რეგიონები

ზუგდიდში გარევაჭრობა აიკრძალება

ზუგდიდში გარევაჭრობის აკრძალვასთან დაკავშირებით გარემოვაჭრეები ქალაქის მერს შეხვდნენ.

გარემოვაჭრეთა ნაწილი ზუგდიდის მერის, ლაშა გოგიას შემოთავაზებით ალტერნატიულ ფართებთან დაკავშირებით უკმაყოფილია. მათი აზრით, მათი სავაჭრო საქონლის ღირებულება შემოთავაზებული ფართის ღირებულებას აღემატება. მერიის შემოთავაზებას ალტერნატიულ ფართებთან დაკავშირებით ხილ-ბოსტნის გამყიდველები დათანხმდნენ, ხოლო ტანსაცმლით მოვაჭრეებმა უარი განაცხადეს.

გარდა ამისა, მერმა არ დააკმაყოფილა გარემოვაჭრეთა მოთხოვნა, რომ მაისამდე გარევაჭრობის უფლება მიეცა.

ლაშა გოგიას თქმით, იმ გარემოვაჭრეებთან, ვინც უარი თქვეს ალტერნატიულ ფართებზე, მოლაპარაკებები ინდივიდუალურად გაგრძელდება.

„ნაწილი თანახმაა, რომ დაიკავონ შეთავაზებული ფართები. ხოლო იმ ნაწილთან, რომელიც ამ ეტაპზე უარს აცხადებს, მათთან ინდივიდუალური მოლაპარაკებები გაგრძელდება. ჩვენი მხრიდან ყველანაირი ხელშეწყობა ექნებათ, მაგრამ გარევაჭრობა ზუგდიდში არ იქნება",- განაცხადა მერმა.