უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
საზოგადოება
ჩვენ არავითარ შემთხვევაში მათ ეროვნებას, მოქალაქეობრივ კუთვნილებას არ უნდა გავუსვათ ხაზი - პრემიერი დანაშაულებრივ ჯგუფზე
საქართველოს პრემიერ-მინისტრის, გიორგი კვირიკაშვილის განცხადებით, დანაშაულებრივი ჯგუფის შესახებ სამართალდამცავი სტრუქტურები ფლობდნენ ინფორმაციას და მათი განეიტრალება სწორედ მასზე დაყრდნობით მოახერხეს.
„ისინი დღეს არ იყვნენ აღმოჩენილები და წინასწარი ინფორმაციებიც არსებობდა და ის, რომ აღმოაჩინეს, არის წინასწარი მუშაობის შედეგი. ამიტომ კიდევ ერთხელ ვამბობ, რომ დღეს, ვისაც არ ეზარება, ყველა გახდა ამ საქმის ექსპერტი და კარგად მცოდნე, მე მგონია, ასეთ სიტუაციებში ცოტა მეტად ღირსეულად უნდ მოვიქცეთ ხოლმე. კიდევ ერთხელ ვამბობ, დავასრულოთ ეს სპეკულაციები და მადლობა გადავუხადოთ ამ ბიჭებს“, -უთხრა კვირიკაშვილმა ჟურნალისტებს.
პრემიერმა აღნიშნა, რომ დანაშაულებრივი ჯგუფის წევრების ეროვნებაზე ხაზგასმა არ უნდა მოხდეს. მან დაამატა, რომ სამართალდამცველთა მოქმედებები სწორი და ლეგიტიმური იყო.
„არ აქვს მნიშვნელობა, რომელი ქვეყნის მოქალაქეები არიან , ჩვენ არავითარ შემთხვევაში მათ ეროვნებას , მოქალაქეობრივ კუთვნილებას არ უნდა გავუსვათ ხაზი. ფაქტია, რომ მშვიდობიან მოწოდებაზე, რომ ჩაბარებოდნენ პოლიციას, უპასუხეს სროლით და ასეთ შემთხვევაში , ბუნებრივია, ყველანაირი ეჭვი, რომ შეიძლებოდა გაცილებით უარესი შედეგი ყოფილიყო, არის აბსოლუტურად დასაბუთებული და სპეცრაზმმა, სუს-მა იმოქმედა აბსოლუტურად ლეგიტიმურად და სწორად“, -თქვა კვირიკაშვილმა.
ბერი გაბრიელ სალოსის გამზირზე ანტიტერორისტული სპეცოპერაცია 20 საათზე მეტხანს გაგრძელდა. დაკავებულია დანაშაულებრივი ჯგუფის 1 წევრი, სამი კი ლიკვიდირებულია. სუს-ის ინფორმაციით, დაიღუპა 1 სპეცრაზმელი, ხოლო 4 სამართალდამცველი დაჭრილია.
ანა მებურიშვილი