ბათუმის საკრებულოში ოპოზიციური ფრაქცია `ბათუმი” შეიქმნა
საბეჭდი ვერსია
ბათუმის საკრებულოში ოპოზიციური პარტიების წარმომადგენლებმა ფრაქცია ჩამოაყალიბეს. ფრაქცია, რომლის სახელწოდებაცაა `ბათუმი,” `ქრისტიან-დემოკრატიული მოძრაობისა” და `ეროვნული საბჭოს” სიიდან გასულმა დეპუტატებმა: მამული ჟღენტმა, ვაჟა ვერულიძემ და ნაზი ქობულაძემ შექმნეს. ახალი ფრაქციის ხელმძღვანელად `ქრისტიან-დემოკრატი” ნაზი ქობულაძე აირჩიეს.
როგორც `მედიანიუსს” `ქრისტიან-დემოკრატების” წარმომადგენელმა, ვაჟა ვერულიძემ განუცხადა, ახალი ფრაქცია თემატური თანამშრომლობის მიზნით შეიქმნა. ფრაქციის წევრები პოლიტიკური შეხედულებებში დამოუკიდებელი იქნებიან და არა ერთმანეთის მიმართ ანგარიშვალდებულები.
ცნობისთვის: ბათუმის საკრებულოში სულ ოპოზიციური პარტიათა ხუთი წარმომადგენელია, თუმცა ფრაქციის წარმომადგენლებს `ალიანსი საქართველოსთვის” კვოტით გასულ ირაკლი ჩავლეიშვილთან და ასევე, `ეროვნული საბჭოდან” გასულ ჯუმბერ კობალაძესთან კონსულტაციები არ ჰქონიათ. ვაჟა ვერულიძემ ეს გარემოება ფრაქციისთვის საჭირო სამი წევრის არსებობით ახსნა.
Facebook
TwitThis
