„ლელო-ძლიერი საქართველო“ სკოლებში უფასო კვების დაუყოვნებლივ დანერგვას მოითხოვს

„ლელო-ძლიერი საქართველოს“ ერთ-ერთი ლიდერი, ქეთევან თურაზაშვილი ხელისუფლებისგან სკოლებში უფასო კვების პროგრამის დაუყოვნებლივ ამოქმედებას მოითხოვს.

თურაზაშვილის განცხადებით, მმართველი გუნდის მიერ დაპირების შეუსრულებლობის გამო მოსწავლეების 35% სკოლაში ვერ იკვებება, რაც მათ ჯანმრთელობასა და აკადემიურ მოსწრებაზე უარყოფითად აისახება.

ძირითადი აქცენტები და ციფრები:

• ბიუჯეტი: I-IV კლასის მოსწავლეთა უფასო კვებით უზრუნველყოფა სახელმწიფოს 147 მილიონი ლარი დაუჯდება.

• სტატისტიკა: UNICEF-ისა და „საქსტატის“ მონაცემებით, მოსწავლეთა მესამედზე მეტი სკოლის პერიოდში საერთოდ არ იკვებება.

• ინფრასტრუქტურა და ფასები: სკოლების უმეტესობაში ბუფეტი არ ფუნქციონირებს, ხოლო სადაც არის, ჭარბობს ძვირადღირებული და არაჯანსაღი პროდუქცია (მაგ. 0.5 ლ წვენი — 3 ლარი).

• პრიორიტეტები: ოპოზიციის წარმომადგენლის თქმით, პრობლემა არა ფინანსების ნაკლებობა, არამედ ბიუროკრატიული ხარჯებისა და პრემია-დანამატების ფონზე პრიორიტეტების არასწორი გადანაწილებაა.

ქეთევან თურაზაშვილი მაგალითად წალენჯიხის მუნიციპალიტეტში განხორციელებულ პროექტს ასახელებს.

“შეგახსენებთ წალენჯიხის წარმატებულ მაგალითს, რომელიც ჩვენი გუნდის, "ძლიერი საქართველოს - ლელოს" ინიციატივით განხორციელდა და ეს პროექტი ახლაც მიმდინარეობს, თუმცა "ქართულმა ოცნებამ" ისიც კი ვერ შეეძლო, შეენარჩუნებინა. დღეს მხოლოდ პირველი კლასელებისთვის დატოვა კვება სკოლებში, ესეც იმიტომ, რომ მშობლების დიდი უკმაყოფილება არ გამოეწვია. აქვე, მოგმართავთ მშობლებს, როდესაც ჩვენ შევცვლით ერთად ხელისუფლებას, პირველს, რასაც ბავშვებისთვის გავაკეთებთ, ეს იქნება უფასო კვება სკოლებში“,-განაცხადა თურაზაშვილმა.