უკან

რეგიონები

18 აპრილი, 2017 14:50
font-size

ზურაბ პატარაძე გერმანიის ჰესენის მიწის წარმომადგენლებს შეხვდა

დღეს აჭარის მთავრობის თავმჯდომარე ზურაბ პატარაძე გერმანიის ფედერაციული რესპუბლიკის ჰესენის ფედერალური მიწის და ბუნების დაცვის მსოფლიო ფონდის (WWF) წარმომადგენლებს შეხვდა. შეხვედრის მიზანია სატყეო მეურნეობაზე გადასვლასთან დაკავშირებით გამოცდილების გაზიარება როგორც ინტელექტუალური, ისე ფინანსური და ტექნიკური მიმართულებით.

თანამშრომლობის ფარგლებში, ეტაპობრივად, სხვადასხვა პროექტი განხორციელდება.

გერმანიის ფედერაციულ რესპუბლიკაში ეკონომიკურად საკმაოდ კარგად განვითარებული ჰესენის მხარე ცნობილია სატყეო სექტორის მოწყობის სფეროში არსებული უდიდესი გამოცდილებით. ჰესენის ტყეების მართვის ინსიტიტუციური მოწყობა, ფუნქციების განაწილების სქემა სახელმწიფო, კერძო, მუნიციპალურ სტრუქტურებს შორის ევროპაში ერთ-ერთი საუკეთესოა და მათი გამოცდილების გაზიარება ქართული მხარისათვის, კერძოდ, აჭარის რეგიონისათვის ძალზე მნიშვნელოვანია, მით უფრო, რომ ავტონომიური რესპუბლიკის ტერიტორიის 65 % ტყის მასივებს უკავია.

როგორც შეხვედრაზე აღინიშნა, სატყეო სექტორის როლი განსაკუთრებით დიდია მოსახლეობის კეთილდღეობისა და სოციალური, ეკოლოგიური თუ ეკონომიკური ბალანსის უზრუნველყოფაში. ამდენად, ქართულ-გერმანული პროექტები, რომლებიც ამ მიმართულებით ქვეყნისა და ჩვენი რეგიონის მასშტაბით განხორციელდება, მნიშვნელოვან როლს შეასრულებს და მათ რეალიზებაზე ქართველი და გერმანელი სპეციალისტები იზრუნებენ.

,,მოხარული ვარ, რომ აჭარაში ვიმყოფები. უნდა ვითანამშრომლოთ გარემოს განვითარებისთვის, განსაკუთრებიით ტყეების ეკოსისტემების მიმართულებით, რომლითაც თქვენი ქვეყანა თქვენს ძალიან მდიდარი და მრავალფეროვანია. ძალიან ბევრი გამოწვევაა ამ მიმარტულებით. ვისაუბრეთ ტყეების დაცვაზე, კონსერვაციასა და რეკრეაციაზე, რაშიც მთავარ როლს ტურიზმი ასრულებს. ჩვენ ვიმედოვნებთ, რომ ჩვენი ურთიერთობა პროდუქტიული იქნება და პოზიტიურად განვითარდება“-აღნიშნა კარსტენ ვილკემ.

ზურაბ პატარაძემ ხაზი გაუსვა სატყეო სფეროს მნიშვნელობას აჭარის რეგიონისთვის. აღნიშნა, რომ ჩვენი მხარე მდიდარია ამ რესურსით და დიდი პერსპექტივა აქვს სატყეო ტურიზმის განვითარებას, განსაკუთრებით კი მაღალმთიან აჭარაში. ზურაბ პატარაძის თქმით, ერთ-ერთი ასეთი მნიშვნელოვანი პროექტია კურორტ გოდერძზე ,,ალპური ბაღის“ მშენებლობა, რაც ხელს შეუწყობს სატყეო ტურიზმის განვითარებას.

რეგიონის ხელმძღვანელმა ასევე ისაუბრა ბუნების დაცვის მსოფლიო ფონდის ჩართულობაზე საქართველოში, და კერძოდ აჭარის რეგიონში მიმდინარე პროექტებში და მადლობა გადაუხადა მათ წარმომადგენლებს.

,,ძალიან მნიშვნელოვანი სამუშაო შეხვედრა გაიმართა გერმანიის ფედერაციის ჰესენის მიწის წარმომადგენლებთან. განვიხილეთ ჩვენი რეგიონის განვითარების საკითხები, სხვადასხვა პროექტების განხორციელების შესაძლებლობა. მინდა მადლობა გადავუხადო გერმანულ მხარეს. იცით, რომ გრძელვადიან პერსპექტივაში გამოყოფილია 3 მლ ევრო გრანტის სახით, რომელიც მოხმარდება სატყეო მეურნეობის განვითარებას, რაც ხელს შეუწყობს ჩვენი რეგიონის განვითარებას, ჩვენი რეგიონის მომავალ“-აღნიშნა ზურაბ პატარაძემ.

გაცნობითი ხასიათის შეხვედრას ესწრებოდნენ ჰესენის გარემოს დაცვის სამინისტოს წარმომადგენლები სატყეო სექტორის მიმართულებით კარსტენ ვილკე და როლფ შულცკე. ასევე, WWF-ის გერმანიის წარმომადგენელი აურელ ჰაიდელბერგი და WWF-ის ამიერკავკასიის ოფისის უფროსი გოგა სანადირაძე.
აღნიშნული შეხვედრა ბუნების დაცვის მსოფლიო ფონდის (WWF) დახმარებით გაიმართა.

სახალხო დამცველმა კახეთში შეხვედრები გამართა

22 ნოემბერი, 2017 , 17:20

2017 წლის 20–21 ნოემბერს სახალხო დამცველი უჩა ნანუაშვილი ადამიანის უფლებებზე და კახეთის რეგიონში არსებულ პრობლემებსა და გამოწვევებთან დაკავშირებით, ქალაქ საგარეჯოსა და ყვარლის მუნიციპალიტეტის სოფლების თივისა და ზინ

დუშეთში ადრეული გაფრთხილების სისტემები დამონტაჟდა

22 ნოემბერი, 2017 , 15:05

გარემოს ეროვნული საააგენტოს უფროსი თამარ ბაგრატია ჩეხეთის რესპუბლიკის გეოლოგიის სამსახურის უფროსს დენეკ გვენერას და ჩეხ გეოლოგებს შეხვდა. შეხვედრაზე ქართველმა და ჩეხმა გეოლოგებმა დუშეთის მუნიციპალიტეტში ერთობლივად განხორ

სადახლოზე არადეკლარირებული ოქროს ნაკეთობები აღმოაჩინეს

22 ნოემბერი, 2017 , 14:50

20 ნოემბერს, საბაჟო გამშვებ პუნქტში „სადახლო-საავტომობილო“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, რუსეთის ფედერაციის მოქალაქის ა.ა-ს კუთვნილი ბარგის დათვალიერების შე

ქუთაისის აეროპორტში, გუგუთსა და სადახლოზე ნარკოტიკული ნივთიერების შემცველი მედიკამენტები აღმოაჩინეს

22 ნოემბერი, 2017 , 14:50

10 ნოემბერს, საბაჟო გამშვებ პუნქტში ,,ქუთაისის აეროპორტი“, ფინანსთა სამინისტროს შემოსავლების სამსახურის მებაჟე ოფიცრებმა, ეჭვის საფუძველზე, საქართველოს მოქალაქის ი.რ-ს, კუთვნილი ხელბარგის დათვალიერების შედეგად, 118

სარფში ვაზნები აღმოაჩინეს

22 ნოემბერი, 2017 , 14:50

14 ნოემბერს, საბაჟო გამშვებ პუნქტში ,,სარფი“, საბრძოლო ვაზნების საზღვარზე უკანონოდ შემოტანის ფაქტი აღიკვეთა. ფინანსთა სამინისტროს შემოსავლების სამსახურის მებაჟე ოფიცრებმა, თურქეთის რესპუბლიკის მოქალაქის ა.ი-ს, ხელბ

გუდაური-კობის მონაკვეთზე ავტოტრანსპორტის მოძრაობა შეიზღუდა

21 ნოემბერი, 2017 , 23:05

საავტომობილო გზების დეპარტამენტის ინფორმაციით, გუდაური-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აიკრძალა. მათივე ცნობით, ინტენსიური თოვის გამო, მცხეთა-სტეფანწმინდა-ლარსის (რუსეთის ფე