი, გივი მოდებაძე

26 სექტემბერი, 2020 , 16:20

"ევროპულმა საქართველომ" ჭიათურის მერიის წინ, მერიაში არსებული კორუფციული მდგომარეობისა და ამომრჩეველთა ზეწოლის ფაქტების გასაპროტესტებლად აქცია გამართა. "ევროპული საქართველოს" მაჟორიტარობის კანდიდატის საჩხერის, ჭიათურისა

თელავი-ყვარლის საავტომობილო გზაზე ავარიისას 11 ადამიანი დაშავდა

25 სექტემბერი, 2020 , 20:19

თელავი-ყვარლის საავტომობილო გზაზე ავტოსაგზაო შემთხვევის შედეგად 11 ადამიანი დაშავდა. მათ შორის ერთი ოთხი წლის ბავშვია. არსებული ინფორმაციით, სამარშრუტო ტაქსი, რომელსაც თელავის მუნიციპალიტეტის სოფელ ყარაჯალიდან ყვარელში რ

ბათუმის რესპუბლიკური საავადმყოფოს დირექტორს კორონავირუსი დაუდასტურდა

25 სექტემბერი, 2020 , 16:10

ბათუმის რესპუბლიკური საავადმყოფოს დირექტორს, სოლომონ ფუტკარაძეს კორონავირუსი დაუდასტურდა. ის ამჟამად თვითიზოლაციაშია და განმეორებითი კოვიდტექსტირების შედეგებს ელოდება. „რამდენიმე დღის წინ კონტაქტი მქონდა ახლობელთან

კახეთში მევენახეებმა ყურძნის რეალიზაციით 172 მლნ ლარი მიიღეს - ღვინის ეროვნული სააგენტო

25 სექტემბერი, 2020 , 15:10

კახეთში, „რთველი 2020“-ის ფარგლებში დღეის მდგომარეობით ყურძენი ღვინის საწარმოებს 18 ათასამდე მევენახემ ჩააბარა, რომელთა შემოსავალი 172 მლნ ლარს აღწევს,- ამის შესახებ „მედიანიუსს“ ღვინის ეროვნული ს

პირდაპირი TV

daily calendar

ვიდეო გალერეა

პოლიტიკური პარასკევი ნატო ჩხეიძე