მსოფლიო

უკრაინის თავდაცვის მინისტრის მოადგილე რუსული სამხედრო დანაკარგების შესახებ ინფორმაციას ავრცელებს

უკრაინის თავდაცვის მინისტრის მოადგილე რუსული სამხედრო დანაკარგების შესახებ სოციალურ ქსელში ინფორმაციას ავრცელებს.

ანა მალიარის განცხადებით, 24 თებერვლიდან დღემდე, რუსული საოკუპაციო ძალების დანაკარგებმა 5 300 ჯარისკაცი შეადგინა.

მისი თქმით, მტრის სავარაუდო ჯამური დანაკარგები 24 თებერვლიდან 28 თებერვლის 06:00 საათამდე ასეთია: 29 ერთეული თვითმფრინავი, 29 ერთეული ვერტმფრენი, 191 ერთეული ტანკი, 816 ერთეული ჯავშანტრანსპორტიორი, 74 ერთეული საარტილერიო დანადგარი, ერთი ერთეული საჰაერო თავდაცვის სისტემა BUK -1 და Grad-21, 291 ერთეული საავტომობილო ტექნიკა, 60 ერთეული საწვავის ავზი, სამი ერთეული უპილოტო საფრენი აპარატი, ორი ერთეული საზღვაო ხომალდი/კატერი, ხუთი ერთეული ჰაერსაწინააღმდეგო თავდაცვის სისტემა. პირად შემადგენლობას შორის დანაკარგი კი დაახლოებით 5 300 ჯარისკაცია.

„ინფორმაცია საორიენტაციოა და შესაძლოა, დაზუსტდეს, იქიდან გამომდინარე, რომ ბრძოლების მიმდინარეობისას მისი მოპოვება უკიდურესად რთულია, რადგან მეთაურები, პირველ რიგში, ყურადღებას ბრძოლის წარმართვაზე ამახვილებენ“, – განაცხადა მალიარმა.