საზოგადოება

ზოგიერთ რაიონში ხვალ იწვიმებს

საქართველოს ზოგიერთ რაიონში ხვალისთვის სინოპტიკოსები წვიმას ელიან.

როგორც მედიანიუსს გარემოს ეროვნულ სააგენტოში განუცხადეს, დასავლეთ საქართველოში დროგამოშვებით ღრუბლიანობა მოიმატებს. დღის პირველ ნახევარში უმეტეს რაიონში იწვიმებს, ზოგიერთ რაიონში კი, ნავარაუდევია ელჭექი. იქროლებს დასავლეთის ქარი 10-15 მეტრი/წამში. ჰაერის მოსალოდნელი ტემპერატურაა: დაბლობში +14, +19; მთაში +11, +16; მაღალ მთაში +6, +11 გრადუსი.

დროგამოშვებით ღრუბლიანობა მოიმატებს აღმოსავლეთ საქართველოშიც. ზოგიერთ რაიონში ნავარაუდევია ხანმოკლე წვიმა ელჭექით, მაღალ მთაში კი, შესაძლებელია თოვლ-ჭყაპი. იქროლებს დასავლეთის ქარი 10-15 მეტრი/წამში. დროგამოშვებით ძლიერი 17-22 მეტრი/წამში. ჰაერის ტემპერატურა იქნება: დაბლობში +15, +20; მთაში +10, +15; მაღალ მთაში +2, +7 გრადუსი.

თბილისში დროგამოშვებით ღრუბლიანობა მოიმატებს, თუმცა უმეტესად უნალექო ამინდი შენარჩუნდება. ჰაერის ტემპერატურა კი იქნება, ღამით +12 და დღით +18 გრადუსი.

ნინო ექვთიმიშვილი