მიხეილ სააკაშვილმა ბათუმის ბულვარში ახალი ქანდაკება გახსნა
საბეჭდი ვერსია
საქართველოს პრეზიდენტმა მიხეილ სააკაშვილმა ბათუმის ბულვარში ახალი ქანდაკება გახსნა.
ქანდაკების ავტორები არიან მოქანდაკე გელა წულაძე და ფრანგი ხელოვანი ჟან დიუპი.
ქანდაკების, რომელსაც „ყირამალა“ ჰქვია, გახსნისას პრეზიდენტმა ბულვარის კიდევ უფრო გაგრძელებასა და ბათუმის კეთილმოწყობაზე ისაუბრა.
მისით თქმით, ბათუმი ხელოვნების ცენტრი ხდება და ქანდაკებები ბულვარში იმ ხალხის მიერ იდგმება, რომელთა ნამუშევრებიც მსოფლიოს საუკეთესო ადგილებშია განთავსებული.
„ეს ბულვარი არის ევროპაში ერთ-ერთი საუკეთესო და დღეს მივიღეთ გადაწყვეტილება, რომ ახლა თუ ბათუმის ბულვარი 8 კილომეტრია, მივიყვანთ კვარიათამდე და ბულვარი 20 კილომეტრი გამოვა, რომელიც იქნება ევროპის ყველაზე გრძელი და ყველაზე შთამბეჭდავი ბულვარი“, _ აღნიშნა მიხეილ სააკაშვილმა.
მისივე თქმით, წელს საქართველოში ტურისტის რაოდენობა 400 000 გასცდა და თუკი ასეთი ტენდენცია გაგრძელდებაა, წლის ბოლომდე ტურისტების რაოდენობა 900 000-მდე გაიზრდება, რაც ყველაზე მცირე გათვლებით საქართველოს ეკონომიკაში მილიარდ ნახევარი ლარის ჩადებას ნიშნავს.
Facebook
TwitThis
