პოლიტიკა

აუდიტის სამსახური აფხაზეთის ჯანდაცვის სამინისტროს სახელმწიფო ქონების არამართლზომიერ განკარგვაში ადანაშაულებს

აუდიტის სამსახური აფხაზეთის ჯანდაცვის სამინისტროს სახელმწიფო ქონების არამართლზომიერ განკარგვაში ადანაშაულებს.

ფინანსური აუდიტის დასკვნის თანახმად, სამინისტროს სარგებლობაში არსებული 800 კვადრატული მეტრი ფართის ნაწილი (37 კვ.მ) აფხაზეთის ავტონომიური რესპუბლიკის გარემოს დაცვისა და ბუნებრივი რესურსების დაცვის დეპარტამენტის ერთ-ერთ სსპ-ს (გამწვანებისა და გარემოსდაცვითი პროექტების სააგენტოს ოკუპირებულ ტერიტორიაზე სანიტარიის, ვეტერინარიისა და მცენარეთა დაცვის მონიტორინგისა და რეაგირების სამსახურს) უკანონოდ ჰქონდა დაკავებული.

გარდა ამისა, აღნიშნულია, რომ სამინისტროს 48 კვ.მ-იანი ფართი უკანონოდ ჰქონდა დაკავებული აფხაზეთის სავაჭრო- სამრეწველო პალატას.

აუდიტის რეკომენდაციის მიუხედავად, აფხაზეთის ჯანდაცვის სამინისტრომ ეს დარღვევა არ გამოასწორა. შედეგად, აუდიტის სამსახური ადგენს, რომ ადგილი ჰქონდა სახელმწიფო საკუთრებაში არსებული ქონების არამართებულად და არამიზნობრივად განკარგვას.

უწყება კიდევ ერთხელ აძლევს რეკომენდაცას აფხაზეთის ჯანდაცვის სამინისტროს დაუყოვნებლივ განახორციელოს ქმედითი ღონისძიებები სახელმწიფო ქონების მართლზომიერ განკარგვაში მოსაქცევად.