უკან

უახლესი ამბები

დღის კალენდარი

ანონსები

არქივი

რეგიონები

6 დეკემბერი, 2017 17:35
font-size

ზუგდიდი საუკეთესო მუნიციპალიტეტთა ხუთეულში დასახელდა

პროექტ ,,ადგილობრივი თვითმმართველობის ინდექსის“ ფარგლებში ჩატარებული კვლევის მიხედვით, ზუგდიდის მუნიციპალიტეტი ,,ღია და ანგარიშვალდებული თვითმმართველობისთვის“, საუკეთესო 5 მუნიციპალიტეტს შორის დასახელდა - ამის შესახებ ინფორმაციას ზუგდიდის მუნიციპალიტეტის მერია ავრცელებს.

მერიის ინფორმაციით, თბილისში, სასტუმრო ,,ჰოლიდეი ინნ“-ში გამართულ კვლევის პრეზენტაციაზე, ზუგდიდის მუნიციპალიტეტის მერიის წარმომადგენელს, დავით ჭანტურიას სპეციალური სერტიფიკატი გადაეცა.

კვლევის პრეზენტაციას საქართველოს პარლამენტის თავმჯდომარე ირაკლი კობახიძე, თბილისის მერი კახა კალაძე, რუსთავის მერი ირაკლი ტაბაღუა, ცენტრალური და ადგილობრივი ხელისუფლების, საერთაშორისო ორგანიზაციებისა და მედიის წარმომადგენლები ესწრებოდნენ.

შეხვედრის მონაწილეებს, ადგილობრივი თვითმმართველობის ინდექსის პირველი ანგარიშის პრეზენტაცია ტრენინგებისა და კონსულტაციების ცენტრის (CTC) წარმომადგენელმა გიორგი ტოკლიკიშვილმა წარუდგინა. მან ვრცლად ისაუბრა მუნიციპალიტეტების საერთო რეიტინგისა და საბოლოო ანგარიშის შესახებ, მიმდინარე წელს, ონლაინ პლატფორმის -WWW.LSGINDEX.ORG - გამოყენებით ჩატარებული კვლევის შედეგებზე.

ღონისძიების ფარგლებში, 2017 წლის ყველზე მაღალი შედეგის მქონე 5 მუნიციპალიტეტი რუსთავი, თელავი, ოზურგეთი, ჩხოროწყუ და ზუგდიდი სპეციალური სერტიფიკატით დაჯილდოვდა.

მუნიციპალური ორგანოების გამჭვირვალობისა და ანგარიშვალდებულების შეფასება 15 მაისიდან 15 ივლისამდე პერიოდში, მოხდა. კვლევა რამდენიმე არასამთავრობო ორგანიზაციამ 71 მუნიციპალიტეტში ჩაატარა.

კვლევის მიმდინარეობისას შემფასებლის სტატუსით, პროცესში მონაწილეობა ათი რეგიონული საზოგადოებრივი ორგანიზაციის 21-მა წარმომადგენელმა მიიღო.

პროექტს ,,ადგილობრივი თვითმმართველობის ინდექსი’’, ფონდის ,,ღია საზოგადოება-საქართველოს’’ ფინანსური მხარდაჭერით, კონსულტაციებისა და ტრენინგების ცენტრი (CTC), ინფორმაციის თავისუფლების განვითარების ინსტიტუტი (IDFI) და მმართველობითი სისტემების განვითარების ცენტრი (MSDC) ერთობლივად ახორციელებენ.

პროექტის მიზანია, საქართველოში გამჭვირვალე და ანგარიშვალდებული თვითმმართველობის ჩამოყალიბება, თვითმმართველობაში საზოგადოების მონაწილეობის გაზრდა და კორუფციის რისკების შემცირება.

ადგილობრივი თვითმმართველობის ინდექსი შედგება 3 თემატური ბლოკისგან - საჯარო ინფორმაციის პროაქტიული გამოქვეყნება, ელექტრონული მმართველობა, მოქალაქეთა მონაწილეობა და ანგარიშვალდებულება.

გარდაბნის სარწყავი სიტემის სარეაბილიტაციო სამუშაოები მიმდინარეობს

16 დეკემბერი, 2017 , 17:25

გარდაბნის მუნიციპალიტეტში რწყვის რეჟიმის გაუმჯობესების მიზნით, სოფლის მეურნეობის სამინისტროს შპს „საქართველოს მელიორაცია“ საირიგაციო სისტემის რეაბილიტაციას ახორციელებს. გამანაწილებლის აღდგენითი სამუშაოების ფა

აჭარაში რაგბის დაარსების დღისადმი მიძღვნილი ღონისძიებები გაიმართა

16 დეკემბერი, 2017 , 17:25

დღეს, ბათუმის რაგბის სტადიონზე აჭარაში სარაგბო კლუბის დაარსების 27 წლისთავისადმი მიძღვნილი ღონისძიება ჩატარდა, რომლის ფარგლებში ვეტერანმა რაგბისტებმა ამხანაგური თამაში გამართეს. ღონისძიებას აჭარის მთავრობის თავმჯდომარე ზ

ოზურგეთს სიმღერისა და გალობის მუზეუმი ექნება

16 დეკემბერი, 2017 , 13:20

ოზურგეთის მუნიციპალიტეტის სოფელი მაკვანეთში არტემ ერქომაიშვილის სახელობის სიმღერისა და გალობის მუზეუმის მშენებლობა დაწყებულია. ახალ მუზეუმში ყველა პირობა იქნება შექმნილი ძველი სიმღერების, ფონოგრამებისა და საგალობლების და

წარმომადგენლობითი ხარჯები მაღალი რანგის საერთაშორისო ღონისძიებებს მოხმარდა - ბესიკ ლილუაშვილი

15 დეკემბერი, 2017 , 14:30

აჭარის მთავრობის აპარატის ბიუჯეტით გათვალისწინებული წარმომადგენლობითი ხარჯები მაღალი რანგის საერთაშორისო ღონისძიებებს მოხმარდა , - აცხადებენ აჭარის მთავრობაში. ნაციონალური მოძრაობის ბრალდებებს დღეს აჭარის მთავრობის აპარა

ზურაბ პატარაძემ „ქართული ოცნების“ აქტივისტებთან ერთად ბიუჯეტის ფულით არჩევნებში გამარჯვება აღნიშნა - ლაშა ადამია

15 დეკემბერი, 2017 , 14:30

„ერთიანი ნაციონალური მოძრაობის“ აჭარის ორგანიზაციის წევრის, ლაშა ადამიას ინფორმაციით, აჭარის ავტონომიური რესპუბლიკის მთავრობის მეთაურმა, ზურაბ პატარაძემ სარესტორნო მომსახურებაში 100 ათას ლარზე მეტი მეგობრებსა

ბათუმში ქალი ფანჯრის წმენდისას აივნიდან გადმოვარდა

15 დეკემბერი, 2017 , 11:30

ბათუმში, პუშკინის ქუჩაზე, საცხოვრებელი სახლის მეოთხე სართულიდან 50 წლამდე ქალი გადმოვარდა და დაიღუპა. არსებული ინფორმაციით, უბედური შემთხვევა იმ დროს მოხდა, როდესაც ქალი ფანჯარას ასუფთავებდა. მომხდარზე გამოძიება სისხლის