პოლიტიკა

ალექსანდრე ჯეჯელავა განათლების ახალ მინისტრს რჩევებს აძლევს

განათლების ყოფილმა მინისტრმა, ალექსანდრე ჯეჯელავამ დღეს ახალ მინისტრს უწყება გადააბარა.

როგორც ალექსანდრე ჯეჯელავამ განათლების მიხეილ ჩხენკელთან შეხვედრის შემდეგ ჟურნალისტებს განუცხადა, ახალ მინიტრს ორ მთავარ გამოწვევას უტოვებს.

”მთავარ გამოწვევად ახალ მინისტრს ვუტოვებ სოფლის და უმცირესობებით დაკომპლექტებულ სკოლებში კვალიფიციური მასწავლებლების ნაკლებობას, განსაკუთრებით საბუნებისმეტყველო საგნებში. მეორე, მთავარ გამოწვევად ვუტოვებ პროფესიულ სასწავლებლებში სტუდენტების მცირე რაოდენობას. ეს არის ცენტრალური გამოწვევები”, - განაცხადა ალექსანდრე ჯეჯელავამ.

განათლების ყოფილი მინისტრი ახალ მინისტრს რამდენიმე რჩევასაც აძლევს.

”მთავარი რჩევა ახალი მინისტრისთვის იქნება, რომ მაქსიმალური კონცენტრაცია მოახდინოს გრძელვადიან შედეგზე. დარწმუნებული ვარ, სწორი მმართველობის თუ ყოველდღიურ რუტინაში არ ჩავვარდებით თითოეული ჩვენგანი, შესაძლებელია ჩვენი პროფესიული თუ უმაღლესი განათლების სისტემა და სკოლაც იყოს აბსოლუტურად სხვა დონეზე”, - განაცხადა ალექსანდრე ჯეჯელავამ.

ნინო ექვთიმიშვილი