უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
კომენტარი
ზეწოლა რუსეთზე უნდა იყოს უფრო აქტიური, უფრო ძლიერი იმისათვის, რომ მსგავსი ნაბიჯები აღარ გადაიდგას - თენგიზ ფხალაძე
საქართველოს პრეზიდენტის მრჩევლის, თენგიზ ფხალაძის განცხადებით, რუსეთის მიერ ოკუპირებულ რეგიონებთან ე.წ. ხელშეკრულების რატიფიცირება უკიდურესად აღმაშფოთებელია.
როგორც თენგიზ ფხალაძე ამბობს, განსაკუთრებულ შეშფოთებას იწვევს ოკუპირებული ცხინვალის ე.წ. შეიარაღებული ძალების შესვლა რუსეთის შეიარაღებული ძალების შემადგენლობაში.
“უკიდურესად აღმაშფოთებელია გუშინდელი გადაწყვეტილებები ოკუპირებულ რეგიონებთან ე.წ. ხელშეკრულების რეტიფიკაციასთან დაკავშირებით, მით უმეტეს იმ ფონზე, როდესაც ოკუპირებული ტერიტორიების მოსახლეობას არ აქვს საშუალება, რომ გადმოკვეთოს საოკუპაციო ზოლი და ელემენტარული ჯანმრთელობასთან დაკავშირებული დახმარება მიიღოს. განსაკუთრებულ შეშფოთებას იწვევს ე.წ. შეიარაღებული ძალების შესვლა რუსეთის შეიარაღებული ძალების შემადგენლობაში. ეს არის ნაბიჯი, რომელიც კიდევ უფრო დაძაბავს უსაფრთხოების საკმაოდ სუსტ გარემოს, არა მხოლოდ საქართველოში, არამედ რეგიონში და კიდევ ერთხელ ორივე ნაბიჯი ხაზს უსვამს იმას, რომ ზეწოლა რუსეთზე უნდა იყოს უფრო აქტიური, უფრო ძლიერი იმისათვის, რომ მსგავსი ნაბიჯები აღარ გადაიდგას”, – განაცხადა თენგიზ ფხალაძემ.
რუსეთის პრეზიდენტმა ვლადიმერ პუტინმა ოკუპირებული ცხინვალის რეგიონის ცალკეული სამხედრო შენაერთების რუსეთის შეიარაღებული ძალებში შესვლის შესახებ ე.წ. შეთანხმებას ხელი მოაწერა.
ნინო ექვთიმიშვილი