უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
საზოგადოება
ზურაბ ჯაფარიძე საქართველოში მყოფ პოლიტიკურ დევნილებს „გირჩის“ წევრობას ან „ბიბლიური თავისუფლების“ მღვდელთმსახურობას სთავაზობს
პოლიტიკური ორგანიზაცია „გირჩის“ თავმჯდომარემ ზურა ჯაფარიძემ, საქართველოში მცხოვრებ პოლიტიკურ დევნილებს სთავაზობს, გახდნენ ან „გირჩის“ წევრები, ან „ბიბლიური თავისუფლების“ მღვდელთმსახურები. ამ განცხადებით ჯაფარიძე თბილისში გაუჩინარებული ჟურნალისტისა და აქტივისტის, აფგან მუხთარლის საქმეს გამოეხმაურა.
„ვინც საკუთარ ქვეყანაში მეტი თავისუფლებისთვის ბრძოლის გამო საქართველოს აფარებს თავს, მიგვაჩნია ჩვენს მეგობრებად და თანამებრძოლებად. როგორც ქართული სახელმწიფოს მონობისგან ვცდილობთ, ყველა საშუალებით დავიცვათ საქართველოს მოქალაქეები, ასევე ყველა ჩვენ ხელთ არსებულ შესაძლებლობას გამოვიყენებთ ასეთი ადამიანების დასაცავად. საქართველოში მცხოვრებ უცხო ქვეყნის ნებისმიერ მოქალაქეს ან მოქალაქეობის არმქონე ადამიანს ვთავაზობთ, გახდეს „გირჩის“ წევრი, ან „ბიბლიური თავისუფლების“ მღვდელთმსახური, რაც მათ თავის დასაცავად დამატებით იმუნიტეტს შესძენს“,- განაცხადა ჯაფარიძემ.
რაც შეეხება უშუალოდ მუხთარლის საქმეს, ჯაფარიძემ განაცხადა, რომ „გირჩი“ ყველა ინფორმაციას მოიძიებს, თუ როგორ მოხდა ჟურნალისტი აზერბაიჯანში. ჯაფარიძე დაპირდა, რომ ყველა მოპოვებულ მასალას გაასაჯაროვებს.
„აფგან მუხთარლის საქმესთან დაკავშირებით, ყველა შესაძლო წყაროების გამოყენებით, შევაგროვებთ ინფორმაციას იმასთან დაკავშირებით, თუ როგორ მოხდა ამ ადამიანის დაკავება და შემდეგ გადაყვანა აზერბაიჯანის საზღვარზე. ჩვენ არ მივცემთ საშუალებას საქართველოსა და აზერბაიჯანის სახელმწიფო სტრუქტურებს, მიჩქმალონ ეს საქმე; ყველა ჩვენ მიერ შეკრებილ ინფორმაციას გავხდით საჯაროს, როგორც საქართველოს მოქალაქეებისთვის, ისე საერთაშორისო თანამეგობრობისთვის“, - თქვა ჯაფარიძემ.
შეგახსენებთ, აზერბაიჯანელი ჟურნალისტი და აქტივისტი აფგან მუხთარლი 29 მაისს გაუჩინარდა. მომდევნო დღეს კი გავრცელდა ინფორმაცია, რომ ჟურნალისტი ბაქოს სახელმწიფო საზღვრის სამსახურის საგამოძიებო განყოფილებაში იმყოფებოდა.
31 მაისს აზერბაიჯანულმა მედიამ აზერბაიჯანის გენერალურ პროკურატურაზე დაყრდნობით გაავრცელა ინფორმაცია, რომ 29 მაისს, ადგილობრივი დროით 22:40 საათზე მუხთარლი ბალაქანის რაიონში, აზერბაიჯანის საზღვარზე უკანონოდ გადაკვეთისა და დეკლარაციის გარეშე დიდი ოდენობით თანხის გადატანის ბრალდებით დააკავეს.
გუშინ მუხთარლის სასამართლო პროცესი გაიმართა. როგორც აზერბაიჯანელმა ჟურნალისტმა, ჰადიჯა ისმაილიმ დაწერა ფეისბუკის საკუთარ გვერდზე, მუხთარლის სამთვიანი წინასწარი პატიმრობა შეეფარდა. მას სამი მუხლით წაუყენეს ბრალი.
საქართველოს შინაგან საქმეთა სამინისტრომ კი აზერბაიჯანელი ჟურნალისტის აფგან მუხტარლის საქმესთან დაკავშირებით საქართველოს შსს-მ გამოძიება დაიწყო საქართველოს სსკ-ის 143-ე მუხლით, რაც თავისუფლების უკანონო აღკვეთას გულისხმობს.
ანა მებურიშვილი