უკან

უახლესი ამბები

დღის კალენდარი

ანონსები

არქივი

რეგიონები

18 აპრილი, 2017 18:45
font-size

ზურაბ პატარაძე გერმანიის ჰესენის მიწის წარმომადგენლებს შეხვდა

დღეს აჭარის მთავრობის თავმჯდომარე ზურაბ პატარაძე გერმანიის ფედერაციული რესპუბლიკის ჰესენის ფედერალური მიწის და ბუნების დაცვის მსოფლიო ფონდის (WWF) წარმომადგენლებს შეხვდა. შეხვედრის მიზანია სატყეო მეურნეობაზე გადასვლასთან დაკავშირებით გამოცდილების გაზიარება როგორც ინტელექტუალური, ისე ფინანსური და ტექნიკური მიმართულებით.

თანამშრომლობის ფარგლებში, ეტაპობრივად, სხვადასხვა პროექტი განხორციელდება.

გერმანიის ფედერაციულ რესპუბლიკაში ეკონომიკურად საკმაოდ კარგად განვითარებული ჰესენის მხარე ცნობილია სატყეო სექტორის მოწყობის სფეროში არსებული უდიდესი გამოცდილებით. ჰესენის ტყეების მართვის ინსიტიტუციური მოწყობა, ფუნქციების განაწილების სქემა სახელმწიფო, კერძო, მუნიციპალურ სტრუქტურებს შორის ევროპაში ერთ-ერთი საუკეთესოა და მათი გამოცდილების გაზიარება ქართული მხარისათვის, კერძოდ, აჭარის რეგიონისათვის ძალზე მნიშვნელოვანია, მით უფრო, რომ ავტონომიური რესპუბლიკის ტერიტორიის 65 % ტყის მასივებს უკავია.

როგორც შეხვედრაზე აღინიშნა, სატყეო სექტორის როლი განსაკუთრებით დიდია მოსახლეობის კეთილდღეობისა და სოციალური, ეკოლოგიური თუ ეკონომიკური ბალანსის უზრუნველყოფაში. ამდენად, ქართულ-გერმანული პროექტები, რომლებიც ამ მიმართულებით ქვეყნისა და ჩვენი რეგიონის მასშტაბით განხორციელდება, მნიშვნელოვან როლს შეასრულებს და მათ რეალიზებაზე ქართველი და გერმანელი სპეციალისტები იზრუნებენ.

,,მოხარული ვარ, რომ აჭარაში ვიმყოფები. უნდა ვითანამშრომლოთ გარემოს განვითარებისთვის, განსაკუთრებიით ტყეების ეკოსისტემების მიმართულებით, რომლითაც თქვენი ქვეყანა თქვენს ძალიან მდიდარი და მრავალფეროვანია. ძალიან ბევრი გამოწვევაა ამ მიმარტულებით. ვისაუბრეთ ტყეების დაცვაზე, კონსერვაციასა და რეკრეაციაზე, რაშიც მთავარ როლს ტურიზმი ასრულებს. ჩვენ ვიმედოვნებთ, რომ ჩვენი ურთიერთობა პროდუქტიული იქნება და პოზიტიურად განვითარდება“-აღნიშნა კარსტენ ვილკემ.

ზურაბ პატარაძემ ხაზი გაუსვა სატყეო სფეროს მნიშვნელობას აჭარის რეგიონისთვის. აღნიშნა, რომ ჩვენი მხარე მდიდარია ამ რესურსით და დიდი პერსპექტივა აქვს სატყეო ტურიზმის განვითარებას, განსაკუთრებით კი მაღალმთიან აჭარაში. ზურაბ პატარაძის თქმით, ერთ-ერთი ასეთი მნიშვნელოვანი პროექტია კურორტ გოდერძზე ,,ალპური ბაღის“ მშენებლობა, რაც ხელს შეუწყობს სატყეო ტურიზმის განვითარებას.

რეგიონის ხელმძღვანელმა ასევე ისაუბრა ბუნების დაცვის მსოფლიო ფონდის ჩართულობაზე საქართველოში, და კერძოდ აჭარის რეგიონში მიმდინარე პროექტებში და მადლობა გადაუხადა მათ წარმომადგენლებს.

,,ძალიან მნიშვნელოვანი სამუშაო შეხვედრა გაიმართა გერმანიის ფედერაციის ჰესენის მიწის წარმომადგენლებთან. განვიხილეთ ჩვენი რეგიონის განვითარების საკითხები, სხვადასხვა პროექტების განხორციელების შესაძლებლობა. მინდა მადლობა გადავუხადო გერმანულ მხარეს. იცით, რომ გრძელვადიან პერსპექტივაში გამოყოფილია 3 მლ ევრო გრანტის სახით, რომელიც მოხმარდება სატყეო მეურნეობის განვითარებას, რაც ხელს შეუწყობს ჩვენი რეგიონის განვითარებას, ჩვენი რეგიონის მომავალ“-აღნიშნა ზურაბ პატარაძემ.

გაცნობითი ხასიათის შეხვედრას ესწრებოდნენ ჰესენის გარემოს დაცვის სამინისტოს წარმომადგენლები სატყეო სექტორის მიმართულებით კარსტენ ვილკე და როლფ შულცკე. ასევე, WWF-ის გერმანიის წარმომადგენელი აურელ ჰაიდელბერგი და WWF-ის ამიერკავკასიის ოფისის უფროსი გოგა სანადირაძე.
აღნიშნული შეხვედრა ბუნების დაცვის მსოფლიო ფონდის (WWF) დახმარებით გაიმართა.

სანერგე მეურნეობების კვალიფიციურობის დადგენა გრძელდება

25 ივლისი, 2017 , 15:00

სოფლის მეურნეობის სამინისტროს სამეცნიერო-კვლევითი ცენტრის წარმომადგენლებმა კახეთის რეგიონში, საერთაშორისო სტანდარტებთან შესაბამისობის დადგენის მიზნით, სანერგე მეურნეობები დაათვალიერეს. კვალიფიციურობის დადგენის შემდეგ, სა

ზურაბ პატარაძემ სოფელ ბოძაურის საბავშვო ბაღის მშენებლობა დაათვალიერა

25 ივლისი, 2017 , 13:05

ხულოს მუნიციპალლიტეტში ინფრასტრუქტურული პროექტების ფარგლებში, აჭარის მთავრობის თავმჯდომარემ ზურაბ პატარაძემ გამგეობის ხელმძღვანელ პირებთან და მაჟორიტარ დეპუტატთან საქართველოს პარლამენტში ანზორ ბოლქვაძესთან ერთად სოფელ ბო

რიყეთის თემს ახალი კულტურის სახლი ექნება

25 ივლისი, 2017 , 13:05

აჭარის მთავრობის თავმჯდომარემ ხულოში ყოფნის დროს გამგეობის ხელმძღვანელ პირებთან ერთად რიყეთის თემის თანამედროვე კულტურის სახლის მშენებლობის პროცესი დაათვალიერა. კულტურის სახლში განთავსდება დიდი საკონფერენციო დარბაზი, ბიბ

სოფელ ნიგოეთის აღსაზრდელები ახალ საბავშვო ბაღში ივლიან

25 ივლისი, 2017 , 12:40

რეგიონული განვითარებისა და ინფრასტრუქტურის სამინისტრო საქართველო მასშტაბით 87 საბავშვო ბაღის მშენებლობა-რეაბილიტაციის ძირითადი ნაწილის დასრულებას ახალ სასწავლო წლისათვის გეგმავს. კიდევ ერთი თანამედროვე, ახალი საბავშვო ბა

იუსტიციის მინისტრმა ცაგერის საზოგადოებრივ ცენტრში ლადო ასათიანის სახელობის ბიბლიოთეკა გახსნა

25 ივლისი, 2017 , 12:00

იუსტიციის მინისტრმა თეა წულუკიანმა ცაგერის მუნიციპალიტეტის სოფელ ლაჯანაში ახალგახსნილი საზოგადოებრივი ცენტრის ბიბლიოთეკას ქართველი პოეტის − ლადო ასათიანის − სახელი მიანიჭა. ბიბლიოთეკის პრეზენტაციაზე გამოიფინა

თუშეთში ავარიას ახალგაზრდა ბიჭი ემსხვერპლა

24 ივლისი, 2017 , 14:25

ავტოსაგზაო შემთხვევას თუშეთის სოფელ ბოჭორნაში 22 წლის ბიჭი ემსხვერპლა. თვითმხილველების თქმით, მძღოლმა საჭე ვერ დაიმორჩილა, გზის სავალი ნაწილიდან გადავიდა და რამდენიმე მეტრის სიმაღლიდან გადავარდა. ადგილზე მობილიზებულია სა

ვიდეო გალერეა

ნატო ჩხეიძე სტუმრად `რეაქციაში`