უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
არქივი
პოლიტიკა
ზურაბიშვილი ამბობდა, რომ დიდ ყურადღებას დაუთმობდა რეგიონების განვითარებას... ვფიქრობ, მაგიტომ აირჩიეს თელავი ინაუგურაციისთვის - ირაკლი ქადაგიშვილი
კახეთის სახელმწიფო რწმუნებულ-გუბერნატორი, ირაკლი ქადაგიშვილი მიესალმა გადაწყვეტილებას, რომ თელავში ახალარჩეული პრეზიდენტის, სალომე ზურაბიშვილის ინაუგურაცია ჩატარდება.
მისივე თქმით, თელავის არჩევით სალომე ზურაბიშვილი თავისი პირობის შესრულებას იწყებს, რომლის თანახმად, ის დიდ ყურადღებას დაუთმობს რეგიონების განვითარებას.
„ზურაბიშვილი ამბობდა, რომ რეგიონების განვითარებას, ჩართულობას ქვეყნის ცხოვრებაში ის, როგორც პრეზიდენტი დიდ ყურადღებას დაუთმობდა. მე ვფიქრობ, სწორედ აქედან არის არჩეული კახეთი, თელავი, რომელსაც დიდი ისტორია გააჩნია“, -განაცხადა ქადაგიშვილმა.
თელავის ისტორიული მუზეუმის დირექტორის, გურამ ურჩუხიშვილის თქმით, ერეკლე მეფის სასახლე მზად არის ინაუგურაციის ჩასატარებლად. მისივე თქმით, ორგანიზატორები ორი დღის წინ იყვნენ თელავში ჩასული ეზოს დასათვალიერებლად და ამის შემდეგ მას აღარავინ აღარ დაჰკავშირებია.
სალომე ზურაბიშვილმა დღეს დაადასტურა, რომ ინაუგურაციის ცერემონიალი კახეთში, თელავში გაიმართება.