უკან

უახლესი ამბები

დღის კალენდარი

ანონსები

არქივი

მსოფლიო

28 ოქტომბერი, 2016 14:30
font-size

არასამთავრობო ორგანიზაციები ხელისუფლებას დეოკუპაციის მკაფიო და მიზანმიმართული სტრატეგიის შემუშავებისკენ მოუწოდებენ

არასამთავრობო ორგანიზაციები ხელისუფლებას რუსულ ოკუპაციასთან დაკავშირებით მიმართავენ.

როგორც საგანგებო განცხადებაშია ნათქვამი, რუსულ ოკუპაციასთან საბრძოლველად უაღრესად მნიშვნელოვანია სწორი და თანმიმდევრული დიპლომატიური სტრატეგია და მისი მიზანმიმართული განხორციელება.

არასამთავრობო ორგანიზაციებმა ხელისუფლებას რეკომენდაციით მიმართავენ.

„ქართული სახელმწიფოებრიობისათვის სასიცოცხლოდ აუცილებელია საქართველოს ტერიტორიების დეოკუპაციის საკითხი მუდმივად იყოს თავისუფალი სამყაროსა და რუსეთთან ურთიერთობების დღის წესრიგში. რუსეთის მიერ საქართველოს ტერიტორიების ოკუპაცია ძირს უთხრის არა მხოლოდ საქართველოს თავისუფლებას, უსაფრთხოებასა და განვითარებას, არამედ ემუქრება უსაფრთხოებასა და სტაბილურობას მთლიანად ევროპაში. რუსეთის აგრესიული და რევიზიონისტული პოლიტიკის გამო იცვლება რუსეთისადმი დასავლეთის დამოკიდებულება. ხდება ევროპული უსაფრთხოების ახალი დღის წესრიგის ფორმირება, რომლის ნაწილიც საქართველოს საკითხებიც უნდა გახდეს. რუსული ოკუპაციის თემატიკის მუდმივად დაყენება საერთაშორისო საზოგადოების დღის წესრიგში უნდა გახდეს საქართველოს საგარეო პოლიტიკის ცენტრალური საკითხი და ქართული დიპლომატიური კორპუსის ყოველდღიური საზრუნავი.ნებისმიერი ინიციატივა, რომელიც შეამცირებს ამგვარ ძალისხმევას - შექმნის ილუზიას, რომ საქართველო ან შეეგუა ოკუპაციის ფაქტს და ნაკლებად აქტუალურად მიაჩნია ის, ან ამ პრობლემის გადასაწყვეტად მხოლოდ რუსეთთან პირდაპირ დიალოგზე ამყარებს იმედებს, - შეასუსტებს საერთაშორისო საზოგადოებრიობის ჩართულობას და მაშასადამე გავლენას რუსეთზე, რაც დამღუპველი იქნება ქართული სახელმწიფოებრიობისათვის. მცდელობები და მოწოდებები შეიქმნას, ან გააქტიურდეს სხვადასხვა ორმხრივი მოლაპარაკებების ფორმატები რუსეთთან, რომლებიც დააკნინებენ ჟენევის ფორმატს და აქვთ ბუნდოვანი მანდატი, საზიანოა საქართველოს ეროვნული ინტერესებისათვის. ასეთი ტიპის ძალისხმევა მხოლოდ ართულებს საქართველოს მდგომარეობას, ქმნის არსებული ვითარების მცდარ აღქმას ზოგიერთი ჩვენი პარტნიორის მხრიდან და მხოლოდ ოკუპანტი ქვეყნის ინტერესებს ემსახურება.

მოვუწოდებთ ხელისუფლებას:

სამოქალაქო საზოგადოების ჩართულობით შეიმუშაოს დეოკუპაციის მკაფიო და მიზანმიმართული სტრატეგია;

არ დაუშვას ჟენევის ფორმატის დაკნინება;

პრაღის მოლაპარაკებების ფორმატის შენარჩუნების შემთხვევაში, მოახდინოს მისი დახვეწა, რაც გულისხმობს მოლაპარაკებების მანდატის მკაფიოდ ჩამოყალიბებას და ქართული მხრიდან მისი ხელმძღვანელის, საგარეო საქმეთა მინისტრის მოადგილის სტატუსის განსაზღვრას;

მაქსიმალურად გამოიყენოს ყველა დიპლომატიური და ინფორმაციული საშუალება და საერთაშორისო ტრიბუნა რუსეთის მიერ საქართველოს ტერიტორიების ოკუპაციასა და მიმდინარე პროცესებზე საერთაშორისო საზოგადოებრიობის სრული ინფორმირებისათვის.

ხელსიფულებისადმი მიმრათვას ხელს 21 არასამთავრობო ორგანიზაცია აწერს, მათ შორის არიან: საერთაშორისო გამჭვირვალობა საქართველო; სამოქალაქო განვითარების სააგენტო; სამართლიანი არჩევნებისა და დემოკრატიის საერთაშორისო საზოგადოება; ფონდი ღია საზოგადოება საქართველო; მედიის განვითარების ფონდი; საქართველოს გაეროს ასოციაცია; საზოგადოება და ბანკები და სხვა.

მონიკა დავლიანიძე

საკვანძო სიტყვები:

მსოფლიოში კორონავირუსით ინფიცირებულთა რიცხვმა 100 მილიონს გადააჭარბა

27 იანვარი, 2021 , 11:15

„კოვიდ-19“-ის პანდემიის გავრცელებიდან დღემდე მსოფლიოში ვირუსით ინფიცირებულთა რაოდენობამ 100 მილიონს გადააჭარბა. ჯონ ჰოპკინსის უნივერსიტეტის მონაცემების მიხედვით, მსოფლიოში ლაბორატორიულად ვირუსი ბოლო ერთ წელიწ

მოსკოვში ალექსეი ნავალნის მეუღლე დააკავეს

23 იანვარი, 2021 , 17:35

მოსკოვში რუსი ოპოზიციონერის, ალექსეი ნავალნის მეუღლე დააკავეს. ინფორმაციას „ეხო მოსკვი“ ავრცელებს. მედიასაშუალების ცნობით, იულია ნავალნაია მეუღლის მხარდასაჭერად მიმდინარე აქციაში მონაწილეობის მისაღებად მივიდა

ჯო ბაიდენი აშშ-ის 46-ე პრეზიდენტია

20 იანვარი, 2021 , 21:17

ვაშინგტონში, ინაუგურაციის ცერემონიაზე ჯო ბაიდენმა ფიცი დადო. ჯო ბაიდენმა ფიცი აშშ-ის უზენაესი სასამართლოს თავმჯდომარის, ჯონ რობერტსის თანდასწრებით დადო. რაც იმას ნიშნავს, რომ ჯო ბაიდენი ოფიციალურად გახდა აშშ-ის 46-ე პრეზ

საქართველოს კანდიდატი ზურაბ პოლოლიკაშვილი გაერო-ს მსოფლიო ტურიზმის ორგანიზაციის საბჭომ გენერალური მდივნის პოზიციაზე მეორე ვადით აირჩია

20 იანვარი, 2021 , 11:05

საქართველოს კანდიდატი ზურაბ პოლოლიკაშვილი გაერო-ს მსოფლიო ორგანიზაციის აღმასრულებლემა საბჭომ გენერალური მდივნის თანამდებობაზე გაერო-ს გენერალურ ასამბლეას დასამტკიცებლად მეორე ვადით (2022-2025 წწ) წარუდგინა. ორგანიზაციის

დიდი ბრიტანეთი ყველა სატრანსპორტო დერეფანს კეტავს

16 იანვარი, 2021 , 13:09

დიდი ბრიტანეთის პრემიერ მინისტრმა, ბორის ჯონსონმა დაუნინგ სთრითზე გამართულ პრესკონფერენციაზე განაცხადა, რომ ბრიტანეთი ორშაბათ დილიდან, 18 იანვრიდან, ყველა სატრანსპორტო დერეფანს ჩაკეტავს, რათა კოვიდის „ჯერ კიდევ არა

საფრანგეთში საქართველოს საელჩო მოქალაქეებს ქვეყანაში მოქმედი შეზღუდვების შესახებ აფრთხილებს

15 იანვარი, 2021 , 17:20

საფრანგეთში საქართველოს საელჩო ქვეყანაში დაწესებულ შეზღუდვებთან დაკავშირებით ინფორმაციას ავრცელებს. მათივე ცნობით, 16 იანვრიდან ქვეყნის მთელ ტერიტორიაზე კომენდანტის საათი 18:00-დან 06:00 საათამდე იმოქმედებს. „საფრა