უკან

უახლესი ამბები

დღის კალენდარი

ანონსები

არქივი

პოლიტიკა

14 თებერვალი, 2018 15:20
font-size

ზურაბ პატარაძემ თურქეთის რესპუბლიკის ელჩთან შეხვედრა გამართა

აჭარის მთავრობის თავმჯდომარემ ზურაბ პატარაძემ თურქეთის რესპუბლიკის ელჩთან საქართველოში, ფატმა ჯერენ იაზგანთან შეხვედრა გამართა. გაცნობითი ხასიათის შეხვედრას აჭარის ა/რ უმაღლესი საბჭოს თავმჯდომარე დავით გაბაიძე და თურქეთის რესპუბლიკის გენერალური კონსული ბათუმში მაქბულე ქოჩაკი ესწრებოდნენ.

ზურაბ პატარაძემ ელჩს მადლობა გადაუხადა წლების მანძილზე საქართველოს ტერიტორიული მთლიანობის, სუვერენიტეტისა და ევროატლანტიკური მისწრაფებების ურყევი მხარდაჭერისათვის. თავის მხრივ, ელჩმა მთავრობის თავმჯდომარეს მადლობა გადაუხადა მასპინძლობისთვის.

შეხვედრაზე მხარეებმა ორ ქვეყანას შორის თანამშრომლობის გაღრმავებასა და სამომავლო ურთიერთობების პერსპექტივებზე იმსჯელეს. აღინიშნა, რომ თურქეთი საქართველოს სტრატეგიული პარტნიორია. აქტიურია ორ ქვეყანას შორის ურთიერთთანამშრომლობა სავაჭრო-ეკონომიკურ და თავდაცვის სფეროებში, ასევე, მნიშვნელოვანია კულტურულ-ჰუმანიტარული ურთიერთობებიც.

განსაკუთრებული ხაზგასმით აღინიშნა ურთიერთობა ეკონომიკური თანამშრომლობის ჭრილში. თურქეთი საქართველოს ერთ-ერთი უმნიშვნელოვანესი პარტნიორია. 2008 წლიდან ორ ქვეყანას შორის მოქმედებს შეთანხმება თავისუფალი ვაჭრობის შესახებ. მუდმივად იმართება მაღალი დონის ოფიციალური ვიზიტები, რომლებიც ემსახურება სხვადასხვა სფეროში ორმხრივი ურთიერთობების განვითარებას.

ზურაბ პატარაძე ელჩს ესაუბრა რეგიონულ დონეზე თანამშრომლობის შესახებაც. აჭარის მთავრობის თავმჯდომარემ აღნიშნა, რომ სავაჭრო და საქმიანი ურთიერთობების კიდევ უფრო განსავითარებლად აუცილებელია ორმხრივი ბიზნეს ფორუმების ორგანიზება, ბიზნეს და საქმიანი წრეების ერთმანეთთან დაკავშირება. ზურაბ პატარაძემ, ასევე, ისაუბრა კურორტ გოდერძის განვითარებაზე და აღნიშნა, რომ მნიშვნელოვანი იქნება თურქული მხარის დაინტერესება როგორც ინვესტიციების განხორციელებით, ასევე ტურისტული კუთხით, რათა უფრო მეტ დაინტერესებულ ადამიანს ჰქონდეს ინფორმაცია ახალი სამთო-სათხილამურო კურორტის შესახებ.

შეხვედრაზე ისაუბრეს ქვეყნებს შორის სატრანზიტო ტვირთების გადაზიდვასა და სატრანსპორტო მიმოსვლაზე. მხარეებმა აღნიშნეს, რომ ამ მიმართულების ხელშეწყობით კიდევ უფრო გაიზრდება ტვირთბრუნვა.

,,მინდა, ასევე, შევეხო ბოლო დროის ყველაზე მნიშვნელოვან გამოწვევას. დამეთანხმებით, ჩვენი ქვეყნებისთვის უაღრესად მნიშვნელოვანია ოპტიმალური და გამართული სასაზღვრო პოლიტიკის არსებობა. ვიმედოვნებ, რომ მიმდინარე წლის გაზაფხულზე დაგეგმილი თურქეთის შსს მინისტრის ვიზიტის ფარგლებში საბოლოოდ იქნება მიღწეული ორივე ქვეყნისათვის ხელსაყრელი შედეგი საზღვრის კვეთის რეგულაციებთან დაკავშირებით“, - განაცხადა ზურაბ პატარაძემ.

თურქეთის ელჩის განცხადებით, ,,მნიშვნელოვანია, რომ საზღვრის კვეთის რეგულაციებთან დაკავშირებით ორმხრივი კონსულტაციები აქტიურად მიმდინარეობს. აღნიშნული საკითხის გადაწყვეტა ჩვენთვისაც მნიშვნელოვანია. ვფიქრობ, რომ კონსულტაციები ორივე მხარისათვის ხელსაყრელი გადაწყვეტილების მიღებით დასრულდება".

შეხვედრაზე ასევე, აღინიშნა, რომ გასულ წელს არაერთი მაღალი დონის ოფიციალური ვიზიტი შედგა, მათ შორის, 2017 წლის ოქტომბრის თვეში, GDSC-ს ფარგლებში, რეგიონმა უმასპინძლა თურქეთის ეროვნული თავდაცვის მინისტრს ნურეთინ ჯანიქლის. ასევე აღსანიშნავია, რომ ნატო-ს ეგიდით სისტემატურად ხორციელდება თურქული გემების საპორტო ვიზიტები ქალაქ ბათუმში და ერთობლივი წვრთნების გამართვაც.

ფატმა ჯერენ იაზგანი საქართველოში თურქეთის რესპუბლიკის ელჩის პოზიციაზე მოღვაწეობას 2017 წლის ბოლოდან შეუდგა.

სააკაშვილის განცხადებებმა საკმაოდ სერიოზული დარტყმა მიაყენა „ნაციონალურ მოძრაობას“, როგორც ოპოზიციურ და პოლიტიკურ ძალას - გია ვოლსკი

11 დეკემბერი, 2018 , 12:00

„ვფიქრობ, მიხეილ სააკაშვილმა თავის უკომპრომისო გეგმებზე საუბრით სერიოზულად შეარყია „ნაციონალური მოძრაობისა“ და საერთოდ ოპოზიციის ავტორიტეტი საერთაშორისო დონეზე“,-ამის შესახებ პარლამენტის ვიცე-სპიკ

ინაუგურაციის შემდეგ გაცილებით მეტი იქნება შესაბამის საკადრო ცვლილებებზე ინფორმაცია, თუ ეს საჭირო იქნა - გია ვოლსკი

10 დეკემბერი, 2018 , 17:45

„მე ვფიქრობ, რომ ამ ცვლილებებისა და სკანდალური თემების მაძიებლები უფრო ბევრნი არიან, ვიდრე ანალიტიკოსები“, - ასე გამოეხმაურა პარლამენტის ვიცე-სპიკერი გია ვოლსკი გავრცელებულ ინფორმაციას შესაძლო საკადრო ცვლილებ

ლევან გოგიჩაიშვილი პარლამენტს მოუწოდებს იმ ბრალდებებით დაინტერესდეს, რომელიც ეროვნული გვარდიის უფროსის მოადგილის თანამდებობაზე დანიშნული კობა ახვლედიანის მიმართ არსებობს

10 დეკემბერი, 2018 , 17:45

„ქართული ოცნების“ დეპუტატი ლევან გოგიჩაიშვილი პარლამენტს მოუწოდებს იმ ბრალდებების საკითხით დაინტერესდეს, რომელიც ეროვნული გვარდიის უფროსის მოადგილის თანამდებობაზე დანიშნული კობა ახვლედიანის მიმართ არსებობს. რ

საპარლამენტო უმცირესობა ზუგდიდის მე-6 სკოლის დირექტორის გარდაცვალების გამო განათლების მინისტრის პასუხისმგებლობის საკითხს სვამს

10 დეკემბერი, 2018 , 17:30

საპარლამენტო უმცირესობამ ზუგდიდის მე-6 საჯარო სკოლის დირექტორის ია კერზაიას გარდაცვალების ფაქტის გამო განათლებისა და მეცნიერების მინისტრის მიხეილ ბატიაშვილის პოლიტიკური პასუხისმგებლობის საკითხი დააყენა და მისი გადადგომა

პრემიერ-მინისტრმა სწავლება ,,დიდგორი 2018“-ის მონაწილეებს სიტყვით მიმართა

10 დეკემბერი, 2018 , 17:05

საქართველოს თავდაცვის პოლიტიკა შეკავებისა და თავდაცვის პრინციპებს ეფუძნება; ამ პოლიტიკის წარმატებით განხორციელება მნიშვნელოვანწილად დამოკიდებულია ტოტალური თავდაცვის სისტემის შექმნასა და გაძლიერებულ საერთაშორისო თანამშრომ

მომავალი წლიდან საქართველოს ექნება ახალი საბაჟო კოდექსი - მამუკა ბახტაძე

10 დეკემბერი, 2018 , 16:10

მომავალი წლიდან საქართველოს ექნება ახალი საბაჟო კოდექსი, რომელიც საშუალებას მოგვცემს, მოვახდინოთ ჩვენი ქვეყნის უფრო ეფექტურად ინტეგრირება გლობალურ ეკონომიკაში, - ამის შესახებ საქართველოს პრემიერ-მინისტრმა მამუკა ბახტაძემ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`