საზოგადოება

დაზიანებული ხეების მოჭრის გაზრდილი სტატისტიკა სანიტარულ ჭრებს უკავშირდება - დავით ნარმანია

თბილისის მერი, დავით ნარმანია IDFI-ის კვლევის შედეგებს გამოეხმაურა, რომლის მიხედვითაც წინა წლებთან შედარებით 2016 წელს თბილისის მერიის ნებართვებით მოჭრილ ხეებს შორის დაზიანებულის სტატუსი მინიმუმ 5-ჯერ მეტ ხეს მიენიჭა.

ნარმანიას განმარტებით, დაზიანებული ხეების მოჭრის გაზრდილი სტატისტიკა სანიტარულ ჭრებს უკავშირდება, რომელიც სპეციალისტების დასკვნის საფუძველზე განახორციელეს.

,, 2016 წელს ჩვენ ვახორციელებდით სანიტარულ ჭრებს, რომლის ფარგლებშიც ჯერ ხდებოდა ხეების მდგომარეობის შეფასება, მათი ნუმერაცია და მხოლოდ ამის შემდეგ ხდებოდა ხეების მოჭრა. ეს არის ძირითადი ფაქტორი, რამაც გამოიწვია აბსოლუტურ მაჩვენებლებში ციფრების ზრდა. სანიტარული ჭრა არის აუცილებელი იმისათვის, რომ დაზიანებულმა და დაავადებულმა ხეებმა შემდგომ სხვა ხეებიც არ დააზიანონ. შეფასება ხდება წინასწარ, ვიდრე მოხდება ხეების დანომვრა და შესაბამისად, ამაზე დაყრდნობით ხდება კონკრეტული გადაწყვეტილების მიღება’’, - განუცხადა ჟურნალისტებს დავით ნარმანიამ.

ნინო ექვთიმიშვილი