23.04.2024 17:34
კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
23.04.2024 17:26
კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
23.04.2024 17:21
ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
23.04.2024 15:47
ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
23.04.2024 15:39
საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა

რეგიონები

ზურაბ პატარაძე მიგრაციის საერთაშორისო ორგანიზაციის კოორდინატორს მარკ ჰულსტს შეხვდა

დღეს აჭარის მთავრობის თავმჯდომარე ზურაბ პატარაძე მიგრაციის საერთაშორისო ორგანიზაციის (IOM) მისიის პროგრამების კოორდინატორს მარკ ჰულსტს შეხვდა. შეხვედრაზე მიგრაციის საერთაშორისო ორგანიზაციასთან თანამშრომლობის საკითხები, ასევე, მიმდინარე და სამომავლო პროექტები განიხილეს.

აჭარის მთავრობის ინფორმაციით, ზურაბ პატარაძე მარკ ჰულსტს რეგიონში მიმდინარე და დაგეგმილ მნიშვნელოვან პროექტებზე ესაუბრა, ხაზი გაუსვა მაღალმთიანი აჭარის გაძლიერებისკენ მიმართულ ღონისძიებებს, რომელიც შიდა მიგრაციის პროცესების შეჩერებას და მთაში დასაქმების გაზრდას ისახავს მიზნად.

მარკ ჰულსტმა აჭარის მთავრობის თავმჯდომარეს აჭარაში ახალი პროექტის „საქართველოში საზღვრის და მიგრაციის მართვის მდგრადობის უზრუნველყოფა“ ამოქმედების შესახებ მიაწოდა ინფორმაცია. 2017 წლიდან IOM ახორციელებს პილოტურ პროექტს, რომლის ფარგლებშიც შესაძლებელია საქართველოს მოქალაქეების დროებითი (6 თვემდე) ლეგალური დასაქმება პოლონეთსა და ესტონეთში. აღნიშნული პროექტის ფარგლებში გადამზადდა აჭარის ა/რ დასაქმების სააგენტოს ერთი თანამშრომელი.

მიგრაციის საერთაშორისო ორგანიზაცია რეგიონში აქტიურად მუშაობს ტრეფიკინგის აღმოფხვრასთან დაკავშირებულ საკითხებზე, დაბრუნებულ მიგრანტთა რეინტეგრაციის, ლეგალური შრომითი მიგრაციის ხელშეწყობის და უსაფრთხო მიგრაციის შესახებ ცნობიერების ამაღლების კუთხით.