უკან

უახლესი ამბები

დღის კალენდარი

ანონსები

არქივი

საზოგადოება

12 თებერვალი, 2018 14:15
font-size

ზვიად რატიანს მიენიჭოს დაზარალებულის სტატუსი - EMC

„ადამიანის უფლებების სწავლებისა და მონიტორინგის ცენტრი“ (EMC) პოეტ ზვიად რატიანის შესაძლო ცემის ფაქტთან დაკავშირებულ გამოძიებას გამოეხმაურა. არასამთავრობოს თქმით, მიუხედავად იმისა, რომ სამედიცინო ექსპერტიზამ დაადასტურა ფიზიკური დაზიანების კვალი რატიანის სხეულზე, პოეტს არ მიენიჭა დაზარალებულია სტატუსი, რაც გამოძიების სანდოობას ეჭვქვეშ აყენებს.

EMC-იმ მოითხოვა თბილისის პროკურატურისგან, რომ დროულად მოხდეს იმ პოლიციელთა ამოცნობა, ვინც რატიანს სიტყვიერი და ფიზიკური შეურაცხყოფა მიაყენა, ასევე დაადგინოს, რატომ მოხდა რატიანის საათ-ნახევრით დაყოვნება დროებითი განთავსების იზოლატორში.

„ადამიანის უფლებების სწავლებისა და მონიტორინგის ცენტრი“ (EMC) პოლიციის მხრიდან ზვიად რატიანის შესაძლო არასათანადო მოპყრობის ფაქტს და ამ საქმეზე მიმდინარე გამოძიებას ეხმაურება.

პოლიციის თანამშრომელთა მხრიდან ზვიად რატიანის ცემის სავარაუდო ფაქტზე გამოძიებას თბილისის პროკურატურა, 2017 წლის 24 დეკემბრიდან, უფლებამოსილების ძალადობით გადამეტების მუხლით აწარმოებს.

როგორც ცნობილია, ზვიად რატიანი 2017 წლის 23 დეკემბერს სპეციალური საპოლიციო კონტროლის ფარგლებში ძველი თბილისის სამმართველოს მეხუთე განყოფილების თანამშრომლებმა შეაჩერეს. ზვიად რატიანის განცხადებით, ადმინისტრაციული წესით მისი დაკავების შემდეგ, პოლიციის თანამშრომლებმა მას ფიზიკური და სიტყვიერი შეურაცხყოფა მიაყენეს, რაც სხეულზე არსებულ არაერთ დაზიანებაშია გამოხატული.

გამოძიების დაწყებიდან გონივრული ვადის გასვლისა და საქმეში არსებული სათანადო საფუძვლების არსებობის მიუხედავად, ზვიად რატიანს დაზარალებულის სტატუსი ამ დრომდე არ აქვს მინიჭებული. მიუხედავად იმისა, რომ პროკურატურამ რატიანსა და მისი ინტერესების დამცველს მისცა სისხლის სამართლის საქმის მასალების გაცნობის შესაძლებლობა, დაზარალებულის სტატუსის მიუნიჭებლობა გამოძიების პროცესის დამოუკიდებლობისა და სანდოობის მიმართ კითხვებს აჩენს.

ამ დრომდე საქმეზე ჩატარებული საგამოძიებო მოქმედებებით ცნობილია შემდეგი:

ზვიად რატიანის სხეულზე სხვადასხვა სახის დაზიანებების არსებობა დადასტურებულია სამედიცინო ექსპერტიზის დასკვნით. დასკვნის თანახმად, ზვიად რატიანს სხეულსა და სახეზე მთლიანობაში ოცამდე დაზიანება, სისხლისჩაქცევები და ესკორიაციები აღენიშნება;

საქმეში არსებული მასალებით დადგენილია ისიც, რომ ზვიად რატიანს პოლიციის თანამშრომლებთან კომუნიკაციამდე არანაირი დაზიანება არ აღენიშნებოდა;

საქმის მასალებით ასევე დგინდება პოლიციის თანამშრომელთა მიერ ზვიად რატიანის საქმესთან დაკავშირებით გაკეთებული ახსნა-განმარტებების მცდარობა. სასამართლო პროცესზე პოლიციელებმა განმარტეს, რომ რატიანის დაკავება განპირობებული იყო საზოგადოებრივი წესრიგის დარღვევითა და ქუჩაში უმისამართო, ხმამაღალი გინებით. საქმეში არსებული ერთ-ერთი ვიდეოჩანაწერით დაფიქსირებულია ზვიად რატიანის გადაადგილების ეპიზოდი თამარ მეფის გამზირზე. აღნიშნული ჩანაწერი ნათლად აჩვენებს, რომ ზვიად რატიანის მხრიდან საზოგადოებრივი წესრიგის დარღვევასა და უმისამართო გინებას მითითებულ დროს ადგილი არ ჰქონია. ეს გარემობა საეჭვოს ხდის პოლიციელთა ახსნა-განმარტებებს ამ საქმესთან დაკავშირებით და უკარგავს სანდოობას მათ პოზიციებს;

საქმის მასალებით დგინდება, რომ დროებითი მოთავსების იზოლატორში შეყვანამდე, ზვიად რატიანი პოლიციას დაახლოებით საათ-ნახევრის განმავლობაში დაკავებული ჰყავდა იზოლატორის მიმდებარე ავტოსადგომზე. გამოძიებისთვის ზვიად რატიანის მიერ მიცემული ინფორმაციის თანახმად, პოლიციის თანამშრომლები მასზე განსაკუთრებით სწორედ დროებითი მოთავსების იზოლატორთან ყოფნის დროს ძალადობდნენ. საქმეში არსებული ერთ-ერთი ვიდეოჩანაწერით, დგინდება, რომ ძველი თბილისის სამმართველოს მეხუთე განყოფილების თანამშრომელთა ავტომანქანა, რომელშიც ზვიად რატიანი იყო მოთავსებული, დროებითი მოთავსების იზოლატორთან საათზე მეტი ხნის განმავლობაში იყო გაჩერებული. პოლიციის თანამშრომლები ამ დაყოვნებას დმი-ში სხვა დაკავებულის მიღებით ხსნიდნენ, თუმცა ვიდეოკადრებზე ასახულია, რომ პოლიციის თანამშრომელთა მიერ იზოლატორის ტერიტორიაზე რატიანის მიყვანიდან შვიდ წუთში, სხვა ავტომანქანით მიყვანილი, დაკავებული პირი დაუყოვნებლივ შეჰყავთ იზოლატორში. ეს გარემოება საეჭვოს ხდის პოლიციის თანამშრომელთა განმარტებების სისწორეს, როგორც აღნიშნულ ეპიზოდთან, ისე რატიანის საქმეში არსებულ სხვა საკითხებთან დაკავშირებით.

გამოძიებას ჯერჯერობით სათანადოდ არ აქვს გამოკვლეული იზოლატორთან რატიანის ხანგრძლივი დაყოვნების ეპიზოდი, მათ შორის, დაყოვნების პერიოდში იზოლატორში სხვა დაკავებულების შეყვანის შესაძლო შემთხვევები.

მიგვაჩნია, რომ საქმის გამოძიების ამ ეტაპისთვის, არსებობს საკმარისი სამართლებრივი საფუძველი ზვიად რატიანისთვის დაზარალებულის სტატუსის მისანიჭებლად. ასევე, მნიშნელოვნად მიგვაჩნია, რიგი საგამოძიებო მოქმედებების (მათ შორის, პოლიციელების ამოცნობა)უმოკლეს ვადებში ჩატარება იმისთვის, რომ დროულად იყოს მიღებული საქმეზე შემაჯამებელი გადაწყვეტილება.

მოვუწოდებთ თბილისის პროკურატურას:

ზვიად რატიანს მიენიჭოს დაზარალებულის სტატუსი;

დროულად ჩატარდეს ზვიად რატიანის სიტყვიერ და ფიზიკურ შეურაცხყოფაში მონაწილე პოლიციის თანამშრომელთა ამოცნობა;

დადგინდეს ზვიად რატიანის დროებითი მოთავსების იზოლატორთან საათ-ნახევრის განმავლობაში დაყოვნების რეალური მიზეზი, მათ შორის, მოხდეს იმ პირების გამოკითვხა, რომლებიც დროის იმავე მონაკვეთში იმყოფებოდნენ იზოლატორის ავტოსადგომზე და შესაძლოა ფლობდნენ გამოძიებისთვის მნიშვნელოვან ინფორმაციას“, - წერია „ადამიანის უფლებების სწავლებისა და მონიტორინგის ცენტრის“ მიერ გავრცელებულ განცხადებაში.

საქართველოში კორუფცია მძვინვარებს და დღეს ბიზნესი „ქართული ოცნების` მარწუხებშია მოქცეული - მამუკა ხაზარაძე

9 ივლისი, 2020 , 16:30

„ლელო საქართველოსთვის“ თავმჯდომარე მამუკა ხაზარაძე საერთაშორისო გამჭვირვალობის მიერ გამოქვეყნებულ კვლევას ეხმაურება, სადაც აღნიშნულია, რომ პარტიებიდან ყველაზე მეტი დაფინანსება „ქართულ ოცნებას“ აქვ

თავად აღმოვაჩინოთ რამდენი რამ გვქონია სანახავი და მერე უკვე თვითონ ვიქცეთ უცხოელებისთვის გიდებად - მაია ცქიტიშვილი

9 ივლისი, 2020 , 16:30

ვანში გვაქვს მსოფლიო დონის მუზეუმი, ჩვენი ოქროს ფონდის ძალიან დიდი ნაწილი სწორედ იქ მოპოვებული ექსპონატებით არის მდიდარი და შევსებული და შესაბამისად, ვანი არის ძალიან დიდი მიზიდულობის ცენტრი და ჩვენი ისტორიის განუყოფელი

ადამიანები მომავალს რწმენით უყურებენ, მაგრამ ივანიშვილთან ერთად თავის მომავალს ვერ ხედავენ - გიგი უგულავა

9 ივლისი, 2020 , 16:30

ადამიანები მომავალს რწმენით უყურებენ, მაგრამ ივანიშვილთან ერთად თავის მომავალს ვერ ხედავენ, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ ტყვიავში მოსახლეობასთან შეხვედრაზე განაცხადა.

ვფიქრობთ, ბრძნული ნაბიჯი იქნება, თუ აია სოფია კვლავაც ნეიტრალურ სივრცედ დარჩება - საქართველოს საპატრიარქო

9 ივლისი, 2020 , 16:00

ვფიქრობთ, დღეს ბრძნული ნაბიჯი იქნება, თუ აია სოფია კვლავაც ნეიტრალურ სივრცედ დარჩება, – ამის შესახებ აღნიშნულია საქართველოს საპატრიარქოს განცხადებაში. როგორც განცხადებაშია აღნიშნული, საპატრიარქო იმედოვნებს, რომ &bd

ივანიშვილის ხელისუფლება ამზადებს საარჩევნო ოკუპაციას ჩვენი ქვეყნისას – შალვა ნათელაშვილი

9 ივლისი, 2020 , 15:00

აქცია-ბრიფინგი ,,გახსენი" გამართეს ლეიბორისტებმა თბილისის აეროპორტში და საზღვრების გახსნა მოითხოვეს ყველა იმ ქვეყანასთან, სადაც ეპიდემიოლოგიური სიტუაცია კონტროლს ექვემდებარება.  „დღეს ახალი სასწაულით გაგვაოცა

საზღვარგარეთ სეზონურ სამუშაოებზე დასაქმებულები სოციალურ დახმარებას მიიღებენ

9 ივლისი, 2020 , 14:40

საქართველოს მთავრობის გადაწყვეტილებით, სახელმწიფო კომპენსაციის მისაღებად თვითდასაქმებულთა რეგისტრაციის ვადა პირველ აგვისტომდე გახანგრძლივდა, – ამის შესახებ საქართველოს პრემიერ-მინისტრმა, გიორგი გახარიამ მთავრობის დ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე