რეგიონები

ზუგდიდში ასწლოვან მუხას სავარაუდოდ, დენდროლოგიურ პარკში გადასატანად ამზადებენ

ზუგდიდის სოფელ ინგირში, ასწლოვან მუხას გადასატანად ამზადებენ.

როგორც რადიო ,,ათინათი“ იუწყება, გავრცელებული ინფორმაციით, ხე მესაკუთრისგან ბიძინა ივანიშვილმა შეიძინა და მას შეკვეთილში, ივანიშვილის დენდროლოგიურ პარკში გადასატანად ამზადებენ.

ხის ამოსაღებად ადგილზე უკვე სპეციალური ტექნიკა მუშაობს, თუმცა ადგილზე მისულ ჟურნალისტებს მუშებმა მხოლოდ ის უთხრეს, რომ მეპატრონე საქართველოში არ იმყოფება და დეტალებზე საუბარი არ სურთ.

,,ათინათი“ წერს, რომ მუშებმა ასევე არ ისურვეს ეთქვათ, თუ რომელი კომპანია ახორციელებს ხის ამოძირკვისა და გადატანის სამუშაოებს.